JEREMÍAS 39:5 - Dios Rimashca Shimicunami

⁵ Shina cajpipish, caldeo soldadocuna catishpaca, Jericó shuti pambapimi Sedequiastaca japircacuna. Chaipi japishpaca, Hamat llajtapi caj Ribla shuti pueblomanmi, Babilonia llajtata jatun mandaj Nabucodonosorpajman pusharcacuna. Chaiman chayachijpimi, paita ima shinalla llaquichinata mandarca.

JEREMÍAS 39:5 Iomraidhean Croise

2 SAMUEL 8:9

Hamat pueblota jatun mandaj Toica, Hadad-ezerpaj tucui soldadocunata David mishashcata uyashpami,

2 REYES 17:24

Asiria llajtata jatun mandajca Babilonia, Cuta, Ava, Hamat, Sefarvaim pueblocunapi causajcunata apashpami, Samariapi caj pueblocunapi israelcunapaj randi causachun churarca. Paicunami Samariataca paicunapajta rurashpa, chaipi caj pueblocunapi causarcacuna.

2 REYES 23:33

Joacaztaca Jerusalenpi ama ashtahuan mandachunmi Necao faraonca Hamat llajtapi caj Ribla pueblopi prezu churarca. Chashna rurashpaca Judá llajtataca patsaj talento cullquita, asha curitami cuchirca.

2 REYES 25:6

Jatun mandaj Sedequiasta prezu japishpaca, Babilonia llajtata jatun mandaj Ribla pueblopi cajpimi chaiman aparcacuna. Chaipimi Sedequiasta ima shina llaquichinata mandarca.

2 CRÓNICAS 33:11

Chaimantami Mandaj Diosca paicunata llaquichichunca, Asiria llajtata jatun mandajpaj soldadocunata mandajcunata apamurca. Paicunami Manasestaca, cadenacunahuan huatashpa Babilonia llajtaman prezu aparcacuna.

ISAÍAS 22:3

Tucui cambaj mandajcunaca tandallami arcohuan huañuchinamanta miticushpa callparcacuna. Ashtahuanpish huatashpa prezu apashcallatajmi tucurcacuna. Pueblopi saquirijcunapish tucuicunami huatashpa prezu apashcallataj carcacuna. Caruta miticushpa callpacushpapish tucuicunami prezu apashca carcacuna.

JEREMÍAS 21:7

Chai q'uipaca, Judá llajtata jatun mandaj Sedequiastapish ungüipi, espadapi, yaricaipi mana huañushpa, cai pueblopi causacujraj paita servijcunatapish, Babilonia llajtata jatun mandaj Nabucodonosorpaj maquipimi churasha. Paicunata p'iñashpa huañuchingapaj shamushca chai mandajpaj maquipi churajpica, espadahuanmi huañuchichinga. Paica pita mana llaquingachu, pimanta mana nanaringachu. Japishcahuan huañuchingallami ninmi nigrichij ningui.

JEREMÍAS 24:8

Shinallataj Mandaj Diosca cashnapishmi nirca: “Ashtahuanpish cai Judá llajtapi saquirijcunataca, cai llajtata jatun mandaj Sedequiastapish, pai churashca mandajcunatapish, Jerusalenpi causajcunapuramanta saquirishcacunatapish, Egipto llajtapi causagrijcunatapish mana micui tucuipaj cai ismushca higocunata shinamari ruragrini.

JEREMÍAS 38:18

Ashtahuanpish Babilonia llajtata jatun mandaj cachashca mandajcunapajman mana canllataj llujshishpa paicunapaj maquipi yaicujpica, cai puebloca caldeocunapaj maquipi churashca cangami. Paicunaca ninata japichishpa tucuimi rupachingacuna. Canpish paicunapaj maquimantaca, manataj quishpiringuichijchu ninmi– nircami.

JEREMÍAS 38:23

Cambaj tucui huarmicunatapish, huahuacunatapishmi caldeocunaca caimanta llujshichishpa apangacuna. Canpish paicunapaj maquimantaca manataj quishpiringuichu. Ashtahuanpish Babilonia llajtata jatun mandajpaj maquipi japi tucunguitajmi. Cai pueblopish tucui rupachishca cangatajmi– nircami.

JEREMÍAS 4:12

Ñucaca, paicunata sinchita llaquichingapajmi yallitaj sinchi huairata cachani” nishcami cangacuna.

JEREMÍAS 44:30

Mandaj Diosca cashnapishmi nin: Judá llajtata jatun mandaj Sedequiastaca, ñucatajmi paita p'iñashpa huañuchisha nicuj Babilonia llajtata jatun mandaj Nabucodonosorpaj maquipi churarcani. Cai Egipto llajtata jatun mandaj Hofra shuti faraontapish chashnallatajmi paita p'iñashpa huañuchisha nicuj Nabucodonosorpaj maquipi churasha ninmi– nircami.

JEREMÍAS 49:23

Damasco pueblopi causajcunamantaca, Mandaj Diosca cashnami huillarca: “Hamat, Arfad shuti pueblocunapi causajcunaca paicunata jatun llaqui japigrin nijtamari uyashcacuna. Chaita uyashpamari mancharishpa musparincuna. Yacuyashpa tucuricuj shinami mana samarincuna.

LAMENTACIONES 1:3

Judaca sinchi ruranacunata rurashpa, llaquinayajtami causarca. Shujtaj llajtacunapaj chaupipi causashpapish, mana sumajta causai tucurcachu. Cunanca shujtaj llajtaman prezumari rishca. Paita llaquichijcunaca tucuicuna quichquipi jarcashpamari japircacuna.

LAMENTACIONES 4:20

Ñucanchij causaita huaquichicujca, Mandaj Dios agllashca jatun mandajmari carca. “Ñucanchijca shujtaj llajtacunapaj chaupipica paimantamari causacunchij” nijmari carcanchij. Cunanca paitamari prezu apancuna.

EZEQUIEL 23:24

Shinallataj canta llaquichingapajca ruedayuj carrocunatapish, carretacunatapish, manchanayaj runacunatapishmi cachasha. Canta llaquichij runacunaca uchilla escudocunahuan, jatun escudocunahuan, umapipish cascota churashcacunami cambaj muyundijpica shayaringacuna. Paicunataca ñucami llaquichichijlla nishpa mandasha. Cantaca paicunapaj mandashcapi nishca shinami llaquichingacuna.

HABACUC 1:7

Paicunaca, mancharina jatun runacunami. Paicunaca cashcata ruranatapish, alli nishca canatapish paicunallatajmi mandashcacunapica churancuna.

NÚMEROS 13:21

Paicuna rishpaca, chai llajtataca Zin nishca shitashca pambamanta callarishpa, Hamatman yaicuna c'uchullapi caj Rehob shuti pueblocamami rijsishpa ricurcacuna.

JOSUÉ 13:5

Giblitacunapaj llajtatapish, inti llujshin ladoman caj tucui Líbano llajtatapish, Baal-gat llajtamanta callarishpa Hermón urcu chaquita catishpa, Hamat puebloman yaicunacamami japina tiyanraj.

JOSUÉ 4:13

Macanacunahuan caj runacunaca, 40.000 shina runacunami paicunapaj macanacunacunandij, Jericó pueblo pambamanca, Mandaj Diospaj ñaupajta ch'imbarcacuna.

JOSUÉ 5:10

Israelcunaca Jericó c'uchulla pamba Gilgalpi carpa huasicunata shayachishpa tiyacushpami, chai quillapaj chunga chuscu punllapaj chishipi Pascuata rurashpa Diosta yuyarircacuna.

JUECES 3:3

Filisteocunata pichca jatun mandajcuna, tucui cananeocuna, sidoniocuna, Lívano urcupi causaj heveocunapishmi carca. Paicunaca Baal-hermón urcumantaca, Hamatman rinacamami causarcacuna.