JEREMÍAS 39:4 - Dios Rimashca Shimicunami

⁴ Judá llajtata jatun mandaj Sedequiaspish, paipaj tucui soldadocunapish chai mandajcunata ricushpaca, tutami pueblomanta llujshircacuna. Jatun mandajpaj huerta chaupita rishpami, ishqui jatun pirca chaupipi caj punguta llujshircacuna. Chaita llujshishpaca, Arabá nishca pambamanmi rircacuna.

JEREMÍAS 39:4 Iomraidhean Croise

2 CRÓNICAS 32:5

Ezequiasca, c'ari c'ari cana yuyaita japishpami, chai pueblo muyundij jatun pircata allichirca. Shinallataj chai jatun pirca jahuapipish torrecunatami rurachirca. Chai jatun pirca canlla ladomanpish shujtaj jatun pircatami rurachirca. Davidpaj pueblopi caj Milo nishca pamba muyundij pircatapishmi ashtahuan sinchita rurachirca. Shinallataj achca espadacunatapish, escudocunatapishmi rurachirca.

ISAÍAS 22:11

Mauca tanquemanta yacuta tandachingapajpish ishqui pirca chaupipica yacu tandanatami rurarcanguichij. Chashna cashpapish pi chai llaquita cachacujtaca mana yuyarircanguichijchu. Chashna rurana cashcataca ñaupa huatacunamanta allichijtapish mana mancharcanguichijchu.

ISAÍAS 22:3

Tucui cambaj mandajcunaca tandallami arcohuan huañuchinamanta miticushpa callparcacuna. Ashtahuanpish huatashpa prezu apashcallatajmi tucurcacuna. Pueblopi saquirijcunapish tucuicunami huatashpa prezu apashcallataj carcacuna. Caruta miticushpa callpacushpapish tucuicunami prezu apashca carcacuna.

ISAÍAS 29:2

Ashtahuanpish ñucaca Ariel pueblotaca jatun llaquipimi churasha. Chaipica cushicui illangami. Llaquilla, huacailla canallami tiyanga. Cai puebloca ñucapajca, arielmi canga.

JEREMÍAS 32:4

Judá llajtata jatun mandaj Sedequiasca caldeo soldadocunapaj maquimantaca manataj quishpiringachu. Paica Babilonia llajtata jatun mandajpaj maquipi churashca cangatajmi. Ñahui ñahui ch'imbapura shayashpami paihuan rimanga.

JEREMÍAS 32:5

Sedequiastaca Babilonia llajtamanmi apachinga. Ñucallataj cutin ricugringacamami chaipi canga. Chai caldeo soldadocunahuan macanacushpapish, ashtahuan llaqui tucunguichijmi ninmi Mandaj Diosca ninguimari” nircami.

EZEQUIEL 12:12

Paicunata mandajtapish rigra jahuapimi, pata jutcuta tuta llujshichishpa apangacuna. Llajtata mana ricungapajpish, paipaj ñahuitami taparinga.

EZEQUIEL 12:4

Prezucuna apana quipita shinaca paicuna ricucujpi punlla llujshichingui, ashtahuanpish canca prezu apacujpi shina paicuna ricucujpi chishita llujshingui.

LEVÍTICO 26:17

Ñucapish cancunataca p'iña ñahuihuanmi ricusha. Cancunata p'iñajcunapaj ñaupajpimi chugrichishcacuna canguichij. Cancunata p'iñajcunami cancunataca mandanga. Pi mana caticujpipish miticushpami callpanguichij.

LEVÍTICO 26:36

Mana huañushpa saquirijcunataca manchana yuyaita paicunapaj shungupi ñuca churajpimi, paicunaca paicunata p'iñajcunapaj llajtapica yura p'anga cuyurijllapipish, espadahuan huañuchingapaj caticujpi shina jatunta mancharishpa miticugringacuna. Pipish manapish caticujpi miticugricushpami urmangacuna.

AMÓS 2:14

Chashna llaquichicujpica, alli callpajpish manataj callpai tucungachu, fuerzasapa runapish fuerzata mana charingachu. C'ari c'ari caj runapish, paipaj causaitaca manataj quishpichi tucungachu.

DEUTERONOMIO 28:25

Cancunata p'iñajcunapaj maquipimi Mandaj Diosca paicuna mishachun cancunataca churanga. Paicunahuan macanacungapaj shuj ñanllata llujshishpapish, canchis ñancunatami paicunata miticushpa callpanguichij. Cancunaca tucui cai pachapi causajcuna mancharinami tucunguichij.