JEREMÍAS 39:3 - Dios Rimashca Shimicunami

³ Chashna t'unishpami, Babilonia llajtata jatun mandaj cachashca mandajcunaca, tucuicuna Jerusalenman yaicurcacuna. Chaimantaca chaupipi caj pungu pambapimi, carpa huasicunata shayachishpa tiyarircacuna. Chai mandajcunaca: Nergal-sarezer, Samgar-nebo, Rabsaris nishca Sarsequim, Rabmag nishca Nergal-sarezer shuti mandajcunapish, shujtaj mandajcunapishmi carcacuna.

JEREMÍAS 39:3 Iomraidhean Croise

2 REYES 17:30

Babiloniamanta cajcunaca, Sucot-benot diosman rijchajtami rurarcacuna. Cuta llajtamanta cajcunaca, Nergal diosman rijchajtami rurarcacuna. Hamatmanta cajcunaca, Asima diosman rijchajtami rurarcacuna.

JEREMÍAS 1:15

Ñuca, Mandaj Diostajmi janaj lado llajtacunapi causaj ch'ican ch'ican runacunataca, tandanacushpa shamuchun mandani. Chai llajtacunata jatun mandajcuna shamushpami, tucuicuna cai Jerusalén pueblo pungu ñaupaj pambapi macanacungapaj tiyaringacuna. Cai jatun pirca huashanij tucui muyundijtami chapangacuna. Cai Judá llajta tucui pueblocunapimi, chashna macanacungapaj shayaringacuna.

JEREMÍAS 21:4

Israelcunata Mandaj Diosca cashnami nin: Ñucaca cancunapaj maquipi charicun macanacunacunataca imapaj mana valijtami rurani. Chai Babilonia llajtata jatun mandajtaca pirca huashamanta ama yaicuchun, ña mana ch'imbapura macanacushpa jarcai tucunguichijchu. Jatun pirca huasha muyundijta shayashpa cancunata chapacuj chai caldeo soldadocunataca tucuicunatami cai puebloman yaicuchisha.

JEREMÍAS 38:17

Shina nijpimi Jeremiasca, Sedequiastaca cashna nirca: –Tucuita Mandaj Diostaj, israelcunapaj Diostajmi cashna nin: Babilonia llajtata jatun mandaj cachashca mandajcunapajman rishpa, cunantaj paicunapaj maquipi yaicushpaca mana huañunguichu. Canpish, cambaj familiapish mana huañunguichijchu. Cai pueblopish mana rupachishca cangachu.

JEREMÍAS 39:13

Chaimantaca cuidaj soldadocunata mandaj Nabuzaradanpish, cuidaj soldadocunallatataj mandaj caishuj Rabsaris nishca Nabusazbanpish, Rabmag nishca Nergal-sarezerpish, Babilonia llajtata jatun mandaj cachashca tucui caishuj mandajcunapishmi,

EZEQUIEL 26:10

Paicunapaj caballocuna purishpa jatarichishca ñutu allpahuanmi taparingui. Llaquichishca puebloman t'unirishca patacunata yaicucuj shina, cai pueblopi tiyaj pungucunata caballocunapish, ruedacunapish, carretacunapish c'ulun nishpa yaicumujpica, cai pueblo muyundijta pircashca patacunapish chujchungami.