JEREMÍAS 39:2 - Dios Rimashca Shimicunami

² Chai macanacui punllacunami Sedequías mandanaca, chunga shuj huata tucurca. Chai huatapaj chuscu quilla iscun punllapimi, Jerusalén pueblo muyundij jatun pircataca shuj mirgata t'unircacuna.

JEREMÍAS 39:2 Iomraidhean Croise

JEREMÍAS 1:3

Shinallataj Josiaspaj churi Joacim shuti jatun mandaj Judá llajtata mandacui huatacunapishmi huillachirca. Josiaspaj caishuj churica, Sedequías shutimi carca. Paica Judá llajtataca, ñami chunga shuj huatata mandacurca. Chai huatapaj pichca quillapimi, Jerusalenpi causajcunataca prezu aparcacuna. Chai huatapi pai mandana tucuringacamami, Diosca Jeremiastaca huillachirca.

JEREMÍAS 32:1

Jatun mandaj Sedequías, Judá llajtata ña chunga huatata mandacujpica, Nabucodonosorca Babilonia llajtataca, ñami chunga pusaj huatata mandacurca. Mandaj Dios chai huatapi Jeremiasta huillachishca shimicunami caipica tiyacun.

JEREMÍAS 34:22

Cunan rishca cajpipish, ñucallatajmi cutin cai puebloman tigrachimusha. Paimi cancunahuan macanacushpa mishanga, cai pueblotaca ninahuanmi tucui rupachinga. Chashna rurashpami, cai Judá llajta pueblocunataca shuj runallatapish mana saquishpa, shitashca, chushajta saquisha ninmi Mandaj Diosca” nircami.

JEREMÍAS 37:8

Ashtahuanpish caldeocunamari cutin tigramugrin. Paicunaca cai pueblota mishashpami, ninata japichishpa tucui rupachingacuna ninmi.

JEREMÍAS 5:10

Cai pueblo muyundij pircacunaman huichiyashpa t'unichij. Chai pircacunaca mana ñucapajchu, jahua umamanta callarishpa urmachichijlla. Shina cashpapish ama tucui chingachichijchu.

EZEQUIEL 33:21

Ñucanchijca ñami chunga ishqui huatata prezu tiyarcanchij. Chunga ishqui huata chunga quillapaj pichca punllapimi, ñapish shuj runaca Jerusalenmanta miticushpa ñucapajman shamurca. Chai runaca: “Pueblotaca shujtajcuna quichunmi” nishpami huillarca.

EZEQUIEL 4:3

Shinallataj tablajlla fierrota japishpa, canhuan chai pueblotatajlla rurashcahuan chaupipi pircata shina churangui. Chai q'uipaca, cambaj ñahuita chai ladoman churangui. Chai fierroca can ama ricuchun, jarca shinami canga. Israelcuna ricuchunmi, chashna rurachun nini nircami.

EZEQUIEL 5:2

Macanacuna punllacuna ña tucurijpica, quimsapi chaupishca shuj mirgataca, chai pueblo chaupillapitaj ninahuan rupachingui. Caishuj mirgataca, chai pueblo muyundijpi espadahuan p'itingui. Caishuj mirga ajchataca, tsirapashpa huairapi cachangui. Ñucami paicunataca espadahuan catishpa risha.

SOFONÍAS 1:10

Mandaj Dios ñucatajmi cashnapish nini: Chai jatun llaqui punllapica Chalhua pungumantaca, ñucanchijta llaquihuayari nishpa caparirinacushcami uyaringa. Caishuj pungumantaca llaquinayajta huacashcami uyaringa. Lomacunapipish jatun mancharina llaquicunami ricuringa.

ZACARÍAS 8:19

“Tucuita Mandaj Dios ñucaca, cashnami nini: Judá llajtapi causajcunapajca chuscu quillapi, pichca quillapi, canchis quillapi, chunga quillapi ayunanaca jatun micuita rurashpa cushicuna punllacunami tucunga. Shinallataj jatun fiestata rurashpa micuna punllapishmi tucunga. Shina cajpica cancunaca cashcata ruranatapish, sumajta causanatapish c'uyashpa causaichijlla ninimi” nircami.