JEREMÍAS 39:12 - Dios Rimashca Shimicunami

¹² “Jeremiastaca, can japishpa cuidangui, imata mañajpipish chaita ruranguilla” nishcami carca.

JEREMÍAS 39:12 Iomraidhean Croise

PROVERBIOS 16:7

Mandaj Diosta cushichishpa, sumajta causaj runataca paicunata p'iñajcunapish alli tucushpa mana llaquichincunachu.

PROVERBIOS 21:1

Jatun mandajpaj shungutaca, Mandaj Diosmi paipaj maquipi charicun. Uchilla larcacunapi yacuta chaupij shina, pai munashcatami rurachin.

PROVERBIOS 23:5

¿Maitataj yangalla caj charinacunapica, cambaj yuyaita churanguiyari? Chaicunaca alas jundajpi águila jatarishpa, jahuata rij shina ñapish chingaringallamari.

JEREMÍAS 15:11

Mandaj Dioslla, ñucata p'iñajcunata llaqui japijpi llaquilla puricujpica, cantamari paicunata ayudachun mañarcani. Paicunamanta mana chashna mañashca cajpica, paicuna ñucata llaqui tucuchun nishca shina pajtachunlla.

JEREMÍAS 15:21

C'ari c'ari millai runacunapaj maquimantapish quishpichishpa huaquichishallami” nircami.

JEREMÍAS 24:6

Paicunapaj allita rurangapajmi, paicunapaj jahuapi ñuca ñahuita churasha. Cutintaj cai llajtaman tigrachimushpami, cutin shayachisha. Chashna shayachishcataca, cutinca manataj chingachishachu. Ñuca shayachishca yurataca, manataj cutinca sapimanta aisashachu.

JEREMÍAS 39:13

Chaimantaca cuidaj soldadocunata mandaj Nabuzaradanpish, cuidaj soldadocunallatataj mandaj caishuj Rabsaris nishca Nabusazbanpish, Rabmag nishca Nergal-sarezerpish, Babilonia llajtata jatun mandaj cachashca tucui caishuj mandajcunapishmi,

JEREMÍAS 40:4

Cunan ñucaca maquicunapi cadenacunahuan huatashca ricushcamanta cacharinimi. Ñucahuan Babiloniaman rina cambaj yuyaipi alli cajpica, ñucahuan jaculla. Cantaca alli cuidashpa pushashallami. Babiloniaman ñucahuan rina mana alli yuyachijpica, saquirilla. Cai tucui llajtapica, maipi cambaj ashtahuan alli cana cajpi, maiman rina ashtahuan alli yuyachijpica chaiman rilla.

AMÓS 9:4

Paicunata p'iñajcuna prezu apashpa huatashcata shina charicujpipish, espadahuanmi huañuchichisha. Ñucaca paicunata ricushpapish, llaquichingapajllami ricusha. Allita rurangapajca, mana ricushachu” ninmi.

Hechos 7:10

llaquicunahuan José cajpipish Taita Diosca tucuipi huaquichirca. Chaimantami Josetaca Faraonpaj ñaupajpica mana c'uyaipajta c'uyajta, alli yachaj cajta ricuchirca. Chashna cajpimi, Egiptota jatun mandaj Faraonca Josetaca tucui chai llajtatapish, paipaj quiquin huasipi tiyajtapish mandachun churarca.