JEREMÍAS 33:3 - Dios Rimashca Shimicunami

³ Ñucata caparilla, ñucaca cutichishallami. Can mana yachashca, pacalla tiyacuj jatun yachanacunata yachachishallami ninmi.

JEREMÍAS 33:3 Iomraidhean Croise

SALMOS 145:18

Mandaj Diosca, tucui paita mañajcunapajca c'uchullapimi. Tucui shunguhuan paita mañajcunapajca c'uchullapimi.

SALMOS 25:14

Mandaj Diosca paita manchajcunahuanmi yallitaj apanacun. Paihuan ari ninacushcata pajtachinataca paicunamanmi yachachinga.

SALMOS 50:15

Llaqui punllapi cashpaca, ñucata mañangui. Ñucaca quishpichishami. Canpish ñucataca alli” ninguimi.

SALMOS 91:15

Ñucata mañajpica ñucapish cutichishami. Llaquihuan cajpipish, ñucapish paihuanmi casha. Paitaca cacharichishami, sumajyachishami.

ISAÍAS 45:3

Sumaj charinacuna pacashca tiyacujtapish canmanmi cusha. Pacalla alli huaquichishcacunatapish canmanmi cusha. Ñucaca Mandaj Dios cashcata, israelcunapaj Taita Dios cashcata yachachun cantaca ñuca shutipi ñuca cayashca cashcata yachachunmi chashna rurasha.

ISAÍAS 48:6

Tucuita uyashcata, ricushcataca ¿manachu cancuna huillana carcanguichij? Can mana yachashca pacallapi tiyacuj mushujcunatami cunanca canman huillagrini.

ISAÍAS 65:24

Paicuna manaraj caparijpimi, ñucaca cutichisha. Paicuna manaraj tucui rimajpimi, ñucaca uyasha.

JEREMÍAS 23:35

Cancunapaj huauquita cashpa, cancunahuan apanacujpurata cashpapish: ¿Mandaj Diosca imatataj nishcari, imatataj cutichishcari? ninallami canguichij.

JEREMÍAS 29:12

Chaipica ñucata mañanguichijllami. Ñucapajman shamushpa mañashcataca ñucapish uyashallami.

JEREMÍAS 32:17

“¡Jatun Mandaj Dioslla, canmari jahua pachatapish, cai pachatapish tucuita rurai tucuj cambaj maquihuan rurarcangui! Cambajca imata ruranapish mana sinchichu.

JEREMÍAS 32:27

“Ñucaca tucui cai pachapi causajcunata Mandaj Diosmi cani. Ñucapajca imata ruranapish mana sinchichu.

DANIEL 2:18

Pi mana yachaipaj cashcataca jahua pacha Taita Dios paicunata llaquishpa huillachichun nishpa mañachunmi chashna huillarca. Jatun mandaj tapushcata mana huillashpaca Danielpish, paihuan cajcunapish Babiloniapi tiyaj jatun yachajcunahuanmi huañuna carca.

DANIEL 2:22

Ucujman cajcunatapish, pacalla cajcunatapish paimi ricuchin. Amsapi cajtapish yachanmi. Luzca paipimi tiyan.

DANIEL 2:23

Ñuca yayacunapaj Taita Dios, quiquintami pagui nini, quiquintami alabani. Quiquinmari ñucamanca yachaitapish, fuerzatapish cuhuangui. Cunancarin ñucanchij mañashcatapish ricuchinguimi. Jatun mandaj imata muscushcata, chai imata nisha nishcatamari ricuchingui” nircami.

JOEL 2:32

Mandaj Diosta mañajcunallami quishpiringacuna. Mandaj Dios nishca shinallatajmi Sión urcupi, Jerusalenpica quishpirina tiyanga. Chaipica israelcunapuramantaca, Mandaj Dios cayashcacunallami saquiringacuna.

AMÓS 3:7

Mandaj Jatun Diosca pai ima nishcata huillaj paita servijcunaman ima tucunata manaraj huillachishpaca, mana llaquichinllachu.

MIQUEAS 7:15

Egipto llajtamanta llujshichimui punllapi jatun mancharinacunata ricuchishca shinallatajmi paicunamanpish ricuchisha.

Mateo 13:35

Paicunata chashna yachachishpaca: “Cai pacha callarimanta pacalla cajtaca yuyachij parlocunallahuanmi ñuca shimihuantaj parlasha” nishpa profeta huillashca pajtachunmi Jesusca chashna yachachirca.

Hechos 2:21

Chaipica Mandaj Jesuspaj shutipi maijanpish mañajca quishpichishcami canga” ninmi.

1 Corintios 1:2

Corintopi caj Diospaj tandanacushca crijcunaman quillcanchij. Cristo Jesuspi shujlla tucujpi jucha illajta rurashca, jucha illaj cachun cayashcacunami canguichij. Ñucanchijta Mandaj Jesucristopaj shutipi, maipipish tucui mañajcunandijmi chashna canguichij. Paicunapajpish, ñucanchijpajpish Mandaj Jesusmi.

Efesios 3:20

Diosca tucui imatapish rurai tucuj cashcamantaca, ñucanchijpi rurachicuj poderhuanmi ñucanchij imata mañashcatapish, yuyashcatapish ashtahuan yallita ruran.

DEUTERONOMIO 4:29

Chai llajtacunapi cashpapish cancunata Mandaj Diosta tucui shunguhuan, tucui yuyaihuan mashcashpaca japinguichijmi.

DEUTERONOMIO 4:7

¿Maijan jatun llajtacunataj paicunapaj c'uchullapi charin dioscunataca, Mandaj Dios ñucanchij Taita Diosta charishca shina mañashcata uyaj diostaca charincunari?

Apocalipsis 2:17

Rinrinta charijca, tandanacushca crijcunaman Diospaj Espíritu huillashcata uyachun. Millaita mishajmanca, pacashca tiyacuj maná shuti micuitami carasha. Shinallataj shuj uchilla yuraj rumitami cusha, chaipica shuj mushuj shutita quillcashcami, chai shutitaca pi mana yachanchu, maijanpish chasquijllami yachanga nishpa quillcai” nircami.