JEREMÍAS 32:9 - Dios Rimashca Shimicunami

^9-10 Chaimantami Anatotpi ñuca tiopaj churi Hanameel charishca allpataca randircani. Chai allpamantaca balanzapi pizashpami, chunga canchis siclo cullquita curcani. Chaimantaca randishcata ricuchij quillcata rurashpami sellarcani. Chaipi ñuca randijta ricujcunatapishmi firmachircani.

JEREMÍAS 32:9 Iomraidhean Croise

GÉNESIS 24:22

Camellocuna yacuta ña mana nijta ubyajpica, Abrahampajta ruraj runaca Rebecamanca chaupi siclota pezaj curi shuj argollata, chunga siclota pezaj curi ishqui brazaletecunata cushpami,

GÉNESIS 37:28

C'atushpa randishpa purij madianitacuna ña paicunapaj chaita ricujpimi, paicunaca Joseta jutcumanta llujshichishpaca, ismaelitacunaman ishqui chunga cullquipi c'aturcacuna. Chaicunaca Josetaca, Egiptomanmi aparcacuna.

1 REYES 20:39

Jatun mandaj paipaj chaita ña pasagrijpica: –Can jatun mandajpajta ruraj ñucaca macanacuipimi carcani. Chaipimi ñucanchijpura shuj soldadoca, shujtaj soldadota prezu japimushpa ñucaman cushpaca: Cai soldadota cuidangui. Ima shinamanta miticushpa rijpica canmi paipaj randi huañungui, mana cashpaca shuj talento cullquitami cuna cangui nircami nishpami sinchita caparirca.

NEHEMÍAS 5:15

Ashtahuanpish ñucapaj ñaupa mandajcunaca, chuscu chunga yalli siclo cullquita cobrashca jahuami israelcunataca micunamantapish, vinomantapish mañashpa llaquichijcuna carca. Chai jahuami paipajta rurajcunapish israelcunata yallitaj llaquichishpa mandajcuna carca. Ñucaca Taita Diosta manchaj cashcamanta mana chashna rurarcanichu.

ESTER 3:9

Chashna cashcamantaca, can jatun mandajpaj yuyaipi alli cajpica, tucui chaicunata huañuchichun mandashpa quillcachiyari. Chaicunata huañuchishcamantaca, can jatun mandajpajmi, mandana huasipi cullquita huaquichijcunamanca, 10.000 talento cullquita cusha– nircami.

ÉXODO 21:32

Shujtajpajta ruraj c'arita cashpa, huarmita cashpapish huagra sagmashpa huañuchijpica chai huagrataca rumicunahuan shitashpa huañuchichun. Huagrayujca shujtajpajta rurajmantaca quimsa chunga siclo cullquita pagachun.

ISAÍAS 55:2

¿Ima nishpataj manapish micuna cajta randishpa cullquitaca tucuchinguichij? Cancuna trabajashcamanta japishcatapish yangapimari tucuchinguichij. Alli uyaichigari: Alli micunata micuichigari. Sumaj micunata micushpamari cancunapaj almaca cushijlla canga.

EZEQUIEL 4:10

Chai micunataca, punllantami chaupi librallata micuna horaslla micuna cangui.

OSEAS 3:2

Shina nijpimi chai huarmitaca ñucapaj cachun chunga pichca siclo cullquihuan, shuj homer chaupi cebadahuan randircani.