JEREMÍAS 32:7 - Dios Rimashca Shimicunami

⁷ Cambaj yayapaj huauqui Salumpaj churi Hanameelmi cambajman shamushpaca: Anatot pueblopi ñuca allpata randi, canmari ñuca familia cashcamantaca, chai allpata randina cangui ningami nircami.

JEREMÍAS 32:7 Iomraidhean Croise

1 REYES 14:5

Ashtahuanpish Mandaj Diosmi Ahiasmanca: “Jeroboampaj huarmica, ungushca siricuj paipaj huahua ima tucuna cashcata tapungapajmi shujtaj shina churarishpa shamunga. Pai shamujpica, cashna chashna nishpa cutichingui” nircami

JEREMÍAS 1:1

Cai shimicunaca, Hilcías curapaj churi Jeremías huillashca shimicunami. Hilciasca, Benjamín aillupaj llajtapi caj Anatot pueblopi causaj curacunapurami carca.

JEREMÍAS 11:21

Anatot pueblopi causajcunaca ñucataca: “Mandaj Dios huillanaman cachashcataca ña ama huillaichu. Mana cashpaca canta huañuchishunmi” nircacunami. Chashna nij runacunatami Mandaj Diosca rimarca.

JEREMÍAS 32:6

Chashna nijpica, Jeremiasca cashnami nirca: “Mandaj Diosmi ñucataca cashna nirca:

JEREMÍAS 32:8

Ñuca primo Hanameelca, Mandaj Dios nishca shinallatajmi, ñuca prezu tiyacun carcelman shamushpa cashna nirca: Benjamín llajtapi caj Anatotpi ñuca charishca allpata cunantaj randi. Ñuca yayamanta japishcataca, canmari randina cangui. Chai allpa ama shujtajcunapaj tucuchunca, canmari ñuca c'uchulla familia cashcamantaca randina cangui. Chashna cashcamantaca, cambaj cachun chai allpata randi nircami. Chashna nijpimi ñucaca, Mandaj Diostaj chaita randichun ñucata mandashcata yacharcani.

LEVÍTICO 25:23

Allpaca ñucapaj cashcamanta, nunca mana tigrachinapajca mana c'atui tucunguichijchu. Cancunaca chai allpapica shujtaj llajtamanta purij runa shinalla, shujtaj llajtamanta shamushcalla shinami canguichij.

LEVÍTICO 25:24

Chaimanta maijanpaj allpata can randishpa charicushpaca, chai allpayujllataj tigra randisha nijpica, paillamantaj tigra c'atunguilla.

LEVÍTICO 25:25

Cancunapurapi maijanpish huajchayashpa pai charishca maijan allpata c'atujpica allpata randijman paipaj c'uchulla familia cullquita tigrachishpa, chai allpataca tigrachichichun.

LEVÍTICO 25:34

Levitacuna causan pueblo muyundij michina allpacunataca, paicunapaj tucui causaipi paicuna causachun cushca cashcamanta ama c'atuchun.

LEVÍTICO 25:49

Mana cashpaca paipaj tio cashpa, paipaj tiopaj churi cashpa, paipaj c'uchulla familia cashpapish cullquita tigrachishpaca llujshichichunlla. Paillataj cullquita tigrachi tucushpapish, paillataj tigrachishpa llujshichunlla.

NÚMEROS 35:2

“Israelcunataca cashna mandai: Cancuna japina cashca allpata japishpaca, levitacunamanca paicuna causachunca pueblocunallata, chai pueblo muyundij michina allpacunallata cunguichij.