JEREMÍAS 32:5 - Dios Rimashca Shimicunami

⁵ Sedequiastaca Babilonia llajtamanmi apachinga. Ñucallataj cutin ricugringacamami chaipi canga. Chai caldeo soldadocunahuan macanacushpapish, ashtahuan llaqui tucunguichijmi ninmi Mandaj Diosca ninguimari” nircami.

JEREMÍAS 32:5 Iomraidhean Croise

2 CRÓNICAS 13:12

Jalachij israelcuna, ñucanchijtaca Taita Diosmari mandacun. Shinallataj cancunahuan ñucanchij macanacugrichunca, pai Diospajta ruraj curacunamari trompetacunapi sinchita tocangapaj ñucanchijhuan shayacun. Chashna cashcamantaca, ama cancunapaj yayacunata Mandaj Taita Dioshuanca macanacunaman shamuichijchu. Paitaca mana mishai tucunguichijchu” nircami.

2 CRÓNICAS 24:20

Chaimantami Joiada curapaj churi Zacariasca, Diospaj Espíritu japijpi rishpaca, tucuicuna ricunallapi shayarishpa cashna nirca: “Mandaj Taita Diosca cashnami nin: ¿Ima nishpataj ñuca mandashcacunata mana cazunguichij? ¿Ima nishpataj cancunallataj llaquita mashcanguichij? ¡Cancuna ñucamanta anchurishcamantaca, ñucapish cancunamanta anchurishami! ninmi” nircami.

PROVERBIOS 21:30

Ima alli yachaipish, alli yuyaipish, alli cunashcapish Mandaj Diospaj munaitaca mana shujtajyachi tucunchu.

JEREMÍAS 2:37

Egipto llajtamantapish ñahuita maquihuan taparishcallatajmi tigrangui. Ñuca, Mandaj Diostajmi can shunguta churashca runacunataca p'iñashpa shitarcani. Chaimanta paicunamantaca, ima allita mana chasquinguichu.

JEREMÍAS 27:22

“Babilonia llajtamanmi apangacuna. Ñucallataj rishpa tigrachimungacamami, chaipi tiyanga. Ñucallataj apamushpami, cutin caipi churasha” ninmi Mandaj Diosca.

JEREMÍAS 32:24

Cunanca caldeocunaca mishashpa japingapajmari, cai pueblo tucui muyundijta caspicunahuan arietecunata rurancuna. Jatun macanacuipi huañushpa tucurishcamantapish, yaricaimantapish cai puebloca chai caldeocunapaj maquipi urmagrinca. Mandaj Dioslla, can huillashca ña pajtacujtaca canllataj ricunguimi.

JEREMÍAS 32:6

Chashna nijpica, Jeremiasca cashnami nirca: “Mandaj Diosmi ñucataca cashna nirca:

JEREMÍAS 33:5

Caipi causajcunallatajmi, caldeo soldadocunahuan macanacunaman espadacunahuan llujshincuna. Chaimantami cai huasicunapica, huañushcacunata jundachincuna. Paicunallataj yallitaj millaita rurashpa causashcamanta yallitaj p'iñarishpami, cai pueblopi causajcunamantaca ñuca ñahuita shujman churarcani. Chashna yallitaj p'iñarishpami, cai jatun llaqui tucuchun saquircani.

JEREMÍAS 37:10

Cancunahuan macanacucuj caldeo soldadocunataca, tucuicunata chugrichinguichijchari. Chashna chugrichishca huaquin soldadocunalla saquirishpapish, paicunapaj carpa huasicunamanta llujshimushpa cai pueblotaca ninata japichishpa tucui rupachingallami ninmi” nircami.

JEREMÍAS 39:4

Judá llajtata jatun mandaj Sedequiaspish, paipaj tucui soldadocunapish chai mandajcunata ricushpaca, tutami pueblomanta llujshircacuna. Jatun mandajpaj huerta chaupita rishpami, ishqui jatun pirca chaupipi caj punguta llujshircacuna. Chaita llujshishpaca, Arabá nishca pambamanmi rircacuna.

JEREMÍAS 39:5

Shina cajpipish, caldeo soldadocuna catishpaca, Jericó shuti pambapimi Sedequiastaca japircacuna. Chaipi japishpaca, Hamat llajtapi caj Ribla shuti pueblomanmi, Babilonia llajtata jatun mandaj Nabucodonosorpajman pusharcacuna. Chaiman chayachijpimi, paita ima shinalla llaquichinata mandarca.

JEREMÍAS 39:7

Jatun mandaj Sedequiastaca, ishquindij ñahuita llujshichishpami, Babilonia llajtaman apangapaj fierro cadenacunahuan huatachirca.

LAMENTACIONES 1:14

Ñuca mana cazushcamantamari llashaj yugota paipaj maquihuan huatashpa apachihuarca. Cunanca fuerza illajmari cani. Jatun Diosmari ñuca mana c'ariyai tucuipaj, sinchi runapaj maquipi churahuarca.

EZEQUIEL 12:12

Paicunata mandajtapish rigra jahuapimi, pata jutcuta tuta llujshichishpa apangacuna. Llajtata mana ricungapajpish, paipaj ñahuitami taparinga.

EZEQUIEL 12:13

Ashtahuanpish pai ricujpica, ñuca linchita shitashpami chaipi urmachisha. Chaimantaca pai p'iñashca Caldea llajta runacuna causacun Babilonia llajtaman apachunmi saquisha. Chai llajtataca mana ricungachu, chaipimi huañunga.

EZEQUIEL 17:15

Ashtahuanpish ari nij runaca paita mana cazushpami, jatun mandajpaj randi shujtaj mandajcunataca Egipto llajtaman cachashpa caballocunatapish achca runacunatapish cuchun mañarca. ¿Chashna rurajca cushicushpachu causanga imashi? ¿Quishpiringachu imashi? Ari nishcata p'aquij runaca ¿quishpiringachu imashi?

NÚMEROS 14:41

Shina nijpi, Moisesca: –Ima nishpataj Mandaj Dios mandashcata p'aquinguichij. Cancuna cunan chashna rurashcapish mana alli llujshingachu.