JEREMÍAS 30:2 - Dios Rimashca Shimicunami

² Israelcunata Mandaj Diosca cashnami nirca: “Ñuca canman tucui imalla nishcata shuj libropi quillcai.

JEREMÍAS 30:2 Iomraidhean Croise

ÉXODO 17:14

Mandaj Diosca Moisestaca: –Caicunataca yuyarinapaj cachun shuj libropi quillcai. Cai amaleccunamantaca ima yuyarina ama tiyachun tucuimi cai pachamanta chingachigrini ninmi Mandaj Diosca nishpa Josueman huillai– nircami.

ISAÍAS 30:8

Muscuipi shina ñuca ricuchishcataca, cunantaj paicunapaj ñaupajpi shuj tablapi quillcagri. Q'uipa punllacunapi huiñai huiñaipaj ricuna cachun shuj libropi quillcai.

ISAÍAS 8:1

Mandaj Diosca ñucataca: “Shuj jatun tablata japishpa Maher-salal-hasbaz nishca shimicuna ima nisha nishcata alli rezanallata quillcai nircami.

JEREMÍAS 25:13

Chai llajtapajca, imalla llaquicunata cachanata huillachishcatami cachasha. Chai llajtatapish, tucui shujtaj llajtacunatapish ñuca ima shinalla llaquichinata Jeremías huillashca shimicunaca, pai huillashcata quillcashca cai libropimi tiyacun.

JEREMÍAS 30:1

Mandaj Dios Jeremiasman huillashca shimicunami caipica tiyacun.

JEREMÍAS 36:28

“Manaraj quillcashca tiyacuj shujtaj pillushca carata japi. Chaipica Judá llajtata jatun mandaj Joacim rupachishca carapi tiyacushca tucui shimicunallatataj quillcai.

JEREMÍAS 36:32

Shina nijpimi Jeremiasca, shujtaj pillushca carata japishpa, Neriaspaj churi quillcaj Barucman curca. Chai carapimi Barucca, Judá llajtata jatun mandaj Joacim rupachishca carapi quillcashca shimicunallatataj Jeremías cutin huillajpi chashnallataj quillcarca. Chai quillcapicarin Jeremiasca, chai shinallataj ashtahuan llaquicuna tiyanata mirachishpa huillashpami quillcachirca.

DANIEL 12:4

Ashtahuanpish Daniel canca, cai shimicunata quillcashca librotaca, tucuri punllacunacama huichcashpa sellailla. Achcacunami caiman chaiman callpangacuna. Ima jatun yachaipish ashtahuanmi miranga nircami.

Romanos 15:4

Chashna cajpica ñaupaman Quillcachishcacunaca, ñucanchijta yachachingapajmi quillcashca carca. Mana p'iñarishpalla, cushijlla, shuyana yuyailla canata yachachingapajmi quillcachirca.

1 Corintios 10:11

Tucui caicunaca ñucanchij ricuchunmi chashna tucurca. Cai tucuri punllacunapi ñucanchij causacujcunata sinchita cunangapajmi, chashna quillcashca tiyacun.

DEUTERONOMIO 31:19

Cunanca cai cantota quillcashpa tucui israelcunaman yachachichij. Cai cantota israelcuna cantashpaca paicunallatataj llaquichina cashcata yuyachij cachun paicunapaj shimipi churaichij.

2 Pedro 1:21

Profetacunaca paicunapaj yuyaillamantaca manataj huillashcacunachu. Ashtahuanpish Diospajlla caj runacunami, Diospaj jucha illaj Espíritu huillachijpi huillashcacuna.

Apocalipsis 1:11

cashna uyarirca: “Ñucaca callari A, tucuri Z shinami, callarichijpish, tucurichijpish cani. Can imallata ricushcataca shuj libropi quillcashpa, Asiapi caj: Éfeso, Esmirna, Pérgamo, Tiatira, Sardis, Filadelfia, Laodicea canchis pueblocunapi tandanacushca crijcunaman cachai” nircami.

Apocalipsis 1:19

Can imallata ña ricushcata, cunan imalla cajtapish, q'uipata imalla tucuna cashcata ricushcatapish quillcai.