JEREMÍAS 3:6 - Dios Rimashca Shimicunami

⁶ Mandaj Diosca jatun mandaj Josías mandacui punllacunapimi ñucataca cashna nirca: “¿Chai mana cazuj Israel huarmi imata rurajta ricunguichu? Paica tucui lomacunapi, tucui p'angasapa yura ucucunapimari huainayanaman rin.

JEREMÍAS 3:6 Iomraidhean Croise

1 REYES 14:23

Tucui lomacunapi, tucui p'angasapa yura ucucunapimi, altarcunata, rumimanta imamanpish rijchajcunata, Asera huarmi diosman rijchajcunatapish rurarcacuna.

2 CRÓNICAS 34:1

Josiasca, Judá llajtata mandai callarinapajca pusaj huatatami charirca. Paica quimsa chunga shuj huatatami Jerusalenpi mandarca.

SALMOS 106:39

Chai llajtacunapaj millai ruranacunata rurashpami mapayarcacuna. Chai ruranacunahuanmi huainayarcacuna.

ISAÍAS 57:3

¡Bruja huarmipaj churicuna caiman c'uchuyamuichij. Huainayaj runapaj, huainayaj huarmipaj huahua huahuacuna caiman c'uchuyamuichij!

ISAÍAS 57:7

Jatun urcu puntapimi cambaj camata churarcangui. Chaipipish sacrificiocunata cunaman huichiyarcanguimi.

JEREMÍAS 1:2

Mandaj Diosca Jeremiastaca, Amonpaj churi jatun mandaj Josías, Judá llajtata chunga quimsa huatata mandacujpimi huillachi callarirca.

JEREMÍAS 11:10

Tucuicunamari ñuca rimashcata mana cazushun nishpa, shujtaj dioscunata mashcashpa chaicunata cungurij paicunapaj ñaupa yayacuna rurashca juchallatataj rurancuna. Chashna rurashpamari israelcunapish, Judá runacunapish paicunapaj ñaupa yayacunahuan ñuca ari ninacushcata p'aquishcacuna” ninmi.

JEREMÍAS 17:2

Cancunapaj huahuacunaca p'angasapa yura ucucunapi, jatun lomacunapi, urcucunapi, pugru pambacunapi cancuna churashca altarcunata, Asera shuti huarmi dioscunallatami yuyaipi charincuna. Cancunapaj tucui llajtapi cancuna chai altarcunata shayachishpa juchata rurashcamantami, cancuna charishca tucui ima sumajcunataca shuhuacunaman cusha.

JEREMÍAS 3:8

Paipaj ñaña Israeltaca ñucata mana cazushcamantami, shitanimi nishpa quillcata rurashpa curcani. Chaita cushpa llujshichishpa cachajtaca, paipaj ñahuihuantajmi ricurca. Chaita ricushpapish, cai mana cazuj Judá huarmica mana mancharcachu. Ashtahuanpish paipish ñaña shinallatajmari huainayanaman rirca.

JEREMÍAS 31:22

Sinchi shungu huarmilla, ¿ima horascamachari chashna uri huichi puricunguilla? Mandaj Diosca cai llajtapica mushujtamari ruragrin. Huarmica cusapaj c'uchupimi canga” ninmi.

JEREMÍAS 5:11

Israelcunapish, Judá runacunapish paicunapaj yuyaimantatajmi ñucataca mana cazurcacuna” ninmi Mandaj Diosca.

JEREMÍAS 7:24

Chashna mandajpica mana cazurcacunachu, mana uyashun nircacunallapishchu. Ashtahuanpish paicuna yuyashca shina causashpami, millai ch'ahuan shungucuna tucurca. Chashna tucushpami, ñaupajman rinapaj randica, huashaman rircacuna.

EZEQUIEL 16:31

Canca ñan callaricunapipish, plazacunapipishmi altarcunata rurashpa, huainayashpalla causarcangui. Chashna cashpapish, manamari huainayashpalla causaj huarmicuna shina imallatapish japingaraicu huainayarcanguichu.

EZEQUIEL 16:35

Chashna cashcamanta huainayashpalla causaj huarmi, ñuca Mandaj Dios ima nishcata uyai.

EZEQUIEL 20:28

Ñuca maquita alzashpami, chai llajtataca cushatajmi nircani. Chai llajtaman pushamujpica, chai llajtapi tiyaj jatun lomacunata, p'angasapa yuracunata ricushpaca chaipimi animalcunata cushpa huañuchircacuna. Ñuca mana ricunachishcacunatami chaicunapi curcacuna. Shinallataj mishquijllata ashnaj inciensotapish chaipimi rupachircacuna, vinotapish chaipimi tallircacuna ninmi ningui.

EZEQUIEL 23:11

Paipaj ñaña Aholiba huarmipish, chaita ricushpaca, paitapish yallimi c'aricunata munarca. Aholiba huarmica paipaj ñañatapish yallimi huainayarca.

EZEQUIEL 23:4

Punta ñañaca Ahola shutimi carca, q'uipa ñañaca Aholiba shutimi carca. Paicunaca ñuca huarmicunami tucurca. Chaimantami c'ari huahuacunatapish, huarmi huahuacunatapish huacharcacuna. Aholaca, Samariami tucurca. Aholibaca, Jerusalenmi tucurca.

OSEAS 11:7

Ñuca agllashcacunaca ñucata c'ariyanapimi rumi shungu tucushcacuna. Ñucataca: “Jahua pacha Taita Dios” nishpapish, pi mana jatunyachinatatajca munancunachu.

OSEAS 4:13

Urcucuna puntapimi, animalcunata huañuchishpa cuncuna. Lomacunapimi inciensota rupachincuna. Encina yuracuna, álamo yuracuna, olmo yuracuna ucupi maipimi sumaj llandujlla caj ucupimi inciensota rupachincuna. Chaimi cancunapaj ushushicunaca huainayajcuna tucuncuna. Cancunapaj nueracunaca huainayancuna.

JUECES 2:17

Israelcunaca Mandaj Dios churashca juezcunatapish mana cazushpami, manapish dioscunata catinata mana saquishpa chaicunata adorarcacuna. Chashnami paicunapaj yayacuna Mandaj Diospaj mandashcacunata cazucushca ñanmantaca utca anchurircacuna. Paicunapaj yayacuna rurashca shinaca mana rurarcacunachu.