JEREMÍAS 3:3 - Dios Rimashca Shimicunami

³ Chashna rurashcamantamari punta tamyana punllacunapipish, q'uipata tamyana punllacunapipish mana tamyarca. Shina cajpipish huainayaj, pingai illaj huarmi shinamari manataj pingai tucungui.

JEREMÍAS 3:3 Iomraidhean Croise

GÉNESIS 19:34

Chai cayandij punllami punta ushushica, q'uipa ushushitaca: –Ñucaca caina tutaca ñucanchij yayahuanmi dormircani. Cunan tutaca can dormingui. Cunanpish vinota ubyachishpa machachishun. Chashna rurashpa huahuacunayuj tucujllapimi, ñucanchij yayapaj huahua huahuacunaca mana chingaringa– nircami.

NEHEMÍAS 9:17

Quiquin Dios paicunapaj, mancharinacunata rurashcatapish mana uyashun nircacunachu, mana yuyarishun nircacunachu. Quiquinpajta ruranatapish ch'ahuanyashpa mana rurashun nircacunachu. Ashtahuanpish c'ariyashpami, cutinllataj huatashca shina cangapaj chai llajtallamantaj tigrangapaj paicunapaj pushajcunata agllanata yuyarircacuna. Quiquinca perdonaj Dios, c'uyaj, llaquij, mana utca p'iñarijmi cangui. Chashna yallitaj c'uyaj cashpami, paicunataca mana shitashcangui.

PROVERBIOS 21:29

Diosta mana manchaj runaca ñahuipica, imata mana rurashcatami ricuchisha nin. Ashtahuanpish alli runaca imapish mana llaquipi churanatami ruran.

ISAÍAS 5:6

Shitashca pambatami saquigrini. Uva yura ramacunatapish pi mana p'itishpa allichingachu. Pi mana jallmangachu. Ashtahuanpish cashacuna, mapa q'uihuacunallami jundanga. Chai uva chagra jahuapica p'uyuca mana tamyachingachu. Ñucami chashna mandagrini.

JEREMÍAS 14:1

Mana tamyajpimi Mandaj Diosca, Jeremiastaca cashna nirca:

JEREMÍAS 14:22

Shujtaj runacuna charishca, rurashcalla dioscunaca pi mana tamyachi tucunchu. Jahua pachapish paillatajca tamyata mana cachai tucunchu. Ñucanchijta Mandaj, can Diosmari tamyata cachaj cangui. Tucui chai ima tiyajcunataca, canmari rurarcangui. Chaimantamari canllata shuyanchij.

JEREMÍAS 14:3

Charijcunaca, cullqui jahua paicunata servijcunatami yacuman cachancuna. Paicunaca pugyuman chayashpapish, yacuta mana japishpami, chushaj puñucunahuan tigrancuna. Chaimantami yallitaj pingai tucushpa, llaquirishpa umata taparincuna.

JEREMÍAS 14:4

Mana tamyajpi allpa chijtarijta chaquishcamantami, chagrata rurashpa causajcunapish jatunta llaquirishpa umata tapashca purincuna.

JEREMÍAS 36:2

“Quillcana cara pillushca tiyacujta japi. Chaipica israelcunapajpish, Judá runacunapajpish, tucui shujtaj llajtacunapajpish, imalla llaquicunata cachanata Josías causacui punllacunamantapacha cunancama ñuca imallata huillashca shimicunata quillcai.

JEREMÍAS 5:24

Cancunapaj shungupica: Cunanca ñucanchijta Mandaj Diosta manchashpa causashunchij. Paimari punta tamyatapish, q'uipa tamyatapish tamyana punllacunapitaj cachan. Chagracuna tandana tucuchunpish paimari usyachin ninallatapish mana yuyaringuichijchu.

JEREMÍAS 5:25

Cancuna chashna millaicuna tucushcamari chai allicuna shamunata jarcarca. Cancunapaj juchallatajmari chai allicunataca cancunamanta anchuchirca nichigari.

JEREMÍAS 5:3

Mandaj Dioslla, canca mana llullaj cachunmari munangui. Paicunaca macajpipish, mana nanachincunaca. Imata jarcashpa llaquichichunpish, manataj munancunaca. Rumita yalli sinchi shungucunamari tucuncuna. Manataj cambajman tigrarishun nincunachu.

JEREMÍAS 6:15

Millananacunata rurashcamantaca ¿pingarincunachu imatagari? Mana yangamanta nicunichu, paicunaca manataj pingancunachu. Ima shina pingarinatapish mana yachancunachu. Chaimantami ñuca llaquichijpica, caishujcuna shinallataj llaquipi urmangacuna” ninmi Mandaj Diosca.

JEREMÍAS 8:12

Millaicunata rurashcamantaca ¿pingarincunachu imatagari? Mana yangamanta nicunichu, paicunaca manataj pingarincunachu. Ashallatapish mana pingarincunachu. Pingarina ima cashcatapish mana yachancunachu. Chaimanta ñuca llaquichi punllapica, caishujcuna shinallatajmi urmangacuna” ninmi Mandaj Diosca.

JEREMÍAS 9:12

¿Imamantataj cai llajtapi tucui ima tiyashcacunaca chingachishca cangari? ¿Imamantataj shitashca pamba shina saquirinri? Cunanca maijan purishpallapish, mana ricurinca. ¿Pitaj imamanta cashna tucushcata yachaipaj alli yuyaiyuj canguichigari? Caishujcunaman huillachun Mandaj Diosca ¿maijanman imata huillarcachu imatagari?

EZEQUIEL 3:7

Ashtahuanpish israelcunaca can huillashcataca, manataj uyasha ningacunachu. Paicunaca ñucataca mana uyasha nincunachu. Tucui israelcunami rumi umacuna, ch'ahuan shungucuna.

LEVÍTICO 26:19

Rumi shungu jatun tucushcataca chingachishami. Cancunapaj cielotapish fierro shinatami rurasha. Cancunapaj allpatapish bronce shinatami rurasha.

AMÓS 4:7

“Shinallataj granocunata tandanapaj quimsa quilla illajpirajmi, tamyatapish mana cacharcani. Maijan pueblota tamyachishpapish, maijan pueblotaca mana tamyachircanichu. Chaimantami maipi tamyashcapica, alli grano p'ucurca. Maipi mana tamyashcapica, tucui chaquirirca.

AMÓS 4:8

Yacunaihuan huañucushpami, tauca pueblocunamanta shamushpa shuj pueblollapi yacuta ubyarcanguichij. Chashna ubyashpapish yacunai pararijtatajca, mana ubyarcanguichijchu. Chashna llaquita apacushpapish, ñucamanca manataj cutirircanguichijchu” ninmi Mandaj Diosca.

SOFONÍAS 2:1

Llajtacunapi causaj pingai illajcunalla, tandanacushpa alli yuyarichigari.

SOFONÍAS 3:5

Mandaj Diosca, paicunapaj chaupipica cashcata rurajmi. Paica, ima millaitaca mana rurangachu. Paica cashcata ruranataca, achijman llujshichishpami ricuchinga. Cashcata ruranataca manataj cungaringachu. Ashtahuanpish millai runaca, pingai tucushcataca mana rijsirinchu.

HAGEO 1:11

Ñucamari cai llajtapica mana tamyachircani. Chaimantami urcucunapish, tarpuna allpacunapish tucui chaquishca siricun. Shinallataj trigotapish, vinotapish, aceitetapish, allpapi imalla p'ucushcatapish tucuimi chaquichircani. Runacunatapish, animalcunatapish, runacunapaj maquihuan trabajashcacunatapish tucuimi chingachircani” nishpami huillachirca.

DEUTERONOMIO 28:23

Jahua pachapish bronce shinami canga. Cancunapaj chaqui sarucun allpapish fierro shinami canga.

Hebreos 12:25

Riquichij, cancunata rimajtaca ama yanganchichijchu. Dios rimachishcata cai pachapi yanganchijcunaca llaquichishcatajmi carcacuna. Ñucanchijcarin jahua pachamanta rimajta yanganchishpaca llaquichishcatajmi cashun.