JEREMÍAS 3:25 - Dios Rimashca Shimicunami

²⁵ Ñucanchij ñaupa yayacunapish, ñucanchijpish huambramantapacha cunancamamari juchata rurashpa, ñucanchijta Mandaj Diostaca p'iñachishpa causanchij. Chashna rurashca jahuamari, ñucanchijta Mandaj Dios rimashcatapish manataj uyashun nircanchij. Chaimantamari cunanca maita mana llujshipaj jatun llaqui tucushpa, pingaihuan huañucunchij” nircacunami.

JEREMÍAS 3:25 Iomraidhean Croise

SALMOS 106:6

Ñucanchijca juchallishcanchijmari. Ñucanchij ñaupa yayacuna shinallatajmari juchallishcanchij. Millaitamari rurashcanchij. Mapatamari rurashcanchij.

SALMOS 106:7

Ñucanchij ñaupa yayacunaca, Egiptopica quiquin mancharinacunata rurashcataca mana entendircacunachu. Paicunata yallitaj llaquij cashcatapish mana yuyarircacunachu. Ashtahuanpish paicunaca Puca Cucha c'uchupica, quiquinta c'ariyarcacunami.

SALMOS 109:29

Ñucata p'iñajcunaca yanganchishca canahuan churarishca cachun. Jahua churanaca musparishca canahuan churarishca cachun.

PROVERBIOS 13:18

Cunashcata mana munajca p'iñashcapish, huajchapishmi tucunga. Ashtahuanpish alli tucuchun rimashcata chasquij runaca, alli nishcami tucun.

PROVERBIOS 5:13

Yachachijcuna mashnata yachachishpa cunajpipish, ñucallatajmi mana uyarcani. Ñucallatajmi mana yuyaita churarcani.

ISAÍAS 48:8

Cancunaca nunca manaraj uyarcanguichijchu, nunca manaraj yacharcanguichijchu. Cancunapaj rinrinca uyanapajca manaraj pascarishcachu carca. Canca imatapish manataj pajtachij cashpa, mana cazuj cajpimi mamapaj huijsamanta pacha cantaca: Caica mana cazujmi nishpa shutichircani.

ISAÍAS 50:11

Riqui, cancunaca tucuicunami ninata japichinguichij. Cancunallataj japichishca nina sindicuna achijyachishcatami muyunguichij. Chai ninallahuantajmi ñuca maquihuan cancunataca llaquichijpi chai llaqui nanaipi pambashca canguichij.

JEREMÍAS 11:13

Judá runacunaca tucui pueblocunapimari diosta charincuna. Jerusalenpi causajcunapish tucui callecunapimari dioscunata charincuna. Baalcunaman inciensota cushpa rupachingapajmi, tucuipi chai millanana altarcunata shayachircacuna.

JEREMÍAS 12:13

Trigota tarpushpapish, cashallatami tandancuna. Sumaj allpata cushcapi causacushpapish, ima allita mana japincunachu. Ñuca, Mandaj Dios jatunta p'iñarijpica, paicuna imallata rurashcamantaca pingaringacunami.

JEREMÍAS 14:20

Mandaj Dioslla, ñucanchijpish ñucanchij yayacunapish juchata rurashpamari canta p'iñachishcanchij. Chai tucui millaita rurashcamantaca llaquirinchijmi.

JEREMÍAS 14:7

Mandaj Dioslla, ñucanchij juchacunahuanca cantamari p'iñachishcanchij. Chai juchacunallatajmari ñucanchijtaca llaquipi churashca. Cai tucui huatacunatamari canta mana cazushpa causashcanchij. Shina cajpipish, canta jatunyachingapaj ayudahuayari.

JEREMÍAS 2:17

¿Manachu cancunata Mandaj Dios ñanta pushacujpi, cancuna paimanta anchurishcamanta, cashna llaqui tucunguichij imashi?

JEREMÍAS 2:19

Cancunapaj juchallatajmi llaquichinga. Ñucata mana cazushca juchallatajmari cancunataca llaquipi churanga. Chaipimi cancunaca ñuca cancunata Mandaj Diosmanta anchurinapish, ñucata mana cazunapish, yallitaj mana alli cashcata, llaqui tucuna cashcata yachanguichij. Tucuita Mandaj Jatun Diostajmi chashna nini.

JEREMÍAS 2:2

“Ri, Jerusalenpi causajcuna uyajta cashna caparigri: Mandaj Diosca cashnami nin: Can huambraraj cashpaca, ñucata allimi cazuj carcangui. Ñucahuan cunanlla cazarashca cashpaca, ñucata c'uyarcanguimi. Chaimantami ima tarpushca mana tiyaj, shitashca pambata pushamujpipish, ñucata catishpa shamurcanguilla. Chaitaca allimi yuyarini.

JEREMÍAS 2:26

Chai juchamantaca, israelcunaca shuhua japi tucushpa pingai tucuj shinami pingai tucunga. Paicunata jatun mandajcunandij, paicuna churashca mandajcunandij, curacunandij, huillajcunandijmi pingai tucungacuna.

JEREMÍAS 20:18

Paipaj huijsamantaca ¿imapajtaj llujshircaniyari? C'amishpa, pingachishca, llaquinayajta causangapajllamari huacharishcani.

JEREMÍAS 22:21

Ñucaca cancuna manaraj ima llaqui tucujpimi rimarcani. Ashtahuanpish huambramantapachami ñuca imata nijpipish: Manataj uyashachu nishpa manataj uyaj carcanguichij.

JEREMÍAS 3:13

Mandaj Diosca cashnapishmi nin: Canta Mandaj ñucatamari mana cazushpa p'iñachircangui. Chai juchata rijsiriyari. Tucui p'angasapa yura ucucunapimari shujtajcunahuan huainayarcangui. Ñuca cayajpica manamari uyarcanguichu ninmi” nircami.

JEREMÍAS 31:19

Canmanta anchurishca cashpapish, cunanca llaquirinimi. Ñucallataj mana allita rurashcata cunan yuyaita japishpamari, ñuca changata chugrichirini. Manataj cungaripaj, yallitaj pingai tucunica. Huambraraj cashpa juchata rurashcamantamari cashna pingai tucuni ninmi.

JEREMÍAS 6:26

Ñuca llajtapi causajcunalla, llaquirishpa cañamazuta churarichigari, ushpapi singurichigari. Shujlla churitaj huañushca cajpi shina caparirishpa huacaichigari. Ñucanchijta tucuchijca ñallamari chayamugrin.

JEREMÍAS 7:19

Paicunamari ñucataca p'iñachincuna. Chashna rurashpaca, paicunallataj jatunta pingai tucungapajmari llaquipi yaicuncuna” ninmi Mandaj Diosca.

JEREMÍAS 8:14

Ñucanchijta Mandaj Diostamari juchahuan p'iñachishcanchij. Chaimantamari paica hielhuan chagrushca yacuta ubyachishca. Chashna cashcamantaca ¿imapajtaj caipica tiyacushunri? Tucui ñucanchijta huañuchichunca tandanacushpa, jatun pircacunayuj pueblocunaman jacuchijlla.

JEREMÍAS 9:18

Ñucanchijmanta huacanaman utca shamuichigari. Ñucanchij ñahuicunamantapish yacu shina huiquipish llujshichun. Ñucanchij ñahui millmapish yacuyashpa tucurichun.

LAMENTACIONES 5:16

Ñucanchij umapi tiyacushca coronamari urmashca. ¡Aij ñucanchijlla, juchata rurashcamantamari cunanca cashna llaquipi canchij!

LAMENTACIONES 5:7

Juchata ruraj ñucanchij yayacunaca ñamari huañurca. Ashtahuanpish ñucanchijmari paicunamanta llaquita apacunchij.

EZEQUIEL 2:3

Paica ñucataca cashnami nirca: “Huañujlla aichayuj runalla, cantaca ñucami israelcunapajman cachani. Paicunaca mana cazujcuna cashpami, ñucataca c'ariyarcacuna. Cunan punllacamami paicunapaj yayacuna shinallataj mana cazushpa causancuna.

EZEQUIEL 36:32

Israelcunalla, cancuna millaita rurashcamantaca pingarichigari, ñucaca mana cancuna munashcamantachu chaicunata rurani. Chaitaca cancunaman huillanimi ninmi” Mandaj Jatun Diosca.

EZEQUIEL 44:13

Chai levitacunaca mana ñucata servij curacuna shina ñucata servi tucungacunachu. Imalla ñucapajlla cashcatapish, imalla ñucapajlla ch'icanyachishcacunatapish manataj tupari tucungacunachu. Millaita rurashcamantaca, pingachishcami cangacuna.

EZEQUIEL 7:18

Paicunaca cañamazutami churaringacuna, jatun manchaipishmi japinga. Tucuicunallatajmi pingai tucungacuna. Umatapish tucuicunami lluchullata ruturingacuna.

DANIEL 12:2

Chai punllacunapica huañushcacunapish causachishcami canga. Shujcunaca huiñai causaipajmi causachishca canga. Caishujcunaca huiñaita pingaichishca, muspachishca cangapajmi causachishca canga.

OSEAS 9:10

Shitashca pambapi uvata japij shinami israelcunataca japircani. Callaripica cancunapaj ñaupa yayacunaca ñucapajca punta p'ucushca higo shina ricunanquimi carca. Chashna cashpapish Baal-peor diospajmanmi rircacuna. Pingaichishca cangapajmi ñucamantaca anchurircacuna. Chashna tucushpaca, paicunapaj c'uyashca diosta ñuca millanachishca shinallatajmi, paicunapish ñucapajca millanana tucurcacuna.

SOFONÍAS 1:17

“Mandaj Dios ñucata, p'iñachishpa millaita ruraj runacunataca jatuntami llaquichisha. Chaimantami paicunaca ñahui mana ricuj shina musparishpa puringacuna. Paicunapaj yahuarpish allpa shinami jicharinga. Paicunapaj aichapish mapa shinami shitaringa” ninmi.

Romanos 6:21

Cancuna cunan pingaricuncunata rurashcamantaca ¿ima allitataj charircanguichij? Chaicunaca huañuimanmi chayachin.

JUECES 2:2

Ashtahuanca cancunaca cai llajtapi causajcunahuan, imata mana ari ninacushpa, paicunapaj altarcunatapish tucui urmachinallami canguichij nircani. Ashtahuanpish cancunaca ñuca mandashcataca manamari uyashcanguichijchu. Riqui manamari chashna rurashcanguichijchu.