JEREMÍAS 3:21 - Dios Rimashca Shimicunami

²¹ ¡Lomacunapica caparirishcamari uyaricun! Israelcunamari alli ñanmanta llujshishpa, ñuca, paicunata Mandaj Taita Diosta cungarishcacuna. Chaimantamari llaquichun nishpa huacashpa mañacuncuna.

JEREMÍAS 3:21 Iomraidhean Croise

JOB 33:27

Taita Diosca runacunataca ricuracunmi. Shuj runa: Ñucaca juchatami rurashcani, allita ruranapaj randica, mana allitami rurashcani. Shina cashpapish, ima allita mana japishcanichu nijpica,

PROVERBIOS 10:9

Ima pandata mana ruraj runaca, imamanta mana manchanchu. Ashtahuanpish mana allita rurashpa purijcunaca, jatun llaquimi tucun.

PROVERBIOS 19:3

Quiquinllataj ch'ahuanyashca cashcamanta pandarishpaca, Mandaj Diostami juchachincuna.

ISAÍAS 15:2

Bayit, Dibón pueblocunapaj jatun urcucunapi caj altarcunapi huacanamanmi huichiyangacuna. Nebo, Medeba pueblocunata tucuchishcamantapishmi, Moabpi causajcunaca caparishpa huacangacuna. Tucuicunami umata rutushca, barbasta anchuchishca cangacuna.

ISAÍAS 17:10

Israel-lla canta quishpichij Diostamari cungarishcangui. Can miticuna jatun rumitamari mana yuyarircangui. Chashna caruyashpapish canca sumaj yuracunata, caru llajtamanta uva yuracunata apamushpami tarpuni yuyanguimi.

ISAÍAS 57:11

¿Pita manchashpataj ñucapi shunguta churanataca saquircanguiyari? ¿Pi manchachijpitaj ñucataca mana cringuiyari? ¿Ima nishpataj ñucataca mana yuyaringuiyari? Cambaj yuyaimanca ¿manachu ñucata yuyarinallapish shamurca? Ñucata manataj manchajpipish ñaupamantapachami imata mana nishpa, upalla saquircani.

JEREMÍAS 12:12

Shitashca pamba tucui lomacunatamari cai llajtata tucuchingapajca, millai runacuna shamuncuna. Ñuca, Mandaj Diostajmi cai llajta runacunataca shuj lado urimanta callarishpaca, caishuj lado uricama ñuca espadahuan tucuchigrini. Chaipica pipaj mana sumaj causai tiyangachu.

JEREMÍAS 13:25

Mandaj Diosca cashnapishmi nin: “Canllatajmi ñucata cungarishpa, yanga dioscunallapi shunguta churarcangui. Chaimantami cambajca chai llaquita allichishpa charicuni. Can japina cashcamantaca, chaitami cusha.

JEREMÍAS 18:15

Ñuca agllashcacunaca imapaj mana valij yangacunaman inciensota cushpa rupachishpa, ñucataca cungarinllacunami. Ñaupa ñancunaman yaicushpamari chingarishcacuna. Paicuna mana purishca, mana rijsishca ñancunatamari puricuncuna.

JEREMÍAS 2:32

Maijan solterapish, sumajcunata churarinataca mana cungarinchu. Cazarangapaj ari ninacushca solterapish, sumajta allichirinataca mana cungarinchu. Ashtahuanpish ñuca agllashcacunaca ñamari mana yupaipaj cai tucui huatacunata ñucata cungarishpa causancuna.

JEREMÍAS 3:2

Tucui urcucunata huichilla ricuyari. Maijan lomata ricujpipish, can huainayashcaca ricunallami tiyacun. Cambaj c'uyashcacunahuan tupangapajmi, shitashca pambapi árabe runa chapashpa tiyacuj shina ñan c'uchupi tiyarij carcangui. Chashna huainayashpa, millaita rurashpamari tucui llajtata mapayachingui.

JEREMÍAS 31:9

Caimantaca huacashpami, llujshishpa ringacuna. Shina cajpipish, ñucaca jatun c'uyaihuanmi tigrachimusha. Sumaj yacu tiyan pugrucunatami purichisha. Ima ñitcarina illaj sumaj ñanpimi churasha. Ñucamari israelcunapajca yaya cani, Efrainca ñuca punta churimari” ninmi.

JEREMÍAS 7:29

Jerusalenpi causajcuna, Mandaj Diosca cancunataca paita p'iñachij huahuacuna cajpimari p'iñarishpa shitashca. Cancunapaj uma ajchata rutushpa pambapi shitaichij. Lomacunaman huichiyashpa caparishpa huacaichij.

EZEQUIEL 23:35

Shinallataj Mandaj Jatun Diosca cashnapishmi nini: Huainayana munaillahuan causashpami ñucatapish cungarishpa huashata ricuchircangui. Chashna rurashcamantaca, canca llaquita apanami cangui ninmi ningui” nircami.

EZEQUIEL 7:16

Chai tucui llaquicunamanta quishpirishpa saquirijcunaca, pugru pambapi causaj palomacuna shinami urcucunapi miticugringacuna. Paicunaca millaita rurashcamantami, tucuicunallataj huacashpa ringacuna.

OSEAS 13:6

Ña paicunapaj micunata mana nijta micucushpaca, paicunapaj shungupica jatun tucurcacunami. Chashna cashpami ñucataca cungarircacuna.

OSEAS 8:14

Israelcunaca paicunata Ruraj Taita Diostami cungarircacuna. Shujtaj dioscunapaj huasicunatami shayachircacuna. Judaca sinchi pircayuj pueblocunatami mirachirca. Chai pueblocunamanca ñucaca ninatami cachasha. Paicunapaj mandana huasicunataca rupachishpami tucuchisha.

MIQUEAS 3:9

Cunanca Jacobpaj huahua huahua israelcunata mandajcunapish, pushajcunapish caillata alli uyahuaichij: Cancunaca cashcata ruranataca mana munanguichijchu, allita ruranatapish mana ruranguichijchu.

NÚMEROS 22:32

Chaipimi Mandaj Diospaj angelca Balaamtaca: –¿Ima nishpataj cambaj burrotaca azotishpa quimsa cutin macangui? Ñucami cantaca jarcanaman shamurcani. Can millaita ruranaman ricujpimi chashna jarcarcani.

2 Corintios 7:10

Diosmanta shamuj llaquica mana allita ruracushcata saquishpa paiman cutirishpa quishpirishcapi ashtahuan alli tucunapajmi shamun. Chaimantaca mana imata llaquirinachu, ashtahuanpish cai pachamanta llaquimi, huañuiman pushan.