JEREMÍAS 3:13 - Dios Rimashca Shimicunami

¹³ Mandaj Diosca cashnapishmi nin: Canta Mandaj ñucatamari mana cazushpa p'iñachircangui. Chai juchata rijsiriyari. Tucui p'angasapa yura ucucunapimari shujtajcunahuan huainayarcangui. Ñuca cayajpica manamari uyarcanguichu ninmi” nircami.

JEREMÍAS 3:13 Iomraidhean Croise

NEHEMÍAS 9:2

Israelpaj huahua huahuacunaca chaipi shayacushpaca shujtaj llajtamanta shamushcacunamanta ña ch'icanyashca cashcamantami, paicunapaj juchacunata, paicunapaj ñaupa yayacuna millaita rurashcata Taita Diosman huillarcacuna.

PROVERBIOS 28:13

Juchacunata pacaj runaca, mana alli causai tucungachu. Ashtahuanpish tucuita huillashpa, chai juchacunata saquijca, Taita Dios llaquishcami canga.

ISAÍAS 57:5

Cancunaca encina yura ucucunapi, ima yura cashpapish p'angasapa yura ucucunapi cushicushpa huainayajcunami canguichij. Pugru pambacunapi, rumi c'aca machiyashcacunapi cancunapaj huahuacunata cushpa rupachijcunami canguichij.

JEREMÍAS 14:10

Mandaj Diosca Judá runacunamantaca cashnami nirca: “Cai runacunaca caiman, chaiman yanga puricunallatami munan. Chaimantami ñucaca p'iñani. Cunanca paicunapaj tucui juchacunata yuyarishpami, tucuimanta llaquichigrini” nircami.

JEREMÍAS 14:20

Mandaj Dioslla, ñucanchijpish ñucanchij yayacunapish juchata rurashpamari canta p'iñachishcanchij. Chai tucui millaita rurashcamantaca llaquirinchijmi.

JEREMÍAS 2:20

Cancunaca ñaupamantapachami ñuca churashca yugotaca p'aquircanguichij, cinta angucunatapish p'itircanguichij. Chashna rurashpami: Cantaca ña manataj servishachu nircanguichij. Chashna rurashca jahuapish tucui maipi tiyaj lomacunapi, tucui p'angasapa yura ucucunapimi huainayaj huarmi shina siririshpa huainayarcanguichij.

JEREMÍAS 2:25

Ñucaca: Ama lluchu chaquilla maita purigrichu, ama yacunaihuan shimi chaquishpa maita purigrichu nircanimi. Ashtahuanpish canca: Manataj saqui tucunichu, ñucaca shujtajcunatami c'uyani. Paicunataca catishpa rishatajmi nircanguimi.

JEREMÍAS 3:2

Tucui urcucunata huichilla ricuyari. Maijan lomata ricujpipish, can huainayashcaca ricunallami tiyacun. Cambaj c'uyashcacunahuan tupangapajmi, shitashca pambapi árabe runa chapashpa tiyacuj shina ñan c'uchupi tiyarij carcangui. Chashna huainayashpa, millaita rurashpamari tucui llajtata mapayachingui.

JEREMÍAS 3:25

Ñucanchij ñaupa yayacunapish, ñucanchijpish huambramantapacha cunancamamari juchata rurashpa, ñucanchijta Mandaj Diostaca p'iñachishpa causanchij. Chashna rurashca jahuamari, ñucanchijta Mandaj Dios rimashcatapish manataj uyashun nircanchij. Chaimantamari cunanca maita mana llujshipaj jatun llaqui tucushpa, pingaihuan huañucunchij” nircacunami.

JEREMÍAS 3:6

Mandaj Diosca jatun mandaj Josías mandacui punllacunapimi ñucataca cashna nirca: “¿Chai mana cazuj Israel huarmi imata rurajta ricunguichu? Paica tucui lomacunapi, tucui p'angasapa yura ucucunapimari huainayanaman rin.

JEREMÍAS 7:24

Chashna mandajpica mana cazurcacunachu, mana uyashun nircacunallapishchu. Ashtahuanpish paicuna yuyashca shina causashpami, millai ch'ahuan shungucuna tucurca. Chashna tucushpami, ñaupajman rinapaj randica, huashaman rircacuna.

JEREMÍAS 7:26

Shina cajpipish manataj uyancunachu, manataj cazuncunachu. Ashtahuanpish ashtahuan sinchi shungucuna tucushpami, paicunapaj yayacunatapish yalli millaita rurancuna.

EZEQUIEL 16:15

Ashtahuanpish canca can sumaj cashcallapimi shunguta churarcangui. Chashna cashpami mashna caita purijcunahuan huainayarcangui, canca paicunapajllami causarcangui.

OSEAS 5:15

“Paicuna juchallishcata, ñucaca juchallishcanimari nishpa ñucata mashcangacamami ñucaca ñuca causacunman tigrasha. ¡Paicuna llaquihuan cashpami, ñucataca mashcangacuna!” nircami.

DEUTERONOMIO 12:2

Cancuna japin llajtacunapi causajcuna paicunapaj dioscunata adoranacunatami tucuita nunca ama tiyachun chingachina canguichij. Urcucunapi, lomacunapi, yura ucucunapi adoranacunatami chashna chingachina canguichij.