JEREMÍAS 3:12 - Dios Rimashca Shimicunami

¹² Chashna cashcamantaca, janaj lado llajtata ricushpa cashna caparigri: Mandaj Diosca cashnami nin: Mana cazuj Israel huarmilla, ñucapajman tigrari. Ñucaca ña mana ashtahuan p'iñarishpa llaquichishachu. Ñucaca llaquij Diosmari cani, mana huiñaita p'iñalla cashachu ninmi Mandaj Diosca.

JEREMÍAS 3:12 Iomraidhean Croise

GÉNESIS 4:7

Allita rurashpaca jatunyachishcami canguiman. Ashtahuanpish mana allita rurajpica, juchami cantaca mana allita rurachingapaj shuyacun. Shina cajpipish mana allitaca canmari mishana cangui– nircami.

2 REYES 15:29

Israel llajtata Peka mandacui huatacunami, Asiria llajtata jatun mandaj Tiglat-pileser shamushpaca, Ijón, Abel-bet-maaca, Janoa, Cedes, Hazor, Galaad, Galilea llajtacunata, Neftalipaj tucui llajtacunatapish japishpa chaipi causajcunataca tucuita Asiriaman prezu aparca.

2 REYES 17:23

Mandaj Dios israelcunata paipaj ñaupajmanta tucui anchuchingacamami manataj saquishpa juchallicurcallacuna. Mandaj Diosca paipajta ruraj profetacunaman huillachishca shinallatajmi, israelcunataca Asiria llajtaman prezu apachun saquirca. Paicunaca cunan punllacamami chaipi causacuncuna.

2 REYES 17:6

Iscun huatata Oseas mandacujpimi, Asiria llajtata jatun mandajca Samaria pueblota japishpa chaipi causaj israelcunata prezu aparca. Paicunataca Halah pueblopi, Gozán jatun yacu c'uchupi caj Habor llajtapi, medocunapaj pueblocunapimi churarca.

2 REYES 18:1

Elapaj churi jatun mandaj Oseas Israel llajtata quimsa huatata ña mandacujpimi, Acazpaj churi Ezequiasca, Judá llajtata mandai callarirca.

2 CRÓNICAS 29:10

Chaimantami cunanca ñucanchij israelcunata Mandaj Dios ñucanchijhuan ama ashtahuan p'iña cachun, paita cazunata ari ninatami yuyarircani.

2 CRÓNICAS 30:9

Cancunata Mandaj Diosca c'uyaj, llaquij Diosmari. Cancuna paiman cutirijpica, mana huashata ricuchingachu. Cancuna paiman cutirijpica, cancunapaj huauquicunata, cancunapaj huahuacunata prezu charicujcunamanpish paicunata llaquina yuyaita cungami. Chashnajpica, cai llajtaman tigramungacunamari” nishpami huillarcacuna.

SALMOS 103:17

Ashtahuanpish Mandaj Dios llaquij cashcaca paita manchajcunapajca huiñaimanta huiñaicamami. Pai cashcata ruranapish huahua huahuacunapajmi.

SALMOS 103:8

Mandaj Diosca, llaquij, mana maipish cachun llaquichijmi. Mana utca p'iñarij, jatunta c'uyajmi.

SALMOS 103:9

Paica mana ñucanchijtaca rimacujllachu. P'iñarishcataca mana huiñaipaj charicunllachu.

SALMOS 145:8

Alli shungu, jatunta llaquijca Mandaj Diosmari. Paica mana utca p'iñarijmari, yallitaj llaquijmari.

SALMOS 79:5

Mandaj Dioslla, ¿maicamataj chashna cangari? ¿Huiñaitachu chashna p'iñalla cagringui? ¿Nina rupacuj shina quiquin p'iñarishcaca caticungallachu?

SALMOS 86:15

Ashtahuanpish quiquin Jatun Diosca llaquij, cashcata ruraj, mana utca p'iñarij, yallitaj llaquij, mana llullaj Taita Diosmari cangui.

SALMOS 86:5

Jatun Dios quiquinca allimari cangui, perdonajmari cangui. Quiquinta mañajcunataca tucuicunata jatunta llaquijmari cangui.

PROVERBIOS 28:13

Juchacunata pacaj runaca, mana alli causai tucungachu. Ashtahuanpish tucuita huillashpa, chai juchacunata saquijca, Taita Dios llaquishcami canga.

ISAÍAS 31:6

¡Israelcuna, cancuna yallitaj c'ariyashpa llaquichishca Diosllamantaj cutirichij!

ISAÍAS 44:22

Cancuna c'ariyashcacunataca, p'uyuta shinami anchuchircani. Cancunapaj juchacunataca, p'uyulta shinami anchuchircani. Ñucamari cancunataca quishpichircani, ñucapajman cutirichigari” ninmi.

JEREMÍAS 11:6

Chashna nijpica, Mandaj Diosca cashnami nirca: “Cai shimicunataca Judá llajtapi tucui causajcunamanpish, Jerusalenpi causajcunamanpish callecunapi cashna huillagri: Dioshuan ari ninacushca cai shimicunata uyashpa, chai shina causaichij.

JEREMÍAS 12:15

Paicunataca llujshichishpa cachashca q'uipami, ñucallataj llaquishpa cutin quiquin llajtaman tigrachimusha. Chashna tigrachimushpami, quiquin allpacunata cutin cusha.

JEREMÍAS 23:8

Ashtahuanpish ñuca tigrachimujpi, quiquin llajtapi causacushpami: Israelcunapaj huahuacunataca janaj llajtamantapish, pai maillaman shitashca tucui shujtaj llajtacunamantapish tigrachimuj, causaj Mandaj Diosca ricucunmi ninguichij” ninmi.

JEREMÍAS 3:1

Maijanpish: Shuj runa paipaj huarmita shitajpi, chai huarmi ch'icanyashpa shujtaj c'arihuan apanacushpa causajpica, ¿punta cusaca chai huarmihuan cutin tandanacui tucunchu? ¿Manachu cutin tandanacujpica, tucui llajtatami mapayachin nincuna? Cancarin mashnatajshi c'aricunahuanmari c'uyanacushpa huainayashcangui. Shina cajpipish, cantaca ñucaman tigrai ninimi. Mandaj Diostajmi chashna nini.

JEREMÍAS 3:14

Shinallataj Mandaj Diosca cashnami nin: “Mana cazuj huahuacuna, ñucapajman tigramuichij. Ñucamari cancunapaj cusa cani. Ñucaca cancunataca cada pueblomanta shujta, cada familiamanta ishquita japishpami, Siónpi causachun churasha.

JEREMÍAS 3:18

Chai punllacunapica Judá llajtapi causajcunaca, Israel llajtapi causajcunahuan tandanacungallami. Chashna causangapajca janaj lado llajtamantami cancunapaj ñaupa yayacunaman ñuca cushca llajtaman tandalla shamungacuna.

JEREMÍAS 3:22

Mana cazuj huahuacuna, ñucapajman tigrarichigari. Cancuna tigrarijpica ñucata mana cazushcamanta, llaqui tucushcataca alliyachishallami” ninmi. “Canca ñucanchijta Mandaj Diosmari cangui, chaimanta cunanca ñami cambajman tigramunchij.

JEREMÍAS 3:5

Ashtahuanpish canca: Diosca mana huiñaitachu p'iña canga, alli tucungallami nishpami, ima millaita rurasha nishcata rurashpa causangui ninmi.

JEREMÍAS 3:7

Ñucaca: Chai tucuita rurashca q'uipaca, ñucapajman tigrangami yuyarcanimi. Ashtahuanpish paica manataj ñucapajman tigrarcachu. Paipaj ñaña mana cazuj Judapish chaitaca ricurcami.

JEREMÍAS 30:11

Ñucaca cancunata quishpichingapaj cancunahuanmi cani. Ñuca cancunata mai llajtallaman prezu cachashca cashpapish, chai llajtacunataca tucuchishami. Ashtahuanpish cancunataca mana tucuchishachu. Llaquichinataca llaquichishatajmi. Shina cashpapish cancunataca allichingapajllami llaquichisha” ninmi Mandaj Diosca.

JEREMÍAS 31:20

Efrainca mana ñuca c'uyashca huahua cajpichu, mana ñuca cushicuna huahua cajpichu mana llaquishari. Paimanta rimashpaca, paitaca punllanta yuyaricunillami. Ñuca paita yuyarishpaca, shungumantami llaquirini. Paitaca llaquishatajmi.

JEREMÍAS 31:21

Can maita rishca ñantaca, jatun rumicunata churashpa ringui. Maillata rishca ñantaca yuyaipi cangui. Israel huarmilla, can maita rishca ñanllatatajmi cambaj cashca cai pueblomanca tigrangui.

JEREMÍAS 31:8

Ñucami paicunataca janaj llajtamanta tigrachimusha, tucui cai pacha llajtacunamantami tandachimusha. Ñahui mana ricujcunatapish, patojocunatapish, chichu huarmicunatapish, llullu huahuayujcunatapish tucuicunatamari tandallata caiman tigrachimunga.

JEREMÍAS 33:26

ñucapish Jacobopaj huahuacunata shitaimanchari, ñucata servij Davidpaj huahuacunatapish cungarimanchari. Shamuj punllapica Abrahampaj, Isaacpaj, Jacobopaj huahua huahuacunata mandachunca, ña manachari Davidpaj huahua huahuapuramanta mandajta churaiman. Ashtahuanpish ñucallatajmari caimanta prezu apashcacunataca llaquishpa tigrachimusha” nircami.

JEREMÍAS 4:1

Mandaj Diosca cashnami nin: “Israelcunalla, ñucapajman tigrarishpaca, shungumantataj cutiringuichij. Ñuca ñaupajmantaca, cancuna rurashca millanana dioscunata anchuchichij. Ña ama ashtahuan caiman chaiman callpacuichijllachu.

LAMENTACIONES 3:22

Mandaj Dios llaquijllapimari, ñucanchijca mana tucuicuna chingarishcanchij. Ñucanchijta llaquinataca manataj saquishcachu.

EZEQUIEL 11:17

Cashnapish huillangui: Mandaj Jatun Diosca cashnami nin: Cancunataca shujtaj runacunapaj chaupipi shujtaj llajtacunapi tsiraparishpa causacunmanta tandachishpami, Israel llajtataca cusha.

EZEQUIEL 33:11

Cashnapish ningui: Mandaj Jatun Diosca cashnami nin: Ñucaca causacunimi. Ñucata mana manchaj runataca, mana huañuchun munanichu. Ashtahuanpish pai ima shina causacushcata saquishpa causaita charichunmi munani. Chashna cashcamantaca israelcunalla, cancuna millaita ruracushcata saquishpa, ñucapajman cutirichigari, cutirichigari. ¿Maitataj yangamantaca huañunguichigari? ninmi ni.

EZEQUIEL 39:25

Shina cajpipish, Mandaj Jatun Diosca cashnami nin: Jacobopaj huahua huahua israelcunataca prezu causacushcamantaca, llaquishpa tigrachimushami. Ñuca jucha illaj shutitaca, manataj yangata rurashca cachun saquishachu.

OSEAS 6:1

Shamuichij, Mandaj Diosman cutirishunchij. Paimi ñucanchijtaca mirga mirgata rurarca. Paillatajmi jambinga. Paillatajmi chugrichirca. Paillatajmi alliyachinga.

LEVÍTICO 26:40

Chaipimi paicuna millaita rurashcatapish, paicunapaj ñaupa yayacuna millaita rurashcatapish, ima shinalla rurashpa ñucata c'ariyashcatapish, imamanta ñucata mana cazushcatapish ñucaman huillangacuna.

ZACARÍAS 1:4

Ama cancunapaj yayacuna shinallataj caichijchu. Dios ima nishcata punta huillajcunaca paicunamanca: Mana alli ñancunamanta, millaita ruranamantapish anchurichij ninmi tucuita Mandaj Diosca nishpami huillarcacuna. Chashna nishcatapish manataj cazurcacunachu, manataj uyarcacunachu.

DEUTERONOMIO 30:2

cancunaca huananchijtajmi nishpa Mandaj Dios cancunapaj Taita Diospajman cutiringuichij. Chaipimi cancunapish cancunapaj huahua huahuacunapish cunan ñuca cushca mandashca shimicunataca tucui shunguhuan tucui almahuan cazujcuna tucunguichij. Chashna nishpaca cancuna cashpa cancunapaj huahua huahuacuna cashpapish huananchijtajmi nishpa Mandaj Dios cancunapaj Taita Diosman cutirishpa pai rimashcacunata cancunaman cunan ñuca cushpa mandashcacunata tucui shunguhuan, tucui almahuan pajtachina tucunguichij.