JEREMÍAS 3:11 - Dios Rimashca Shimicunami

¹¹ Mandaj Diosca ñucataca cashnapishmi nirca: “Israel huarmica ñucamanta anchurishca cashpapish, cai mana cazuj Judá shinaca manaraj ricurinchu.

JEREMÍAS 3:11 Iomraidhean Croise

JEREMÍAS 11:10

Tucuicunamari ñuca rimashcata mana cazushun nishpa, shujtaj dioscunata mashcashpa chaicunata cungurij paicunapaj ñaupa yayacuna rurashca juchallatataj rurancuna. Chashna rurashpamari israelcunapish, Judá runacunapish paicunapaj ñaupa yayacunahuan ñuca ari ninacushcata p'aquishcacuna” ninmi.

JEREMÍAS 3:22

Mana cazuj huahuacuna, ñucapajman tigrarichigari. Cancuna tigrarijpica ñucata mana cazushcamanta, llaqui tucushcataca alliyachishallami” ninmi. “Canca ñucanchijta Mandaj Diosmari cangui, chaimanta cunanca ñami cambajman tigramunchij.

JEREMÍAS 3:7

Ñucaca: Chai tucuita rurashca q'uipaca, ñucapajman tigrangami yuyarcanimi. Ashtahuanpish paica manataj ñucapajman tigrarcachu. Paipaj ñaña mana cazuj Judapish chaitaca ricurcami.

JEREMÍAS 3:8

Paipaj ñaña Israeltaca ñucata mana cazushcamantami, shitanimi nishpa quillcata rurashpa curcani. Chaita cushpa llujshichishpa cachajtaca, paipaj ñahuihuantajmi ricurca. Chaita ricushpapish, cai mana cazuj Judá huarmica mana mancharcachu. Ashtahuanpish paipish ñaña shinallatajmari huainayanaman rirca.

EZEQUIEL 16:47

Canca paicuna shinallatajmi millaita rurashpa causarcangui. Chashna rurashcapish, mana ima cajpi shinamari paicunatapish yalli millaita rurashpa causarcangui.

EZEQUIEL 23:11

Paipaj ñaña Aholiba huarmipish, chaita ricushpaca, paitapish yallimi c'aricunata munarca. Aholiba huarmica paipaj ñañatapish yallimi huainayarca.

OSEAS 11:7

Ñuca agllashcacunaca ñucata c'ariyanapimi rumi shungu tucushcacuna. Ñucataca: “Jahua pacha Taita Dios” nishpapish, pi mana jatunyachinatatajca munancunachu.

OSEAS 4:16

Israelcunaca quita vaquilla shinami caruyarcacuna. Chashna cajpica ¿Mandaj Diosca paicunataca malta ovejacunata shina ancho pambapi michingachari?