JEREMÍAS 3:10 - Dios Rimashca Shimicunami

¹⁰ Chashna millaita rurashca cashpapish, Israelpaj ñaña mana cazuj Judá huarmica, mana tucui shunguhuan ñucapajman tigrarircachu. Jahua shungullahuanmi cutirij tucurca” ninmi Mandaj Diosca.

JEREMÍAS 3:10 Iomraidhean Croise

2 CRÓNICAS 34:33

Josiasca, israelcunapaj tucui llajtamantami Diosta p'iñachij millananacunataca anchuchirca. Chashna rurashpaca, Israel llajtapi cajcunataca, tucuicunatami paicunata Mandaj Diospajta rurachun mandarca. Pai causashcacamaca, paicunapaj ñaupa yayacunata Mandaj Diosmantaca mana anchurircacunachu.

SALMOS 18:44

Mana rijsishcacunamari ñucata cazungapaj curincuna. Ñuca rimajta uyashpaca cazunllacunami.

SALMOS 66:3

Taita Diostaca: “Quiquin rurashcacunaca jatun mancharinamari. Quiquin tucuita rurai tucuj cashcamanta, quiquinta p'iñajcunaca quiquinpaj ucupimari tucungacuna.

ISAÍAS 10:6

Mana ñucapajlla causacuj llajtata llaquichichunmi cachasha. Ñuca p'iñashcacunata llaquichichunmi cachasha. Paicuna quichushcacunata quichushpa apachunmi cachasha. Paicunatami ñanpi sirij lodota shina sarujcuna cachun churasha.

ISAÍAS 29:13

Chaimantami Jatun Diosca: “Cai gentecunaca ñucataca jahua shimillami yuyarincuna. Jahua shimillahuanmi ñucataca allimari cangui nincuna. Ashtahuanpish paicunapaj shunguca ñucamanta carupimari. Ñucata manchanchij nishpapish, gentecuna yachachishpa mandashcacunallatami rurancuna.

ISAÍAS 31:6

¡Israelcuna, cancuna yallitaj c'ariyashpa llaquichishca Diosllamantaj cutirichij!

JEREMÍAS 11:10

Tucuicunamari ñuca rimashcata mana cazushun nishpa, shujtaj dioscunata mashcashpa chaicunata cungurij paicunapaj ñaupa yayacuna rurashca juchallatataj rurancuna. Chashna rurashpamari israelcunapish, Judá runacunapish paicunapaj ñaupa yayacunahuan ñuca ari ninacushcata p'aquishcacuna” ninmi.

JEREMÍAS 12:2

Can tarpujpimari, ucujta sapiyashpa huiñashpaca granurcacuna. Cambaj shutitaca shimi jahuamari charincuna. Ashtahuanpish paicunapaj shunguca canmanta carupimari.

JEREMÍAS 9:1

Ñuca uma pugyu tucujpica, ñuca ñahuicunamanta yacu huiñacuj shina huiqui llujshicujllapica, ñuca llajtapi causajcuna huañushcamantaca, tutapish punllapish huacacuimanllachari.

OSEAS 7:14

Camapi siricushpa, aij nishpa capariricushpapish ñucataca mana tucui shunguhuan mañarcacunachu. Trigota, vinota cuchun mañangapajllami tandanacurcacuna. Chashnami ñucataca p'iñachincuna.

AMÓS 4:9

“Ñucaca rupaj huairatapish, oruga c'urucunatapish, langosta c'urucunatapish cachashpami, cancunapaj achca huertacunatapish, uva chagracunatapish, higo yuracunatapish, olivo yuracunatapish micushpa tucuchichircani. Chashna llaquichijpipish, cancunaca manataj ñucamanca cutirircanguichijchu” ninmi Mandaj Diosca.

MALAQUÍAS 2:11

Judá llajtapi causajcunaca mana cazurcacunachu. Israelpi, Jerusalenpi causajcunaca yallitajmi millaita rurarcacuna. Chaimanta Judá llajtapi causajcunaca, Mandaj Dios c'uyashca huasitami yangata rurarcacuna. Shinallataj shujtajcunapaj diosta adoraj huarmicunahuanmi casararcacuna.