JEREMÍAS 3:1 - Dios Rimashca Shimicunami

¹ Maijanpish: Shuj runa paipaj huarmita shitajpi, chai huarmi ch'icanyashpa shujtaj c'arihuan apanacushpa causajpica, ¿punta cusaca chai huarmihuan cutin tandanacui tucunchu? ¿Manachu cutin tandanacujpica, tucui llajtatami mapayachin nincuna? Cancarin mashnatajshi c'aricunahuanmari c'uyanacushpa huainayashcangui. Shina cajpipish, cantaca ñucaman tigrai ninimi. Mandaj Diostajmi chashna nini.

JEREMÍAS 3:1 Iomraidhean Croise

SALMOS 106:38

Canaán llajtapi causajcunapaj manapish dioscunaman paicunapaj churicunata, ushushicunata cushpami imamanta mana huañuipajcunapaj yahuarta jicharcacuna. Chai yahuarhuanmi chai llajtaca mapayarca.

ISAÍAS 24:5

Allpaca paipi causajcunapaj juchamantamari yanga tucushca. Mandashcacunatamari mana cazushca. Chaitataj ruranacunatamari p'aquishca. Huiñaipaj ari ninacushcatamari p'aquishca.

JEREMÍAS 2:20

Cancunaca ñaupamantapachami ñuca churashca yugotaca p'aquircanguichij, cinta angucunatapish p'itircanguichij. Chashna rurashpami: Cantaca ña manataj servishachu nircanguichij. Chashna rurashca jahuapish tucui maipi tiyaj lomacunapi, tucui p'angasapa yura ucucunapimi huainayaj huarmi shina siririshpa huainayarcanguichij.

JEREMÍAS 2:23

Pambacunapi cancuna imalla millaita rurashcata ricuichigari. Ima juchahuan mana mapayashcanchijchu, chai Baal dioscunapajmanca manataj rishcanchijchu nishpaca, maitataj ni tucunguichigari. Cancunaca ñanmanta llujshishcahuan maitapish callpaj huarmi dromedaria shinamari canguichij.

JEREMÍAS 2:7

Ñucamari cancunataca ima allicunatapish charichun, chagracunapi p'ucuj sumaj granocunata micushpa causachun, ima mana illaj cai llajtaman yaicuchircani. Ashtahuanpish cancunaca yaicushcahuanmari ñuca llajtataca mapayachircanguichij. Ñuca cushca cai allpataca millananatami rurarcanguichij.

JEREMÍAS 22:20

“Cambaj tucui c'uyashcacunamari tucurishca. Cunanca Líbano urcuman huichiyashpa, Basán urcuman llujshishpa tucui ladota ricushpa caparirishpa huacajpipish, pi mana uyaringachu.

JEREMÍAS 3:22

Mana cazuj huahuacuna, ñucapajman tigrarichigari. Cancuna tigrarijpica ñucata mana cazushcamanta, llaqui tucushcataca alliyachishallami” ninmi. “Canca ñucanchijta Mandaj Diosmari cangui, chaimanta cunanca ñami cambajman tigramunchij.

JEREMÍAS 3:9

Paica, shujtaj dioscunahuan huainayashca mana alli canataca, mana yuyarcachu. Chaimantami rumi dioscunahuan, caspi dioscunahuan huainayarca. Chashna rurashpami tucui llajtata mapayachirca.

JEREMÍAS 31:22

Sinchi shungu huarmilla, ¿ima horascamachari chashna uri huichi puricunguilla? Mandaj Diosca cai llajtapica mushujtamari ruragrin. Huarmica cusapaj c'uchupimi canga” ninmi.

JEREMÍAS 4:1

Mandaj Diosca cashnami nin: “Israelcunalla, ñucapajman tigrarishpaca, shungumantataj cutiringuichij. Ñuca ñaupajmantaca, cancuna rurashca millanana dioscunata anchuchichij. Ña ama ashtahuan caiman chaiman callpacuichijllachu.

JEREMÍAS 4:14

Jerusalenpi causajcunalla, ¿maicamataj millaita rurana yuyailla canguichigari? Cancunata quishpichichun nishpaca, shungumanta tucui millai yuyaita maillarichigari.

LAMENTACIONES 1:2

Tutacunaca jatunta caparirishpamari huacan. Quijados uritaca huiqui manataj chaquinchu. Paita c'uyajcunaca pi mana cushichinaman shamunchu. Paihuan apanacunata saquishpamari, cunanca paita p'iñajcuna tucushca.

EZEQUIEL 16:26

Shinallataj cambaj c'uchullapi causaj Egipto runacunahuanpishmi huainayarcangui. Paicunaca charishca aichapish yallitaj racumi carca. Ñuca p'iñaringacamami, ashtahuan ashtahuan huainayashpa catircangui.

EZEQUIEL 16:30

¡Millai shungu cashpami, cai tucui mana allicunataca rurarcangui! Huainayashpalla causaj mana pingaj huarmi shinami rurarcangui. Mandaj Jatun Diostajmi chashna nini.

EZEQUIEL 16:35

Chashna cashcamanta huainayashpalla causaj huarmi, ñuca Mandaj Dios ima nishcata uyai.

EZEQUIEL 33:11

Cashnapish ningui: Mandaj Jatun Diosca cashnami nin: Ñucaca causacunimi. Ñucata mana manchaj runataca, mana huañuchun munanichu. Ashtahuanpish pai ima shina causacushcata saquishpa causaita charichunmi munani. Chashna cashcamantaca israelcunalla, cancuna millaita ruracushcata saquishpa, ñucapajman cutirichigari, cutirichigari. ¿Maitataj yangamantaca huañunguichigari? ninmi ni.

OSEAS 1:2

Mandaj Diosca Oseasta punta cutin huillachishpaca cashnami nirca: “Huainayaj huarmipajman ri, chai huarmita cambaj huarmi cachun japi. Chai huarmihuan huahuacunata chari. Chai huahuacunaca huainayashcamanta huacharishca huahuacuna cachun. Cai llajtapi causajcunaca Mandaj Diosmanta anchurishpami, chai shinallataj huainayacuncuna” nircami.

OSEAS 2:2

¡Cancunapaj mamataca p'iñashpa rimaichigari, rimaichigari. Paica ña mana ñuca huarmichu, ñucapish ña mana paipaj cusachu cani! Huainayaj cajta ricuchij ñahuitaca anchuchi nichigari. Huainayaj cajta ricuchij sumajcunatapish pecho urimanta anchuchi nichigari.

MIQUEAS 2:10

Caipica mapahuan junda cashcamantaca, mana samarinachu canguichij. Caimantaca jatarishpa richijlla.

ZACARÍAS 1:3

Chaimanta paicunataca cashna ni: Tucuita Mandaj Diosca cashnami nin: Ñucapajman cutirichigari, ñucapish cancunapajman tigrashami ninmi tucuita Mandaj Diosca.

Mateo 5:31

Shinallataj: “Maijan cashpapish huarmita shitajca, chaita ricuchij quillcata cuchun” nishcatami yacharcanguichij.

DEUTERONOMIO 22:21

paipaj yayapaj huasi punguman llujshichishpa, chai pueblopi causaj c'aricuna huañungacama rumicunahuan shitachuncuna. Chai huarmica paipaj yayapaj huasipi huainayashpa israelcunapurapi millaita rurashcamantami chashna rurana canguichij. Chashnami cancunapuramantaca chai millaitaca anchuchinguichij.

JUECES 19:2

Levitapaj caishuj huarmica mana alli huarmi tucushpami paita shitashpa rirca. Chaimantaca Judá llajtapi caj Belenpi causacuj paipaj yayapaj huasiman tigrashpami chaipi chuscu quillata carca.