JEREMÍAS 28:3 - Dios Rimashca Shimicunami

³ Chai Babilonia llajtata jatun mandaj Nabucodonosor cai ñuca huasimanta llujshichishpa, paipaj llajtaman apashca charinacunataca cunanmanta ishqui huatallapimi caiman tigrachimugrini.

JEREMÍAS 28:3 Iomraidhean Croise

GÉNESIS 47:28

Jacobca Egiptopica, chunga canchis huatacunahuan causashpami, ña 147 huatacunayuj tucurca.

GÉNESIS 47:9

Jacobca: –Ñucaca, 130 huatacunatami caita chaita purishpa causacuni. Ñuca causaipica ashaca alli ashaca mana allimi cashca. Ñucaca ñuca ñaupa yayacuna caita chaita purishpa causashca huatacunamanca manaraj chayanichu– nircami.

2 REYES 24:13

Chai q'uipaca Mandaj Diospaj huasimantapish, mandashpa tiyana huasimantapish tucui imalla tiyashca achca valijcunatami llujshichirca. Israelcunata jatun mandaj Salomón Mandaj Diospaj huasipaj curimanta tucui imalla rurachishcacunatapish tucuitami p'aquirca. Mandaj Dios nishca shinallatajmi pajtarca.

2 CRÓNICAS 36:10

Babilonia llajtata jatun mandaj Nabucodonosorca, ña huata tucucujpica, Mandaj Diospaj huasipi tiyaj ashtahuan sumaj charinacunandijmi, Joaquintaca Babilonia llajtaman apachun apajcunata cacharca. Paita apashpaca, Joaquinpaj huauqui Sedequiastami Judá llajtatapish, Jerusalén pueblotapish jatun mandaj cachun churarcacuna.

2 CRÓNICAS 36:7

Babilonia llajtata jatun mandaj Nabucodonosorca, Mandaj Diospaj huasipi tiyaj charinacunamanta achcata apashpami Babiloniapi, paipaj diospaj huasipi churarca.

SALMOS 90:10

Ñucanchij causana punllacunaca canchis chunga huatallami. Ashtahuan sinchicunapish pusaj chunga huatallatami causan. Unita causaj sinchi runa nishca cashpapish, llaquita, c'uyaillatami causan. Tucuicunami ñucanchij shinallataj utca tucurinllacuna.

DANIEL 1:2

Jatun Diosmi Judá llajtata jatun mandaj Joacimtapish, Diospaj huasipi Diospajta ruranapaj caj imalla charinacunatapish, Nabucodonosorpaj maquipi churarca. Chaicunataca Nabucodonosorca, Sinar llajtaman apamushpami, achca valijcunata huaquichina paipaj diospaj huasipi churarca.