JEREMÍAS 27:9 - Dios Rimashca Shimicunami

⁹ Chashna cashcamantaca cancunapaj huillajcunatapish, adivinajcunatapish, muscushcacuna imata nisha nishcata huillajcunatapish ama uyaichijchu. Shinallataj brujocunatapish, muspachij yumbucunatapish ama uyaichijchu. Chai Babilonia llajtata jatun mandajta servijcunaca mana tucunguichijchu nishpa paicuna llullashcataca ama uyaichijchu.

JEREMÍAS 27:9 Iomraidhean Croise

ÉXODO 22:18

Bruja huarmitaca ama causachun saquinguichij.

ÉXODO 7:11

Chaimi faraonca Egiptopi caj adivinocunata, brujocunata tandachichun cachajpi paicuna shamushpaca brujocuna rurana cashcata rurashpa Moisespish, Aaronpish milagrota rurashca shinallataj rurarcacuna.

PROVERBIOS 19:27

Ñuca huahualla, allita yachachij yuyaicunata jarcaj, panda yuyaicunataca ña ama ashtahuan uyaichu.

ISAÍAS 8:19

Cancunata maijancuna: “Muspachij yumbucunata, adivinocunata, manapish entendipajta rimarijcunata tapuichigari” nijpica, cancunaca: Cai gentecunaca ¿manachari paicunapaj Diosta tapunari? ¿Causajcunamantaca huañushcacunatachu tapunari? nishpa cutichinguichij.

JEREMÍAS 14:14

Chashna nijpimi, Mandaj Diosca cashna nirca: “Chai huillajcunaca llullashpallamari, ñuca shutipi chashna huillancuna. Paicunataca manapish ñuca huillanaman cachashcanichu, imallatapish mana nishcanichu. Manapish muscuipi shina ñuca ricuchishcata ricuncunachu. Ashtahuanpish adivinashpallamari, paicunapaj shungu yuyashcata huillashpa cancunataca umacuncuna.

JEREMÍAS 23:16

Tucuita Mandaj Diosca cashnapishmi nin: “Chaimanta chai huillajcuna huillashcataca ama uyaichijchu. Paicunaca mana ñuca shimimanta llujshishca shimicunata huillancunachu. Ashtahuanpish cancunapaj yuyai samarichun llullanllacunamari. Paicunapaj shungu yuyashcallatamari muscuipi ricushcata shina huillancuna.

JEREMÍAS 23:25

Ñucaca chai huillajcunataca: Muscunimari, muscunimari nishpa, llullashpalla ñuca shutipi huillajtami uyani.

JEREMÍAS 23:32

Mandaj Diosca cashnapish ninmi: “Llulla muscuicunallata huillashpa, parlashpa, ñuca agllashcacunata pandachij huillajcunataca ñucatajmi llaquichigrini. Llulla shimicunahuan inquitashpami pandachincuna. Paicuna huillachunca mana ñuca cachashcanichu. Paicunaca cai runacunataca, ima allipi mana churashcacunachu” ninmi Mandaj Diosca.

JEREMÍAS 29:8

Tucuita Mandaj, israelcunapaj Diostajmi cashna nin: Cancunapaj chaupipi caj huillajcunapish, adivinajcunapish cancunata umachun ama saquichijchu. Cancunallataj muscushcapipish ama yuyaita churaichijchu.

EZEQUIEL 21:29

Cancuna ima tucunataca, yangamanta llullashpa adivinashpallami huillancuna. Chai espadaca, huañunapi churashca yallitaj millai runacunatami huañuchinga. Millaita rurajcunata tucuchina punllaca ñami chayamushca.

DANIEL 4:7

Chaipica jatun yachajcunapish, luzerocunamanta yachajcunapish, caldeocunapish, adivinocunapishmi ñucapajman shamurcacuna. Paicunaman ñuca muscushcata parlajpipish chai imata nisha nishcataca, mana huillai tucurcacunachu.

MIQUEAS 3:7

Chashna tucujpimi, Dios ima nishcata huillajcunami canchij nijcunaca pingai tucungacuna. Adivinocunapish musparingacunami. Paicunaca Taita Dios mana imata cutichijpimi, tucuicuna shimita huichcangacuna” ninmi.

ZACARÍAS 10:2

Terafín nishca dioscunaca llullallatami huillachishcacuna. Adivinajcunapish llullallatami ricushcacuna. Paicunaca yanga muscuicunallatami huillashcacuna. Paicuna cushichishcapish yangallami. Chaimantami runacunaca ovejacuna shina yanga purincuna. Paicunaca michijta mana charishcamantami, llaquilla causancuna.

MALAQUÍAS 3:5

Tucuita Mandaj Diostajmi cashna nini: Ñucami cancuna imalla rurashcacunata ricuj shamusha. Chai punllapimi yumbucunatapish, huainayajcunatapish, llullashpa huillajcunatapish, trabajajcunaman cullquita mana tucui pagajcunatapish, viudacunata, yaya mama illajcunata p'iñajcunatapish, caru llajta runacunata llaquichijcunatapish, ñucata mana manchajcunatapish llaquichisha.

Hechos 8:11

Alli yumbomi cani nishpa pai imalla rurashcacunahuan ña unita umashpa manchachishca cashpami, tucuicuna paita alli uyajcuna carca.

Efesios 5:6

Maijanpish cancunataca yanga parlocunahuan ama umachun. Chashna mana allita rurashcamantami, Diosca p'iñarishpa paita mana cazujcunataca jatunta llaquichinga.

DEUTERONOMIO 13:2

Ricuchinacunapish, milagrocunapish paicuna huillashca shina pajtajpipish: Shujtajcunapaj dioscunapajman jacuchij nijpi, cancuna mana rijsishca dioscunapajman jacuchij paicunapajta rurashunchij nijpica,

DEUTERONOMIO 18:14

Cancunapaj cachun japigricun llajtapi causajcunaca brujocunata, adivinocunatami tapuncuna. Ashtahuanpish cancunataca Mandaj Dios cancunapaj Taita Diosca manataj chaita rurachun saquingachu.

JOSUÉ 13:22

Israelcunaca chaicunata huañuchicushpaca, Beor shuti runapaj churi Balaam shuti adivino runatapishmi huañuchircacuna.

Apocalipsis 18:23

Canpica achijyachij lamparacunapish ña manataj tiyangachu. Novio, novia cushicushpa cantashcapish canpica ña manataj uyaringachu. Randishpa c'atushpa canpi causajcunaca, ñaupaca tucui llajtacunamanta yalli jatun tucushcacunami carca. Tucui llajtacunatami cambaj brujianahuan umarcangui.

Apocalipsis 21:8

Shina cajpipish manchajcunaca, mana crijcunaca, millashcacunaca, huañuchijcunaca, apanacushpalla causajcunaca, brujocunaca, rurashcalla dioscunata adorajcunaca, tucui llullajcunapish paicuna japina cashcataca azufrehuan rupacuj nina cuchatami japingacuna. Chaica q'uipa huañuimi” nircami.

Apocalipsis 22:15

Ashtahuanpish allcucunaca, brujocunaca, huainayajcunaca, huañuchijcunaca, rurashcalla dioscunata adorajcunaca, llullaj canata c'uyashpa llullajcunaca, tucuicunami canllapi saquiringacuna.

Apocalipsis 9:21

Chaicunaca, huañuchij canata, brujiaj canata, huainayaj canata, shuhuaj canatapish mana saquircacunachu. Diosmanca manataj cutirircacunachu.