JEREMÍAS 27:5 - Dios Rimashca Shimicunami

⁵ Ñucami cai pachatapish, tucui runacunatapish, animalcunatapish, allpapi tucui imalla tiyajtapish tucuita rurai tucuj ñuca maquihuan rurarcani. Chaimantami llajtacunataca ñuca piman cusha nishpapish cunilla.

JEREMÍAS 27:5 Iomraidhean Croise

GÉNESIS 1:25

Taita Diosca sacha animalcunatapish paicuna ima shina cana shinallatataj, charina animalcunatapish paicuna ima shina cana shinallatataj, llucashpa purij animalcunatapish paicuna ima shina cana shinallatatajmi rurarca. Taita Diosca tucuitami alli cashcata ricurca.

GÉNESIS 9:6

Maijanpish shuj runapaj yahuarta jichajtaca, paitapish shujtaj runami yahuarta jichanga. Runataca Taita Dios paiman rijchajta rurashcamanta pi mana yahuarta jichanallachu.

1 REYES 8:42

cai huasipimi mañangacuna. (Paicunaca cambaj jatun shutita, cambaj maquica tucuita rurai tucuj cashcata, cambaj rigracunapish chutashca cashcata uyashcamantami chashna shamungacuna)

ESDRAS 1:2

“Persia llajtata jatun mandaj Ciroca cashnami nin nichij: Jahua pacha Mandaj Diosmi tucui cai pachata mandanacunataca ñucaman cun. Judapi caj Jerusalenpipish shuj huasita shayachichunmi mandan.

NEHEMÍAS 9:22

Mandanacunatapish, chai llajtapi causajcunatapish paicunapaj maquipimi churashcangui. Chai llajtataca chaupishpa chaupishpami paicunaman cushcangui. Chaimantami jatun mandaj Sehón mandacun Hesbón llajtatapish, jatun mandaj Og mandacun Basán llajtatapish paicuna japishcacuna.

SALMOS 102:25

Callaripica quiquinmi cai pachataca rurarcangui. Jahua pachapish quiquinpaj maquihuan rurashcamari.

SALMOS 96:5

Tucui shujtajcunapaj dioscunaca, maquihuan rurashca dioscunallamari. Ashtahuanpish Mandaj Diosca jahua pachata ruraj Diosmari.

ÉXODO 20:11

Mandaj Diosca jahua pachatapish, cai pachatapish, mama cuchatapish, tucui chaicunapi imalla tiyajcunatapish sujta punllacunapimi tucuita rurarca. Canchis punllapica samarircami. Chaimantami Mandaj Diosca chai punllataca paipajlla cachun ch'icanchirca.

ÉXODO 6:6

Chaimanta israelcunataca cashna ni: Ñucaca MANDAJ DIOSMI cani. Egiptocuna yallitaj sinchita trabajachicunmantaca ñucami llujshichisha. Huatashcata shina paicuna cancunata rurachicunmantaca paicuna ima shina cancunata llaquichishca shinallatajmi ñuca rigrata chutashpa paicunatapish llaquichishpa cancunataca cacharichisha.

ISAÍAS 42:5

Jahua pachata linsota chutaj shina ruraj Dios, cai pachapipish tucuipi granocunata jundachij Dios, tucui cai pachapi causajcunaman causaita cuj Dios, pai nishca shina purijcunaman espirituta cuj Mandaj Diosca cashnami nin:

ISAÍAS 44:24

Mamapaj huijsa ucumantapacha canta cuidaj canta Quishpichij Mandaj Diosca cashnami nin: “Ñucaca tucuita ruraj Mandaj Diosmi cani. Ñucallatajmi jahua pachatapish linsota chutaj shina churarcani. Cai pachatapish ñucallatajmi tucuita rurarcani. Ñucataca pi mana ayudarcachu.

ISAÍAS 45:12

Allpa pachatapish ñucami rurarcani. Runatapish chaipi causachun ñucami rurarcani. Ñucami ñuca maquicunahuan jahua pachatapish linsota chutaj shina churarcani. Chaipi imalla tiyajcunatapish ñucami paicuna maipi cana cashcapi churarcani.

ISAÍAS 48:13

Cai pachaca ñuca maquihuan rurashcami. Ñuca alli maqui shunguhuanmi, jahua pachatapish medircani. Tucuicunata tiyachun nishpa shutichijpica tiyarcallami.

ISAÍAS 51:13

Cantapish Ruraj, jahua pachatapish linsota shina chutashpa ruraj, cai pachatapish ruraj Mandaj Diostaca cungarishcanguimari. Cancunata llaquichishpa chingachina tucushpa p'iña shamujpica paicunata manchashcamanta tucui punlla mana samashpami llaquilla cainangui. Nina sindirij shina p'iñarishcahuan llaquichisha nijcunaca maitagari, manapish llaquichinca.

JEREMÍAS 27:4

Chaicunata ricuchishpaca, paicunata cachaj jatun mandajcunamanca cashna nichun cachangui: Tucuita Mandaj, israelcunapaj Diosca cashnami nishca:

JEREMÍAS 32:17

“¡Jatun Mandaj Dioslla, canmari jahua pachatapish, cai pachatapish tucuita rurai tucuj cambaj maquihuan rurarcangui! Cambajca imata ruranapish mana sinchichu.

JEREMÍAS 51:15

Paimari tucuita rurai tucuj cashpa, cai pachata rurarca. Jatun yachaj cashpami, tucui cai pachataca sinchita churarca. Alli yuyaiyuj cashpami, jahua pachatapish linsota shina churarca.

DANIEL 2:38

Maipi cashpapish causaj gentecunata, tucui animalcunata, huairata purij pajarocunatapish Taita Diosmi cambaj maquipi churashca. Tucui chaicunata mandanataca canmanmi cushca. Chai curi umaca canllatajmari cangui.

DANIEL 4:14

Paica cashna nishpami sinchita caparirca: Chai yurata urmachichij, ramacunatapish p'itichij. P'angacunatapish anchuchichij, granocunatapish tsirapashpa shitaichij. Chai yura ucupi caj animalcunapish, ramacunapi caj alasyuj animalcunapish maita richij.

DANIEL 4:17

Chaitaca jucha illaj cuidajcunami chashna tucuchun nishpa parlanacushpa chashna rurashca. Cai pachapi causajcunaca runacuna mandacun jahuapica jahua pacha Taita Dios mandacushcata yachachunmi chashna rurashca. Mandaj cachunca Taita Diosca pita pai churasha nishcata churaj cashcata yachachun, mandaj canapica tucuicunamanta yalli manataj jatun tucujta churaj cashcata yachachunmi chashna rurashca nircami.

DANIEL 4:22

Jatun mandajlla chai yuraca canllatajmi cangui. Canca jatunyashpami sinchi tucushcangui. Can yallitaj jatun tucushcaca umahuan jahua pachaman tupajta shinami tucushcangui. Chashnami cai pachapi tiyaj tucui llajtacunataca mandacungui.

DANIEL 4:25

Cantaca gentecunapuramanta anchuchishpa animalcunahuan churajpimi paicunahuan causangui. Huagracunata shinami q'uihuacunapi michinga. Jahua pacha garhuami armachinga. Runacuna mandacun jahuapica jahua pacha Taita Dios mandacushcata yachangacama, mandaj cachunca Taita Dios pita pai churasha nishcata churaj cashcata yachangacamami canchis huatacama chashna puringui.

DANIEL 5:18

Jatun mandajlla, jahua pacha Taita Diosmari cambaj yaya Nabucodonosormanca mandanatapish, jatun canatapish, alli nishca canatapish, tucuita mandaj canatapish curca.

Hechos 14:15

cashna nircacuna: –Riquichij, ¿ima nishpataj chashnaca ruracunguichij? Ñucanchijpish cancuna shinallataj runacunallami canchij. Ñucanchijca cancuna cashna llaqui causacushcata saquishpa causaj Taita Diospajman cutirichun, alli huillaita huillajcunami canchij. Paica jahua pachata, cai pachata, mama cuchata, tucui ima tiyajcunatapish ruraj Taita Diosmi.

Hechos 17:24

“Taita Diosca cai pachata, chaipi tucui imalla tiyajcunatapish rurajmi. Jahua pachatapish, cai pachatapish rurajmi. Mandaj Diosca maitataj gentecunapaj maquihuan rurashca huasicunapica causangari.

Hechos 17:26

Taita Diosca tucui cai pachapi mirarishpa causachunpish shuj runallatami churarca. Taita Diosllatajmi llajtacunapish maillata canata, maillapi causanatapish mandarca.

DEUTERONOMIO 2:19

Ña cancuna amonitacunapajman chayashpaca, paicunataca ama p'iñachinguichij, paicunahuanca ama p'iñanacuita mashcanguichij. Chai amonitacunapaj llajtataca Lotpaj huahua huahuacunapaj cachun paicunaman cushca cashcamanta cancunamanca manataj cushachu.

DEUTERONOMIO 2:21

Paicunaca yallitaj achcacunami carca. Anacpaj huahuacuna shinallataj jatun runacunami carca. Mandaj Diosca chaicunata amonitacunapaj ñaupajmanta tucuita chingachijpimi, amonitacunaca tucui paicunata chingachishpa, chai llajtapi causai callarircacuna.

DEUTERONOMIO 2:7

Mandaj Dios, cancunapaj Taita Diosca cancuna imata ruranapipish allimi nishcami. Shitashca jatun pambapi cancuna puricujtaca paica yachanmi. Cai tucui chuscu chunga huatatami Mandaj Dios cancunapaj Taita Diosca cancunahuan cashca. Paica cancunataca ima mana illajtami pushamushca.

DEUTERONOMIO 2:9

Chaipimi Mandaj Diosca ñucataca: Moabpi causajcunataca ama p'iñachinguichijchu, paicunahuanca ama macanacushun ninguichijchu. Ñucaca paicunapaj llajtataca cancunamanca mana cushachu. Ashtahuanpish Ar llajtataca Lotpaj huahuacunamanmi, paicunapajtaj cachun curcani nircami.

DEUTERONOMIO 32:8

Jahua pacha Diosca gentecunata mirga mirgata rurashpa llajtacunata rurashpaca, tucuicunamanmi quiquin llajtacunata curca. Ashtahuanpish israelcunamanca mashna cashcapaj pajtatami curca.

DEUTERONOMIO 4:17

Cai pachapi tiyaj ima animalman rijchajtapish, jahua huairata purij ima animalman rijchajtapish,

DEUTERONOMIO 4:25

Cancuna ña chai llajtapi cashpaca huahuacunayuj, nietocunayuj, yuyajcuna tucushpaca ñataj maquihuan rurashca dios nishcacunata, imamanpish rijchajcunata rurashpa millaita ruranguichijman. Millaita rurashpaca Mandaj Dios cancunapaj Taita Diospaj ñahuipica paita p'iñachishpa millaita rurashcami canga.

DEUTERONOMIO 4:32

Ñaupa cancuna manaraj tiyajpi Dios runata rurashpa cai pachapi churashca pachamanta cai pacha shuj ladomanta caishuj ladocama maipi chashna rurashcata, chashna tucushcata pi uyashcachu imamí chaita tapui.

DEUTERONOMIO 4:35

Mandaj Diosca Diostaj cashcata, pi shujtaj pai shinaca mana tiyashcata yachachunmi tucui chaicunataca canpi ricuchirca.

DEUTERONOMIO 5:16

Mandaj Dios cambaj Taita Dios mandashca shinallataj cambaj yayata cambaj mamata alli ningui. Chashna rurashpami Mandaj Dios cambaj Taita Dios canman cushca llajtapi unita causangui. Tucui imapipish ñaupajman ringui.

DEUTERONOMIO 9:29

Paicunaca cambajmari. Cambaj cashcamantami can tucuita rurai tucuj cashcahuan, cambaj rigrata chutashpa llujshichimurcangui nishpami mañarcani.

Colosenses 1:16

Diosca jahua pachapi, cai pachapi tucui imalla tiyajta, mana ricuipajcunata, ricuipajcunatapish paipaj Churihuanmi rurarca. Shinallataj jatun mandajcunata, uchilla mandajcunata, ñahuihuan mana ricuipaj mandajcunata, poderyujcunata, tucuicunatami paipaj Churipaj cachun paillahuantaj rurarca.

Hebreos 1:2

Chai tucuipaj q'uipa cunan punllacunapica, paipaj Churitami ñucanchijmanca Diosca huillachirca. Paitami tucui imalla tiyajcunatapish japij cachun churarca. Paillahuantajmi cai pachata, jahua pachata tucui imalla tiyajcunatapish rurarca.

Apocalipsis 4:11

“Jatun Dios, canca jatunmari cangui, allimari cangui, Tucuita rurai tucujmari cangui nishcataca chasquipaj allimari cangui. Canmari tucui ima tiyajtapish rurashcangui. Can munashpa rurashcamantami tucui imapish tiyan” nicurcacunami.