JEREMÍAS 27:4 - Dios Rimashca Shimicunami

⁴ Chaicunata ricuchishpaca, paicunata cachaj jatun mandajcunamanca cashna nichun cachangui: Tucuita Mandaj, israelcunapaj Diosca cashnami nishca:

JEREMÍAS 27:4 Iomraidhean Croise

ÉXODO 5:1

Chai q'uipami Moisespish, Aaronpish faraonpaj ñaupajman rishpaca: –Israelcunata Mandaj Diosca cashnami nin: Ñuca agllashca israelcuna shitashca pambaman rishpa ñucata yuyarishpa fiestata ruragrichun saqui ninmi– nircacuna.

JEREMÍAS 10:10

Ashtahuanpish Mandaj Diosca Diostajmari. Paica huiñaita Jatun Mandajmi, causaj Diosmari. Pai p'iñarijpica, allpapish chujchunmi, llajtacunapi causajcunapish mana causai tucunchu.

JEREMÍAS 10:16

Ashtahuanpish Jacobpaj Diosca manamari chashnachu. Paica tucui ima tiyajta rurajmari. Paimari israelcunataca, paipajlla cachun agllarca. Pai Diosca “Tucuita Mandaj” shutimari.

JEREMÍAS 25:27

Mandaj Diosca ñucataca cashnami mandarca: “Tucui paicunataca cashna ningui: Tucuita Mandaj, israelcunapaj Diosca cashnami nin: Caita ubyashpa machaichij, shungu tigrashpa pambaman urmaichij. Ñucaca cancunata huañuchichunca, espadahuanmi cachagrini. Cutinca ña mana jataringuichijchu ninmi” ningui.

JEREMÍAS 27:3

Chaimantaca Judá llajtata jatun mandaj Sedequiashuan parlachun Edom, Moab, Amón shuti llajtacunata jatun mandajcuna, Tiro, Sidón shuti pueblocunata jatun mandajcuna Jerusalenman cachashca mandajcunaman ricuchingui.

JEREMÍAS 27:5

Ñucami cai pachatapish, tucui runacunatapish, animalcunatapish, allpapi tucui imalla tiyajtapish tucuita rurai tucuj ñuca maquihuan rurarcani. Chaimantami llajtacunataca ñuca piman cusha nishpapish cunilla.

JEREMÍAS 28:14

Tucuita Mandaj israelcunapaj Diosca cashnapishmi nin: Babilonia llajtata jatun mandaj Nabucodonosorta servishpa causachunca, tucui llajtacunapaj cunga tullupimi fierro yugota churani. Tucuicunami paita servishpa causangacuna. Sacha animalcunatapishmi, pai munashcata rurachun paipaj maquipi churani ninmi nigri” nircami.

JEREMÍAS 51:19

Jacobopaj Diosca manamari chaicuna shinachu, paica tucuita Rurajmari. Paica tucuita Mandaj Dios shutimari. Israelcunaca pai mandana vara cachun agllashcacunamari.