JEREMÍAS 27:16 - Dios Rimashca Shimicunami

¹⁶ Shinallataj curacunatapish, tucui chaipi cajcunatapish cashnami nircani: “Mandaj Diosca cashnami nin: Mandaj Diospaj huasimanta apashca charinacunataca, ñallami chai Babilonia llajtamantaca tigrachingacuna nishpa cancunaman huillacuj huillajcunataca ama uyaichijchu. Paicunaca llullanllamari.

JEREMÍAS 27:16 Iomraidhean Croise

2 REYES 24:13

Chai q'uipaca Mandaj Diospaj huasimantapish, mandashpa tiyana huasimantapish tucui imalla tiyashca achca valijcunatami llujshichirca. Israelcunata jatun mandaj Salomón Mandaj Diospaj huasipaj curimanta tucui imalla rurachishcacunatapish tucuitami p'aquirca. Mandaj Dios nishca shinallatajmi pajtarca.

ISAÍAS 9:15

Uma nishpaca, ñahui ricuica allitajlla cunaj yuyajcuna nisha ninmi. Chupa nishpaca, llullashpa huillaj profetacuna nisha ninmi.

JEREMÍAS 27:10

Paicunaca cancunapaj llajtamanta cancunata llujshichishpa cachangapajllamari, llullashpalla imatapish huillancuna. Ñuca llujshichishpa cachajpi, cancuna chingarichunllamari chashna nincuna.

JEREMÍAS 27:14

Chai Babilonia llajtata jatun mandajta servijcunaca mana tucunguichijchu nishpa huillajcunataca ama uyaichijchu. Paicunaca llullacunllamari.

JEREMÍAS 28:3

Chai Babilonia llajtata jatun mandaj Nabucodonosor cai ñuca huasimanta llujshichishpa, paipaj llajtaman apashca charinacunataca cunanmanta ishqui huatallapimi caiman tigrachimugrini.

DANIEL 1:2

Jatun Diosmi Judá llajtata jatun mandaj Joacimtapish, Diospaj huasipi Diospajta ruranapaj caj imalla charinacunatapish, Nabucodonosorpaj maquipi churarca. Chaicunataca Nabucodonosorca, Sinar llajtaman apamushpami, achca valijcunata huaquichina paipaj diospaj huasipi churarca.