JEREMÍAS 27:12 - Dios Rimashca Shimicunami

¹² Judá llajtata jatun mandaj Sedequiastapish, paicunata nishca shinallataj cashnami nircani: “Babilonia llajtata jatun mandaj paipaj yugota churachun cancunapaj cungata ricuchishpa paitapish, paipaj llajta runacunatapish servijcuna tucuichijlla. Chashna rurashpaca, causanguichijllami.

JEREMÍAS 27:12 Iomraidhean Croise

PROVERBIOS 1:33

Ashtahuanpish ñuca yachachishcata cazushpaca, imata mana manchashpami causanga. Ima llaqui japinata mana manchashpa, sumajtami causancuna” ninmi.

JEREMÍAS 17:4

Ñuca cushca cai llajtatapish shitashpami, cancuna mana rijsishca llajtaman ringuichij. Chaipimi cancunata p'iñajcunata servichishpa huatashcata shina charisha. Cancuna ñucata p'iñachishcamantaca, lunyacuj nina shinami huiñaita p'iñarircani ninmi.

JEREMÍAS 21:9

Cai pueblopi saquirijcunaca espadapi cashpa, yaricaihuan cashpa, ungüihuan cashpapish huañungacunatajmi. Ashtahuanpish caimanta llujshishpa, cancunata muyujta chapacuj caldeo soldadocunapajman rishpaca causangacunami. Quiquin chaquihuan llujshishpa, paicunapaj maquipi yaicugrijcunaca huañunallamantapish quishpiringuichijmi.

JEREMÍAS 27:8

Maijan runacuna, mana cashpaca maijan llajta, chai Babilonia llajtata jatun mandaj Nabucodonosorpaj yugota mana aparisha nijpica, chai llajtataca jatuntami llaquichisha. Espadahuan, yaricaihuan, ungüihuanmi llaquichisha. Chashna rurashpami paipaj maquillapitaj tucuchisha. Mandaj Diostajmi chashna nini.

JEREMÍAS 28:1

Jatun mandaj Sedequías, Judá llajtata mandai callarishcaca, chuscu huatallami carca. Chai huatapaj pichca quillapimi, Azurpaj churi Hananías shuti huillajca ñucataca rimarca. Paica Gabaón pueblomantami carca. Paimi ñucataca Mandaj Diospaj huasipi, curacunapaj ñaupajpi tucui chaipi cajcunapaj ñaupajpi cashna nirca:

JEREMÍAS 28:2

–Tucuita Mandaj, israelcunapaj Diosca cashnami nin: Babilonia llajtata jatun mandaj churashca yugotaca p'aquigrinimi.

JEREMÍAS 38:17

Shina nijpimi Jeremiasca, Sedequiastaca cashna nirca: –Tucuita Mandaj Diostaj, israelcunapaj Diostajmi cashna nin: Babilonia llajtata jatun mandaj cachashca mandajcunapajman rishpa, cunantaj paicunapaj maquipi yaicushpaca mana huañunguichu. Canpish, cambaj familiapish mana huañunguichijchu. Cai pueblopish mana rupachishca cangachu.

JEREMÍAS 42:11

Mandaj Diosca cashnapishmi nin: Babilonia llajtata jatun mandajpaj ñaupajpi ricurinataca, ama manchaichijchu. Paitami cancunaca yallitaj manchanguichij. Paipaj maquimanta quishpichingapaj, cacharichingapajca ñucamari cancunahuan casha, ama manchaichijchu.