JEREMÍAS 26:9 - Dios Rimashca Shimicunami

⁹ ¿Imamantataj canca: Cai huasica Silo shinami saquiringa, cai pueblopish tucui urmachishcami canga. Shujllapish causangapaj mana saquiringachu nishpa, Mandaj Diospaj shutipi huillanguiyari?” nircacunami. Mandaj Diospaj huasipica, tucuicuna chashna nishpami, Jeremiasta huañuchishun nicurcacuna.

JEREMÍAS 26:9 Iomraidhean Croise

2 CRÓNICAS 25:16

Profeta chashna nijpica, jatun mandajca: –¿Cantaca jatun mandajta cunaj cachunchu churarcacuna imatagari? Canca imata mana ninachu cangui. ¿Ima nishpataj canllataj huañuita mashcangui?– nircami. Chashna nijpica, profetaca caillatami nirca: –Ñuca cunashcata mana cazushpa, cashna millaita rurashcamantaca Diosca cantaca chingachishatajmi nircami. Chaitaca yachanimi– nircami.

ISAÍAS 29:21

Rimana yuyaita cushpa juchallichijcunapish chingachishcami canga. Pungu llujshinpi tiyaj juezcunata llaquichinata yuyarinacujcunapish chingachishcami canga. Cashcata ruraj cashcallamanta juchachishpa llaquichijcunapish chingachishcami canga.

JEREMÍAS 32:3

Paitaca Judá llajtata jatun mandaj Sedequiasmi, cashna nishpa prezushca carca: “¿Ima nishpataj canca cashna nishpa huillanguiyari?: Mandaj Diosca cashnami nin: Ñucatajmi cai pueblotaca Babilonia llajtata jatun mandajpaj maquipi churani. Paica macanacushpa mishangami.

JEREMÍAS 33:10

Mandaj Diosca cashnapishmi nin: “Cancunaca cai Jerusalén pueblotapish, Judá llajtapi caj caishuj pueblocunatapish: Shuj runallapish, animalcunallapish illaj, shitashcami saquirin ninguichijmi. Tucui pueblo callecunaca cancuna nishca shina runacunapish, animalcunapish illaj shitashcamari saquirin.

JEREMÍAS 36:29

Ña tucui quillcashpaca, Judá llajtata jatun mandaj Joacimtaca cashna nigringui: Mandaj Diosca cashnami nin: Punta quillcashca cara pillushcataca canmi rupachircangui. Imamantataj cai pillushca carapica, Babilonia llajtata jatun mandajca shamungatajmi. Paimi cai llajtapi ima tiyashcataca tucui chingachinga. Runacunatapish, animalcunatapish mana saquishpami chingachinga nishpa quillcarcanguiyari nishpami rupachircangui ninmi.

JEREMÍAS 9:11

Jerusalén pueblotaca rumi montonllatami saquisha. Judá llajtapi caj tucui caishuj pueblocunatapish chacal nishca animalcuna causanallatami rurasha. Shuj runallapish mana chaipi causangapaj saquiringachu.

LAMENTACIONES 4:13

Jerusalenpica paicunapaj huillajcuna, curacunamari yallitaj juchata rurarcacuna. Paicunamari cashcata rurajcunataca, cai pueblo chaupipi huañuchishpa yahuarta jicharcacuna. Chaimantamari chashna llaqui tucurcacuna.

AMÓS 5:10

Paicunaca puebloman yaicuna pungupi cunashpa rimajcunataca p'iñarcacunami. Cashcata rimajcunatapish mana ricunachircacunachu.

MIQUEAS 2:6

Huillajcunatapish: “Ama imata huillaichijchu. Ama chashna huillaichijchu, ima pingai tucunaca mana tiyangachu” nincunami.

Mateo 21:23

Diospaj huasiman chayashpa Jesús chaipi yachachicujpimi, curacunata mandajcunapish, israelcunapaj cunaj yuyajcunapish, c'uchuyashpaca: –¿Pi mandajpitaj chashna rurangui? ¿Pitaj chashna rurachun cantaca mandarca?– nishpami tapurcacuna.

Mateo 27:20

Curacunata mandajcunapish, cunaj yuyajcunapish, Barrabasta cacharichun, Jesustaca huañuchichun mañaichij nishpami, chaipi cajcunataca yachachicurcacuna.

Marcos 15:11

Ashtahuanpish curacunata mandajcunaca, Barrabasta cacharichun nichij nishpami, gentecunataca caparichun yachachircacuna.

Juan 8:20

Jesusca, Taita Diospaj huasipi yachachicushpami, ofrendata cushpa churana c'uchupi cashpa chashnaca nirca. Chaipica paita japina horas manaraj pajtajpimi, mana pi japircacuna.

Juan 8:59

Chashna nijpica Jesusta shitangapajmi rumicunata japircacuna. Ashtahuanpish Jesusca pacatucushpami, Taita Diospaj huasimanta paicunapaj chaupillatataj llujshishpa rirca.

Hechos 13:50

Ashtahuanpish judiocunaca Taita Dios yuyailla causangapaj judio tucushca alli nishca huarmicunata, chai pueblota mandajcunatapish, chai runacunata llaquichingapaj jatarishunchij nishpa yachachircacuna. Chashna yachachishpaca Pablotapish, Bernabetapish achcata llaquichishpami chai llajtamanta llujshichishpa cacharcacuna.

Hechos 21:30

Tucui chai pueblopi cajcuna jatarishpa tandanacumushpami, Pablota japishpa Taita Diospaj huasimanta canllaman sirijta aisashpa llujshichircacuna. Chaita rurashcahuanmi, pungucunata huichcarcacuna.

Hechos 22:22

Chai tucuita Pablo parlangacamaca allimi uyarcacuna. Mana judiocunapajman cachashcami cani nijta uyashpaca: –¡Cai runaca cai pachamantaca anchunami can, pai cai pachapi causanaca mana allichu!– nishpami sinchita caparircacuna.

Hechos 3:11

Pedroca, Juandij Salomonpaj corredorpi shayacujpimi, suchu cashcata alliyachishca runaca paicunapi charirishca shayacurca. Chaita ricushpaca tucuicuna achcata mancharinacushpami paicuna shayacunman tandanacurcacuna.

Hechos 5:12

Apostolcunataca pi mana ruraipajcunatapish mancharinacunatapish tucuicunapaj ñaupajpimi Taita Diosca achcata rurachirca. Crijcunaca Salomonpaj nishca corredorpimi, tucuicuna shuj yuyailla tandanacuj carca.

Hechos 5:28

cashna nirca: –Ñucanchijca cancunataca chai runamantaca amataj yachachinguichij nishpami mandarcanchij. Ashtahuanpish chashna nishca jahuami cunanca, tucui Jerusalenpi cancunapaj yachachinata yachachishcanguichij. Chai runatapish cancunami huañuchircanguichij nishpami ñucanchijta juchachicunguichij– nircami.

Hechos 6:14

Nazaretmanta Jesusmi cai Taita Diospaj huasitapish chingachinga. Moisés ñucanchijta yachachishcatapish chingachishpa shujtajyachingami nijtami uyarcanchij– nircacunami.

JOSUÉ 18:1

Israelcunaca tucuicunata mishashpa llajtata japishca q'uipaca, Silo pueblopi tucuicuna tandanacushpami, Mandaj Dioshuan tupangapaj tandanacuna carpa huasita shayachircacuna.