JEREMÍAS 26:8 - Dios Rimashca Shimicunami

⁸ Mandaj Dios tucui chaipi cajcunaman imallata huillachun cachashcataca, Jeremías huillajpica, curacunapish, huillajcunapish, tucui chaipi cajcunapishmi paita japircacuna. Chaimantaca tucuicuna huaicashpami, cashna nircacuna: “Huañunami cangui.

JEREMÍAS 26:8 Iomraidhean Croise

2 CRÓNICAS 36:16

Chashna huillajpipish paicunaca, Dios cachashca huillajcunataca asircacunami. Paipaj shimicunata p'iñashpami, pai ima nishcata huillajcunataca chanzata rurashpa asircacuna. Mandaj Diosca, pai agllashcacuna chashna rurashpa yallitaj p'iñachijpimi, mana jarcai tucuipajta p'iñarishpa llaquichirca.

JEREMÍAS 1:19

Quiquinhuan macanacungapaj shayarishpapish, quiquintaca manataj mishangacunachu. Ñucami quiquinhuan casha, ñucami quiquintaca imamantapish quishpichisha” nircami Mandaj Diosca.

JEREMÍAS 18:18

Jeremías huillashcata uyashpaca, cashnami ninacurcacuna: “Shamuichij, Jeremiasta huañuchinata yuyarinacushunchij. Mandashcacunata ñucanchijman yachachichunpish curacunaca mana illanchu. Alli yuyaita cungapajpish, yachajcuna mana illanchu. Dios ima nishcata huillajcunapish mana illangachu. Juchachishpa huañuipi churashunchij. Pai huillashcataca imata mana uyashunchijchu” nircacunami.

JEREMÍAS 18:23

Mandaj Dioslla, ñucata huañuchingapaj paicuna ima shinalla yuyarinacushcataca yachanguimi. Cambaj ñaupajpi chashna millaita ruracushcataca, amataj perdonanguichu. Paicunapaj juchataca amataj p'ichanguichu. Paicunataca, can p'iñarishpa cambaj ñaupajpi urmachilla.

JEREMÍAS 2:30

Ñucaca yangamari cancunapaj huahuacunataca macashpa llaquichishcani. Manamari alli tucunguichijchu. Cancunapaj espadacunahuanmari ñuca ima nishcata cancunaman huillajcunataca, jatun p'iña león shina tucuchircanguichij.

JEREMÍAS 32:3

Paitaca Judá llajtata jatun mandaj Sedequiasmi, cashna nishpa prezushca carca: “¿Ima nishpataj canca cashna nishpa huillanguiyari?: Mandaj Diosca cashnami nin: Ñucatajmi cai pueblotaca Babilonia llajtata jatun mandajpaj maquipi churani. Paica macanacushpa mishangami.

JEREMÍAS 43:1

Paicunata Mandaj Diosmi, Jeremiastaca tucui chai shimicunataca paicunaman huillachun mingarca. Chaimantami Jeremiasca chai shimicunataca tucui paicunaman callarishpa huillarca. Chaita tucui huillajpica,

AMÓS 7:10

Bet-el pueblopi causaj Amasías curaca, israelcunata jatun mandaj Jeroboammanca, cashna nishpami huillanaman cacharca: “Jatun mandajlla, Amosca cai llajtapi causajcunamanca canta p'iñashpami huillashpa puricun. Pai huillashcataca cai llajtapi causajcunaca, ña mana uyai tucuncunachu.

Mateo 22:6

Maijancunaca cachashca servijcunata japishpa, macashpami huañuchircacuna.

Mateo 27:20

Curacunata mandajcunapish, cunaj yuyajcunapish, Barrabasta cacharichun, Jesustaca huañuchichun mañaichij nishpami, chaipi cajcunataca yachachicurcacuna.

Hechos 5:33

Shina nijta chai mandajcuna uyashpaca, yallitaj p'iñarishpami huañuchinata yuyarcacuna.

Hechos 7:52

Cancunapaj ñaupa yayacunaca profetacunataca tucuicunatami llaquichircacuna. Cashcata ruraj shamungami nishpa huillashcamantami paicunataca huañuchircacuna. Pai ña shamujpica cancunapish paitaca millai runacunaman cushpami huañuchichircanguichij.

Apocalipsis 18:24

Shinallataj profetacunata, Diospajlla cajcunata, tucui allpa pachapi causajcunata huañuchishcacunapaj yahuarpish chai pueblopimi carca” nircami.