JEREMÍAS 26:3 - Dios Rimashca Shimicunami

³ Can huillashcata cazushpa, tucuicuna paicunapaj millai causaita saquingacunapishchari. Paicuna allichirijpica, millaita rurashcamanta ima shinalla llaquichisha nicushcataca jarcarishami.

JEREMÍAS 26:3 Iomraidhean Croise

1 REYES 21:27

Chashna nishcacunata Acab uyashpaca, pai churarishca churanataca lliquishpa cañamazuta churarishpa, ayunashpami, cañamazullapitaj dormishpa llaquilla purirca.

1 REYES 21:29

“¿Ñuca ñaupajpi Acab llaquirishpa cutirishca cajtaca ricunguichu? Chashna ñuca ñaupajpi cutirishcamanta pai causacujpirajca mana llaquichishachu. Paipaj churi mandacui punllapimi paipaj huasi familiataca llaquichisha” nircami.

JEREMÍAS 26:13

Chashna cashcamantaca, cancunata Mandaj Dios rimashcata cazuichij. Millai causaita, millaita ruracushcata saquishpa, ña allichirichij. Chashna rurajpica, pai Mandaj Diosca cancunata ima shinalla llaquichisha nicushcata jarcarishpa, mana llaquichingachu.

JEREMÍAS 26:19

Chashna huillajpipish, Miqueastaca jatun mandaj Ezequiaspish, cai tucui Judá llajtapi causajcunapish mana huañuchishcacunachu. Ashtahuanpish pai jatun mandajca, Mandaj Diosta manchashpami, Mandaj Diospaj ñaupajpi mañashca. Chashna mañajpica, Mandaj Diosca paicunata llaquichishami nicushca cashpapish, jarcarishpa mana llaquichircachu. Chashna cashcamantaca ñucanchijca ¿imamantataj cai runataca yanga huañuchishpa, ñucanchijllataj jatun llaquipi yaicushunri?” nircacunami.

JEREMÍAS 36:3

Cai Judá runacunaca, ñuca ima shinalla llaquichisha nishcata uyashpallapish, llaquirishpa paicunapaj millai causaita saquishpa ñucaman cutiringacunapishchari. Cutirijpica, ñucapish paicuna imalla mana allita rurashca juchacunataca, tucuimi perdonasha” nircami.

JEREMÍAS 36:7

Mandaj Dios jatunta p'iñarishpa paicunata chashna mancharinata llaquichisha nicujta uyashpaca, Mandaj Dios uyana shinata tucui shunguhuan mañangacunapishchari. Paicunapaj millai causaitapish saquishpa cutiringacunapishchari” nircami.

EZEQUIEL 12:3

Chashna cashcamanta huañujlla aichayuj runalla, canca imalla apanacunata allichishpa, paicuna ricucujpi punllapacha llujshishpa ringui. Can maipi causacushcamantaca, shujtajpi causagringui. Chaita ricushpaca, chai mana cazujcunaca entendingapishchari.

EZEQUIEL 18:21

Ashtahuanpish ñucata mana manchaj runa cashca cashpapish, cai tucui millaita ruracushcamanta saquirishpa, ñuca quillcachishcacunata cazushpa, ñuca nishca shina allita rurashpa, cashcata rurashpaca causangatajmi, mana huañungachu.

OSEAS 11:9

Nina sindirij shina p'iñarishpa ñuca llaquichinahuanca mana llaquichishachu. Efrainta llaquichinamanca mana tigramushachu. Ñucaca Taita Diosmi cani, mana runachu cani. Cancunapaj chaupipi caj jucha illajmi cani. Cancunata chingachingapajca mana yaicushachu.

JOEL 2:14

Cancunata llaquishcamanta mana llaquichishpa, ashtahuanpish achca allicunata cuna cashcatapish ¿pitaj yachanguichigari? Taita Dios allicunata cushcamanta, paillamantaj imalla cuna cashcatapish, tallina vinotapish cunami canguichij.

JONÁS 4:2

Chashna p'iñarishpami, Mandaj Diostaca cashna mañarca: –Mandaj Dioslla, canca jatunta c'uyaj, llaquij, mana utca p'iñarij, alli shungu Diosmi cangui. Llaquichisha nishpa huillachishpapish, jarcarishpa saquinguillami. Ñuca llajtapi cashparajmi, canca chashna ña yacharcani. Chaimantami can mandajpica, miticushpa Tarsis puebloman ricurcani.