JEREMÍAS 26:21 - Dios Rimashca Shimicunami

²¹ Jatun mandaj Joacimpish, pai churashca mandajcunapish, tucui caishuj mandajcunapish, pai huillashcata uyashpaca huañuchisha nircami. Uriasca, jatun mandaj paita huañuchisha nicushcata uyashpa manchashpami, Egipto llajtaman miticushpa rirca.

JEREMÍAS 26:21 Iomraidhean Croise

1 REYES 18:10

Mandaj cambaj Taita Diosca causajmi. Tucui shujtaj llajtacunamanpish, tucui mandajcunapajmanpishmi ñuca amo Acabca canta mashcachun cacharca. Chai llajtacunata mashcashpa tigrajcunataca manatajchu ricurin nishpa allitaj tapujpimi manataj ricurinchu nishpa huillarcacuna.

2 CRÓNICAS 16:10

Chashna nijpica yallitaj p'iñarishpami, Asaca Dios ricuchishcata huillajtaca carcelpi churarca. Asaca chai huatacunaca, Judapi causajcunataca taucacunatami llaquichirca.

2 CRÓNICAS 24:21

Chashna huillajpica, ashtahuanpish paicunaca tucuicunami paita llaquichinata yuyarinacurcacuna. Chashna yuyarinacushpaca, jatun mandaj huañuchichun nijpimi, Mandaj Diospaj huasi canllapi Zacariastaca rumicunahuan shitarcacuna.

SALMOS 119:109

Ñuca causaica cunanpish, cayapish huañunallapimari cani. Shina cashpapish, quiquin mandashcataca manataj cungarircanichu.

PROVERBIOS 29:25

Runata manchanaca tsagnarishpa urmana linchimi. Ashtahuanpish Mandaj Diosca, paipi shunguta churajtaca huaquichingami.

JEREMÍAS 26:10

Judá llajtata mandajcuna chaita uyashpaca, jatun mandaj mandashpa tiyana huasimantami, Mandaj Diospaj huasiman huichiyarcacuna. Chaiman huichiyashpaca, chai huasiman yaicuna mushuj pungupimi tiyarircacuna.

JEREMÍAS 36:26

Shinallataj quillcaj Baructapish, Dios ima nishcata huillaj Jeremiastapish japichunmi, jatun mandajca Hamelecpaj churi Jerameelhuan, Azrielpaj churi Seraiashuan, Abdeelpaj churi Selemiashuan cacharca. Jeremiastapish, Baructapish Mandaj Dios pacashcamantami mana japircacuna.

JEREMÍAS 38:4

Chashna huillajta uyashpami, mandajcunaca jatun mandajtaca cashna nircacuna: –Cai runaca cai pueblopi causajcunapaj alli causai tiyachunca mana munanchu, ashtahuanpish llaqui tucushca cachun yuyashpami, cai shimicunata huillan. Chashna huillajpimari saquirishca soldadocunapish, tucui cai pueblopi causajcunapish mana macanacushpa saquina yuyaita japincuna. Chaimanta cai runaca huañunami can– nircacunami.

Mateo 10:23

Shuj pueblopi cancunata llaquichina yuyailla llaquichijpica, shujtaj pueblopi miticugringuichij. Israelpi tiyaj tucui pueblocunapica, Runa Aichayuj tigramungacama manaraj tucui huillanguichijchu. Chashnatajmi canga.

Mateo 10:28

Cuerpota huañuchijcunataca, ama manchaichijchu. Paicunaca, almataca mana huañuchi tucunchu. Chaipaj randica almandij, cuerpondij ucu pachapi chingachi tucuj Taita Diosta manchaichij.

Mateo 10:39

Pipish paipaj causaita c'uyajca, chingaringami. Pipish ñucamanta paipaj causaita chingachijca huiñai causaitami japinga.

Mateo 14:5

Chaimi Herodesca Juantaca huañuchisha yuyacurca. Ashtahuanpish Juantaca israelcunaca profetami nijcuna cashcamantami, paicunata manchashcamanta mana huañuchi tucurca.

Marcos 6:19

Herodías huarmica, ima shinapish huañuchinata yuyacushpapish, mana huañuchi tucurca.