JEREMÍAS 26:2 - Dios Rimashca Shimicunami

² “Mandaj Diostajmi cashna mandani: Ñuca huasimanca tucui Judá llajtapi tiyaj pueblocunamantami adorangapaj shamuncuna. Tucui shamujcunaman ñuca imallata huillachun nishcata, ñuca huasi ñaupajpi shayarishpa huillagri. Imata mana saquishpa tucuitataj huillangui.

JEREMÍAS 26:2 Iomraidhean Croise

JEREMÍAS 1:17

Quiquinca alli chumbillirishpa shayarishpa, paicunataca ñuca imallata rimachun nishca shina rimanguilla. Paicunapaj ñaupajpi shayarinataca ama manchanguichu. Ñataj paicuna manchachichun, paicunapaj ñaupajpi quiquinllata saquiman.

JEREMÍAS 1:7

Shina nijpipish, Mandaj Diosca cashnami nirca: “Imata rurachun ñuca cachajpipish, canca ruragringuillami. Ñuca imata huillagrichun nijpipish huillanguillami.

JEREMÍAS 19:14

Mandaj Dios chai Tofet pambapi imallata huillachun mandashcata huillashpaca, Jeremiasca Mandaj Diospaj huasimanmi tigrarca. Chai huasi canllapi shayarishpami, tucui chaipi cajcunata cashna nirca:

JEREMÍAS 23:28

Maijan huillaj muscushpaca muscunillami nishpa parlachun. Ñuca shimicunatataj chasquishpa huillajpish, ñuca shimi cashcallata huillachun. Ujshaca trigohuanca, mana chai shinallatajchu” ninmi Mandaj Diosca.

JEREMÍAS 25:2

Chai shimicunataca, Dios ima nishcata huillaj Jeremiasca tucui Judá runacunamanpish, Jerusalenpi causajcunamanpish cashna nishpami huillarca:

JEREMÍAS 28:5

Huillaj Hananías chashna nijpica, Dios ima nishcata huillaj Jeremiasca curacunapaj ñaupajpi, tucui chaipi tandanacushcacunapaj ñaupajpimi Mandaj Diospaj huasipica rimarca.

JEREMÍAS 36:10

Chai tandanacuipimi Barucca, Mandaj Diospaj huasi chaupi ucuman yaicushpa, mushuj pungu ñaupajpi shayarirca. Chaipi shayarishpami Jeremías quillcachishcataca pillushca carata pascashpa, tucui chaipi cajcunaman rezashpa uyachirca. Chai ucupica Safanpaj churi Gemarías shuti quillcajmi tiyaj carca.

JEREMÍAS 42:4

Shina nijpimi Dios ima nishcata huillaj Jeremiasca: –Cancuna nishcata ruragrinimi. Cancunata Mandaj Diostaca cancuna nishca shinallataj mañagrinimi. Pai Mandaj Dios cancunaman imata huillachun nijpipish, imata mana pacashpa chaitatajmi cancunamanca huillasha– nircami.

JEREMÍAS 7:2

“Ñuca Mandaj Diospaj huasi pungupi shayarishpa, cashna nishpa cai shimicunata huillagri: Judá llajtapi causajcuna, cancunaca tucuicunami cai punguta yaicushpa, Mandaj Diostaca adoranguichij. Cunanca pai Mandaj Dios ima nishcata uyaichigari.

JEREMÍAS 7:27

Cunan can cai shimicunata nijpipish, mana uyangacunachu. Cayajpipish, mana cutichingacunachu.

EZEQUIEL 3:10

Chashna nishca q'uipami, cashna nirca: “Huañujlla aichayuj runa, ñuca imalla nishca shimicunataca, cambaj shungupi huaquichingui. Cambaj rinrinhuantaj alli uyangui.

EZEQUIEL 33:7

Huañujlla aichayuj runalla, cantaca israelcunata ricuj cachunmi churarcani. Cunanca ñuca imalla nishcata alli uyangui, paicunamanca ñuca imalla nishcata huillashpa cunangui.

EZEQUIEL 40:4

Chaimantaca chai runaca ñucataca cashnami nirca: “Huañujlla aichayuj runalla, cambaj ñahuicunahuantaj ricui, cambaj rinrincunahuantaj uyai, ñuca imata ricuchishcatapish cambaj shungupi huaquichi. Cantaca ñucami caiman pushamurcani. Can imalla ricushcataca, tucuita israelcunaman huillai” nircami.

Mateo 28:20

Cancunata ñuca tucui imalla mandashcacunata paicunapish rurachun yachachinguichij. Cai pacha tucuringacamami, tucui punllacuna ñucaca cancunahuan casha” nircami. Chashna cachun.

Lucas 19:47

Jesusca punllantami, Taita Diospaj huasipi yachachicurca. Ashtahuanpish curacunata pushajcuna, mandashcacunata quillcajcuna, llajtata pushajcunaca, ima shinapish huañuchinatami yuyarinacurcacuna.

Juan 18:20

Chaimi Jesusca: –Ñucaca cai pachapi causajcunamanca tucuicunapaj ñaupajpimi yachachircani. Sinagogapi, Taita Diospaj huasipi, maipi tucui judiocuna tandanacunpimi punllanta yachachircani. Pacallaca imata mana yachachircanichu.

Juan 8:2

Cayandij tutamantaca Jesusca Taita Diospaj huasimanmi tigramurca. Chaipica tucuicuna paipajman shamujpimi tiyarishpa paicunata yachachirca.

Hechos 20:20

Chashna cashpapish ñucaca cancunaman huillanatapish, yachachinatapish manataj saquircanichu. Cancunapaj allipajllatajmi tucuicunapaj ñaupajpipish, cancunapaj huasin huasintapish huillashpa purircani.

Hechos 20:27

Taita Dios imallata munashcataca, mana pacashpami tucuita huillarcani.

Hechos 5:25

Ashtahuanpish paicuna chashna ninacucujpirajmi shuj runa ñapish chayamushpaca: “Cancuna carcelpi churashca runacunaca, Taita Diospaj huasipimari tucuicunaman yachachicuncuna” nirca.

Hechos 5:42

Chashna cashpami paicunaca Taita Diospaj huasipipish, huasin huasintapish Jesucristomi Quishpichij nishpa punllanta yachachinata huillanataca mana saquircacuna.

DEUTERONOMIO 12:32

Ñuca tucui mandashcacunata, chaitataj pajtachina yuyailla pajtachinguichij. Chai mandashcacunataca imata ama mirachinguichijchu, imata ama anchuchinguichijchu.

DEUTERONOMIO 12:5

Mandaj Dios cancunapaj Taita Diosmi cancunapaj aillupurapi maipi cashpapish, paipaj shutita churanataca agllashpa chaipi causanga. Maipimi pai agllan chaimanmi paita adoranapajca rina canguichij.

DEUTERONOMIO 4:2

Ñuca mandashca shimicunataca ama mirachinguichijchu, ama anchuchinguichijchu. Chaicunataca Mandaj Dios cancunapaj Taita Dios cancunaman mandachun ñucaman cushca cashcamanta chaitataj pajtachichunmi mandani.

JOSUÉ 8:35

Josueca Moisés cushca mandashcataca, shuj shimillatapish mana saquishpami, tucuita rezarca. Huarmicunamanpish, uchilla huahuacunamanpish, israelcunapurapi causacuj mana israelcunamanpish tucuicunamanmi rezashpa uyachirca.

Apocalipsis 22:19

Chashnallataj imalla tucuna cashcata huillashcata cai libropi quillcachishcata maijanpish anchuchijtaca causanaman rinata ricuchij libromantapish, Diospajlla caj pueblomantapish, cai libropi imallata charina cashcata quillcachishcatapishmi paipajtaca Diosca anchuchinga.