JEREMÍAS 26:18 - Dios Rimashca Shimicunami

¹⁸ “Ezequías shuti jatun mandaj cai Judá llajtata mandacui huatacunapica, Moreset pueblomanta Miqueas shuti huillajmi, tucui cai llajtapi causajcunaman cashna nishpa huillashca: Tucuita Mandaj Diosca cashnami nin: Cai Sión urcuca, tarpuna allpacuna shina yapushcami canga. Cai Jerusalén pueblopish, rumi montonllami saquiringa. Ñuca huasi shayacun lomapipish, sachallami jundanga ninmi nishpami huillashca.

JEREMÍAS 26:18 Iomraidhean Croise

2 REYES 19:25

Chashna tucunata ñaupa huatacunaman ñuca rurashcataca ¿manachu uyarcangui? Chashna tucunataca ñaupa huatacunamanmi ñuca yuyaipi charircani. Chashna canata cunan ñuca callarichijpimi, canca muyundijta jatun pircayuj pueblocunata urmachishpa rumi montoncunallata saquircangui.

2 CRÓNICAS 32:26

Ezequiasca, jatun tucushca cashpapish, Mandaj Diospaj ñaupajpi cumurircami. Jerusalenpi causajcunapish pai shinallatajmi, Diospaj ñaupajpica llaquirircacuna. Chaimantami Mandaj Diosca p'iñarishca cashpapish, Ezequías causacujpica mana llaquichirca.

NEHEMÍAS 4:2

paipuracunapaj, Samaria soldadocunapaj ñaupajpi cashna nirca: “Cai mana valij judiocunaca ¿imatashi ruracuncuna? Sacrificiocunata Diosman cuchun saquingami yuyancunachu. Chai jatun pircataca ¿shuj punllallapi tucuchinatachu yuyancuna? ¿Rumicuna rupashpa allpa montonlla saquirishcataca cutin causachinatachu yuyancuna?” nircami.

SALMOS 79:1

Taita Dioslla, cambajlla allpamanca shujtaj llajtacunami shamurcacuna. Cambajlla huasitami mapayachircacuna. Jerusalentaca chingachishpami rumi montonllata saquircacuna.

JEREMÍAS 51:37

Babilonia pueblopish, rumi montonllami saquiringa. Chaipica chacal animalcunallami causanga. Chashna shitashca saquirishcamantaca tucuicuna mancharinapish, chanzata rurashpa asinapishmi canga.

JEREMÍAS 9:11

Jerusalén pueblotaca rumi montonllatami saquisha. Judá llajtapi caj tucui caishuj pueblocunatapish chacal nishca animalcuna causanallatami rurasha. Shuj runallapish mana chaipi causangapaj saquiringachu.

MIQUEAS 1:1

Judá llajtataca, jatun mandaj Jotampish, Acazpish, Ezequiaspishmi mandarca. Chai punllacunallatajmi Mandaj Diosca, Moreset pueblomanta caj Miqueastaca Samaria pueblotapish, Jerusalén pueblotapish imata rurana cashcata ricuchishpa huillachirca.

MIQUEAS 3:12

Cancuna chashna rurashcamantaca, Sión urcuca tarpuna allpata shina yapushcami canga. Jerusalén puebloca, rumi montonllami tucunga. Diospaj huasi tiyana urcupish q'uihua jundashca sachallami saquiringa.

MIQUEAS 4:1

Tucuri punllacunapica cashnami tucunga: Mandaj Diospaj huasi tiyacun urcuca tucui urcucunamanta yalli jahuamanmi canga. Tucuicunapaj uma shina cashcamantami, tucui pueblocunamanta chaiman tandanacunga.

ZACARÍAS 8:3

Mandaj Diosca cashnapishmi nin: “Sionman tigrashpaca, Jerusalén chaupipimi causasha. Jerusalenca: Imata mana llullaj Pueblo shutimi canga. Tucuita Mandaj Diospajlla Sión urcuca: Jucha illaj Urcu shutimi canga” ninmi.