JEREMÍAS 26:16 - Dios Rimashca Shimicunami

¹⁶ Chashna nijpimi, mandajcunaca tucui chaipi tandanacushcacunatapish, curacunatapish, Dios ima nishcata huillajcunatapish cashna nircacuna: “Cai runaca ñucanchijta Mandaj Diostaj cachajpimi huillashca. Chashna cashcamantaca, imamanta mana huañuna canchu” nircacunami.

JEREMÍAS 26:16 Iomraidhean Croise

ESTER 4:14

Jatun mandajhuan mana cunantaj can rimajpipish, ñucanchij judiocunapajca ima shinapish quishpirinaca tiyangami. Ashtahuanpish cantami cambaj yayapaj huasi ucupuracunandijta huañuchingacuna. Cai llaquimanta ñucanchijta quishpichingapaj canca jatun mandajpaj huarmi tucurcanguipishchari” nichunmi cacharca.

SALMOS 94:16

Millaita rurajcuna ñucata llaquichinaman jatarijpica, ñucata mitsanapajca pi mana jatarinchu. Ñucapuraca pi mana tucunchu.

PROVERBIOS 16:7

Mandaj Diosta cushichishpa, sumajta causaj runataca paicunata p'iñajcunapish alli tucushpa mana llaquichincunachu.

JEREMÍAS 26:11

Chaipi tiyarijpimi curacunahuan, Dios ima nishcata huillajcunahuanca chai mandajcunatapish, chai tucui tandanacushcacunatapish cashna nircacuna: “Cai runaca huañunami can. Paica cai puebloca llaqui tucungami nishpamari huillan. Chaitaca cancunallataj uyarcanguichijmi” nircacunami.

JEREMÍAS 34:10

Ña ama ashtahuan servichishpa, cacharishpa cachachun nishcataca tucui mandajcunapish, Jerusalenpi tucui causajcunapishmi ari nircacuna. Chaimantaca tucuicunami servij c'aricunatapish, huarmicunatapish cacharishpa cacharcacuna.

JEREMÍAS 36:19

Shina nijpimi mandajcunaca Baructaca: –Canpish, Jeremiaspish pi mana ricunapi miticugrichij– nircacuna.

JEREMÍAS 36:25

Chai pillushca cara quillcata rupachicujpica, Elnatanhuan, Delaiahuan, Gemariashuanmi ama rupachipaichu nircacuna. Shina nijpipish jatun mandajca mana uyashpa rupachircallami.

JEREMÍAS 37:15

Mandajcunaca p'iñarishpami, Jeremiastaca anguhuan macarcacuna. Chaimantaca Jonatán shuti quillcaj runapaj huasi cashca ucupimi prezu churarcacuna. Chai huasitaca ñaupamanca, quillcashpa tiyana huasi cashca cajpipish, prezuna huasitami rurarcacuna.

Mateo 27:54

Patsaj soldadocunata mandaj, paihuan Jesusta cuidacuj soldadocunapish jatunta allpa chujchujta, tucui imalla tucujtapish ricushpaca, achcata mancharinacushpami: “Caica Diospaj Churitajmari cashca” nircacuna.

Lucas 23:41

Ñucanchijca millaita rurashcamanta llaquita apana cashcallatatajmi apacunchij. Ashtahuanpish cai runaca, ima mana allita mana rurashcachu– nircami.

Lucas 23:47

Chashna tucujta patsaj soldadocunata mandaj ricushpaca: –Cai runaca jucha illajtajmari cashca– nishpami, Taita Diosta jatunyachirca.

Hechos 23:29

Chaipica, paicunapaj Mandashcata mana pajtachishcallamantami juchachicushca carca. Ñucapica paica huañunapaj, mana cashpaca carcelpi churanapajllapish ima millaita mana rurashcachu.

Hechos 23:9

Chashna ninacushpaca jatun bullami jatarirca. Chaimi fariseocunapuramanta mandashcacunata quillcaj shayarishpaca: –Cai runapica, ima millaita mana japinchijchu. Shuj espiritumi, mana cashpaca shuj angelmi rimashca canga. Chaimanta Taita Diostaca ama p'iñachishunchij– nircami.

Hechos 25:25

Chashna nijpipish ñucaca paipica huañuipaj ima millaita rurashcataca mana japircanichu. Paillatajmi: “Ñucataca Augustotaj tapushpami imatapish ninga” nishcallamantami paipajman cachana tucurcani.