JEREMÍAS 26:15 - Dios Rimashca Shimicunami

¹⁵ Shina cajpipish, cancunataca caillatami nisha nini: Ñucataca Mandaj Diosmari chai tucui shimicunataca, cancunapaj rinrinpi caparichun cacharca. Imata mana ñuca yuyaimanta llujshichishpa huillashcanichu. Chashna cashcamantaca, ñucata yanga huañuchishpaca, cancunallatajmi llaqui tucunguichij. Cai pueblotapish, cai pueblopi causajcunatapishmi llaquipi churanguichij” nircami.

JEREMÍAS 26:15 Iomraidhean Croise

GÉNESIS 4:10

Mandaj Diosca, Caintaca: –¿Imatataj rurarcanguiyari? Cambaj huauquipaj yahuarmi ñucataca allpamanta caparicun.

GÉNESIS 42:22

Chaimi Rubenca: –¿Manachu ñucaca cai huambrata llaquichishpa ama juchallichijchu nircani? Ashtahuanpish cancuna mana uyashcamantami, cunanca paipaj yahuar ñucanchijta llaquichichun mañacun– nirca.

2 REYES 24:4

Ashtahuancarin manapish ima mana allita rurajcunapaj yahuarta jichachishpa Jerusalenpi yahuarta jundachishcamantapishmi, Mandaj Diosca judacunataca mana perdonashpa chashna llaquitaca cacharca.

2 CRÓNICAS 24:22

Zacarías ña huañushpaca: Cashna rurahuashcataca “Mandaj Dios ricuchun, paillataj imatapish nichun” nircami. Jatun mandaj Joasca, Zacariaspaj yaya Joiada paihuan tucuipi alli cashcataca mana yuyarishpa, Zacariastaca huañuchircallami.

PROVERBIOS 6:16

Mandaj Diosca mana allita rurashcataca, cai sujtatami yallitaj p'iñan, canchistapishmari manataj ricunachin.

PROVERBIOS 6:17

Jatun tucujta, llulla c'allucunata, manapish ima millaita rurajpi yanga huañuchijta,

JEREMÍAS 2:30

Ñucaca yangamari cancunapaj huahuacunataca macashpa llaquichishcani. Manamari alli tucunguichijchu. Cancunapaj espadacunahuanmari ñuca ima nishcata cancunaman huillajcunataca, jatun p'iña león shina tucuchircanguichij.

JEREMÍAS 2:34

Cambaj changa uri churanacunapish, ima millaita mana ruraj huajchacunata huañuchishca yahuarhuan c'ahuirishcami. Paicunataca ima juchachinallatapish mana charishca jahuami huañuchircangui. Chashna rurashca jahuami cashna ningui:

JEREMÍAS 22:3

Mandaj Diosca cashnami nin: Cashcata rurashpa, alli mandaichigari. Huajchacunataca llaquichicujcunapaj maquimanta mitsaichigari. Ama pita umaichijchu. Shujtaj llajtamanta shamushcacunatapish, yaya mana illaj huahuacunatapish, viudacunatapish ama imata quichuichijchu. Cai llajtapica, ama manapish ima millaita rurajcunata huañuchishpa yahuarta jichaichijchu.

JEREMÍAS 26:12

Chashna nijpimi, Jeremiasca tucui mandajcunatapish, tucui chaipi tandanacushcacunatapish cashna nirca: “Mandaj Diosmari cai huasipish, cai pueblopish llaqui tucunataca huillachun cacharca. Pai imallata nishcallatami cancunamanca tucuita huillarcani.

JEREMÍAS 30:1

Mandaj Dios Jeremiasman huillashca shimicunami caipica tiyacun.

JEREMÍAS 7:6

Mana cancunapura cajcunatapish, yaya mama illaj huahuacunatapish, viudatapish ama imatapish quichushpa llaquichichijchu. Cai llajtapica manapish ima millaita ruracujcunataca, ña ama japishcahuan huañuchishpa yahuarta jichaichijchu. Shujtajcunapaj dioscunatapish ña ama catichijchu. Cancunapaj llaquipajllatajmari chaicunataca ruracunguichij.

NÚMEROS 35:33

Cancuna causacun llajtataca ama mapayachinguichijchu. Yahuarta jichachishpa chai llajtata mapayachijpica, llajtaca yahuarta jichashpa mapayachishcamantaca mapa illajca mana cai tucunchu. Huañuchijtapish huañuchijllapimi mapa illajlla tucunga.

Mateo 26:25

Chaimi paita huañuchichun entregangapaj caj Judasca: –Yachachij, ¿ñucachu cani?– nijpi, Jesusca: –Canllataj ninguica– nirca.

Mateo 26:4

Chaipimi Jesustaca ima shinapish umashpa, japishpa huañuchinata yuyarinacurcacuna.

Hechos 7:60

Chaipi cungurishpa sinchita caparishpaca: “Jatun Dioslla, paicuna cashna millaita ruracushcata ama yuyaringui” nishpaca huañurcallami.

DEUTERONOMIO 19:10

Miticuna pueblopi miticushpami manapish huañuchina yuyaihuan huañuchijca, Mandaj Dios cancunapaj Taita Dios cancunaman cushca llajtapica paica mana huañuna cashcamantaca mana huañunga. Canpish, manapish huañuna caj huañujpica ña mana juchachishcachu cangui.

Apocalipsis 16:6

Chai llaquita apajcunaca jucha illajcunatapish, cambaj profetacunatapish yahuarta jichashpami huañuchircacuna. Chaimantami canpish paicuna chasquina cashca shinallataj yahuarta ubyachishcangui” nircami.