JEREMÍAS 26:14 - Dios Rimashca Shimicunami

¹⁴ Ashtahuanpish ñucataca imatapish cancuna yuyashcata ruraichijlla, cancunapaj maquipimi cani. Cancunapi ima ashtahuan alli yuyachijpica, chaita ruraichijlla.

JEREMÍAS 26:14 Iomraidhean Croise

2 SAMUEL 15:26

Ashtahuanpish: “Paipi ñuca mana alli ricurishca cajpica, paipi ima shinami alli, chaita rurailla caipimi cani”– nircami.

2 CRÓNICAS 24:22

Zacarías ña huañushpaca: Cashna rurahuashcataca “Mandaj Dios ricuchun, paillataj imatapish nichun” nircami. Jatun mandaj Joasca, Zacariaspaj yaya Joiada paihuan tucuipi alli cashcataca mana yuyarishpa, Zacariastaca huañuchircallami.

ESTER 3:11

Chai sortijasta cushpami, ñucaman cusha nishca cullquitaca canllataj japilla. Can huañuchisha nicushca runacunatapish, cambaj yuyaipi ima ashtahuan alli cashcata rurailla– nircami.

JEREMÍAS 26:15

Shina cajpipish, cancunataca caillatami nisha nini: Ñucataca Mandaj Diosmari chai tucui shimicunataca, cancunapaj rinrinpi caparichun cacharca. Imata mana ñuca yuyaimanta llujshichishpa huillashcanichu. Chashna cashcamantaca, ñucata yanga huañuchishpaca, cancunallatajmi llaqui tucunguichij. Cai pueblotapish, cai pueblopi causajcunatapishmi llaquipi churanguichij” nircami.

JEREMÍAS 38:5

Shina nijpica jatun mandaj Sedequiasca: –Jeremiasca cancunapaj maquipimi, imatapish ruraichijlla. Ñucaca jatun mandaj cashpapish, cancunataca imata mana jarcai tucunichu– nircami.

DANIEL 3:16

Shina nijpimi Sadracpish, Mesacpish, Abed-negopish jatun mandaj Nabucodonosortaca cashna nircacuna: –Can chashna nishcataca ñucanchijllatajca imata mana cutichi tucunchijchu.

JOSUÉ 9:25

Cunanca cancunapaj maquipimi canchij. Cancunapaj ima shina ashtahuan alli canata rurapaichijlla– nircacunami.