JEREMÍAS 26:12 - Dios Rimashca Shimicunami

¹² Chashna nijpimi, Jeremiasca tucui mandajcunatapish, tucui chaipi tandanacushcacunatapish cashna nirca: “Mandaj Diosmari cai huasipish, cai pueblopish llaqui tucunataca huillachun cacharca. Pai imallata nishcallatami cancunamanca tucuita huillarcani.

JEREMÍAS 26:12 Iomraidhean Croise

JEREMÍAS 26:15

Shina cajpipish, cancunataca caillatami nisha nini: Ñucataca Mandaj Diosmari chai tucui shimicunataca, cancunapaj rinrinpi caparichun cacharca. Imata mana ñuca yuyaimanta llujshichishpa huillashcanichu. Chashna cashcamantaca, ñucata yanga huañuchishpaca, cancunallatajmi llaqui tucunguichij. Cai pueblotapish, cai pueblopi causajcunatapishmi llaquipi churanguichij” nircami.

JEREMÍAS 26:2

“Mandaj Diostajmi cashna mandani: Ñuca huasimanca tucui Judá llajtapi tiyaj pueblocunamantami adorangapaj shamuncuna. Tucui shamujcunaman ñuca imallata huillachun nishcata, ñuca huasi ñaupajpi shayarishpa huillagri. Imata mana saquishpa tucuitataj huillangui.

EZEQUIEL 21:7

Can chashna huacacujpica ¿ima nishpataj huacacungui? nishpa tapujpica: Tucuicunami huañunga, tucuicunapaj maquicunami p'aquiringa, tucuicunami huacanga, tucuicunapaj cunguri mucucunami yacu shina chujchunga nishpa huillashcata uyashpamari huacacuni. Chai llaquica ñallamari chayamunga, chaica pajtangatajmi ninmari Mandaj Jatun Diosca ningui” nircami.

AMÓS 3:8

León huacaricujta uyashpaca ¿pitaj mana mancharingari? Mandaj Jatun Dios rimashcata uyashpaca ¿pitaj mana huillangari?

Hechos 4:19

Chaipica Pedroca, Juandijmi paicunamanca cashna cutichircacuna: –Taita Diosta cazunapaj randica ¿cancunata cazunachu alli? Chaitaca cancunallataj Taita Diospaj ñaupajpi alli yuyarichij.

Hechos 5:29

Chaimi Pedropish, caishuj apostolcunapish cashna nirca: –Runacunata cazunapaj randica, Taita Diostami cazuna canchij.