JEREMÍAS 26:11 - Dios Rimashca Shimicunami

¹¹ Chaipi tiyarijpimi curacunahuan, Dios ima nishcata huillajcunahuanca chai mandajcunatapish, chai tucui tandanacushcacunatapish cashna nircacuna: “Cai runaca huañunami can. Paica cai puebloca llaqui tucungami nishpamari huillan. Chaitaca cancunallataj uyarcanguichijmi” nircacunami.

JEREMÍAS 26:11 Iomraidhean Croise

JEREMÍAS 18:23

Mandaj Dioslla, ñucata huañuchingapaj paicuna ima shinalla yuyarinacushcataca yachanguimi. Cambaj ñaupajpi chashna millaita ruracushcataca, amataj perdonanguichu. Paicunapaj juchataca amataj p'ichanguichu. Paicunataca, can p'iñarishpa cambaj ñaupajpi urmachilla.

JEREMÍAS 26:16

Chashna nijpimi, mandajcunaca tucui chaipi tandanacushcacunatapish, curacunatapish, Dios ima nishcata huillajcunatapish cashna nircacuna: “Cai runaca ñucanchijta Mandaj Diostaj cachajpimi huillashca. Chashna cashcamantaca, imamanta mana huañuna canchu” nircacunami.

JEREMÍAS 38:4

Chashna huillajta uyashpami, mandajcunaca jatun mandajtaca cashna nircacuna: –Cai runaca cai pueblopi causajcunapaj alli causai tiyachunca mana munanchu, ashtahuanpish llaqui tucushca cachun yuyashpami, cai shimicunata huillan. Chashna huillajpimari saquirishca soldadocunapish, tucui cai pueblopi causajcunapish mana macanacushpa saquina yuyaita japincuna. Chaimanta cai runaca huañunami can– nircacunami.

Mateo 26:66

Cancunaca ¿imatataj yuyanguichij?– nijpi, paicunaca: –¡Paica huañunatajmi can!– nircacunami.

Juan 18:30

paicunaca: –Ima millaita mana ruraj cajpica, cambajmanca mana pushamunchijmanchu carca– nircacuna.

Juan 19:7

Chaimi judiocunaca: –Ñucanchijca shuj mandashcatami charichij. Chai mandashcapi nishca shinaca Taita Diospaj Churimi cani nishcamantaca paica huañunatajmi can– nircacuna.

Hechos 22:22

Chai tucuita Pablo parlangacamaca allimi uyarcacuna. Mana judiocunapajman cachashcami cani nijta uyashpaca: –¡Cai runaca cai pachamantaca anchunami can, pai cai pachapi causanaca mana allichu!– nishpami sinchita caparircacuna.

DEUTERONOMIO 18:20

Maijanpish manapish ñuca huillachijpi Mandaj Diosmi huillachin nishpa huillajca huañuchishcami canga. Shinallataj shujtaj dioscunapaj shutipi huillajpish huañuchishcami canga nircami.

JUECES 6:30

–Cambaj churita huañuchingapaj canllaman llujshichi. Paimari Baalpaj altarta urmachishca, chai c'uchupi shayacuj Asera huarmi diosman rijchajta rurashca diostapishmari p'itishca– nircacunami.