JEREMÍAS 26:10 - Dios Rimashca Shimicunami

¹⁰ Judá llajtata mandajcuna chaita uyashpaca, jatun mandaj mandashpa tiyana huasimantami, Mandaj Diospaj huasiman huichiyarcacuna. Chaiman huichiyashpaca, chai huasiman yaicuna mushuj pungupimi tiyarircacuna.

JEREMÍAS 26:10 Iomraidhean Croise

2 REYES 15:35

Chashna cashpapish, lomacunapi tiyaj altarcunapi israelcuna sacrificiota ruracushcamanta, inciensota rupachicushcamantarajca lomacunapi tiyaj altarcunataca mana anchuchi tucurcachu. Mandaj Diospaj huasi jahua lado pungutaca Jotammi rurarca.

2 CRÓNICAS 27:3

Jotammi, Mandaj Diospaj huasi ñaupaj punguta rurachirca. Shinallataj ashtahuan jatun pirca jahuapipish ashtahuanmi pircachirca.

JEREMÍAS 20:2

Chaita uyashpami Pasurca, Dios ima nishcata huillaj Jeremiastaca anguhuan macachirca. Chashna macachishpaca Benjamín llajta ladoman llujshina janaj lado pungupimi shuj jutcu tablapi chaquicunata canichishpa prezu churarca. Chai pungutami Mandaj Diospaj huasimanpish yaicuna carca.

JEREMÍAS 26:21

Jatun mandaj Joacimpish, pai churashca mandajcunapish, tucui caishuj mandajcunapish, pai huillashcata uyashpaca huañuchisha nircami. Uriasca, jatun mandaj paita huañuchisha nicushcata uyashpa manchashpami, Egipto llajtaman miticushpa rirca.

JEREMÍAS 26:24

Jeremiastaca, Safanpaj churi Ahicam shuti mandajmi, chaipi tandanacushcacuna ama huañuchichunca, paicunapaj maquipi churachun mana saquirca.

JEREMÍAS 34:10

Ña ama ashtahuan servichishpa, cacharishpa cachachun nishcataca tucui mandajcunapish, Jerusalenpi tucui causajcunapishmi ari nircacuna. Chaimantaca tucuicunami servij c'aricunatapish, huarmicunatapish cacharishpa cacharcacuna.

JEREMÍAS 36:10

Chai tandanacuipimi Barucca, Mandaj Diospaj huasi chaupi ucuman yaicushpa, mushuj pungu ñaupajpi shayarirca. Chaipi shayarishpami Jeremías quillcachishcataca pillushca carata pascashpa, tucui chaipi cajcunaman rezashpa uyachirca. Chai ucupica Safanpaj churi Gemarías shuti quillcajmi tiyaj carca.

JEREMÍAS 36:25

Chai pillushca cara quillcata rupachicujpica, Elnatanhuan, Delaiahuan, Gemariashuanmi ama rupachipaichu nircacuna. Shina nijpipish jatun mandajca mana uyashpa rupachircallami.

EZEQUIEL 22:27

Paicunata mandajcunaca shuhuashpalla imatapish japingapajmi, aichata mashcashpa purij atujcuna shina runacunata chaparashpa huañuchishpa chingachircacuna.

EZEQUIEL 22:6

Riquichigari Israel llajtata mandajcunaca, paicuna mandaj cashcallamantami huañuchichincuna.