JEREMÍAS 24:8 - Dios Rimashca Shimicunami

⁸ Shinallataj Mandaj Diosca cashnapishmi nirca: “Ashtahuanpish cai Judá llajtapi saquirijcunataca, cai llajtata jatun mandaj Sedequiastapish, pai churashca mandajcunatapish, Jerusalenpi causajcunapuramanta saquirishcacunatapish, Egipto llajtapi causagrijcunatapish mana micui tucuipaj cai ismushca higocunata shinamari ruragrini.

JEREMÍAS 24:8 Iomraidhean Croise

1 CRÓNICAS 3:15

Josiaspaj churicunaca. Punta churica Johananmi, q'uipa churica Joacimmi. Ishquipaj q'uipa churica Sedequiasmi, quimsapaj q'uipa churica Salummi carca.

JEREMÍAS 13:7

Shina nijpica Éufrates yacuman rishpami, ñuca pacashcapi allashpa chai chumbita japircani. Chai chumbica ña ismushpa, imapaj mana valijmi cashca carca.

JEREMÍAS 21:10

Ñucaca llaquichingapajmi tigrashpa ricurcani, mana ima allita cungapaj ricucunichu. Babilonia llajtata jatun mandajpaj maquipimi churani. Paimi ninata japichishpa tucuchinga ninmi Mandaj Diosca ningui.

JEREMÍAS 24:2

Shuj canastapica, punta p'ucushca shina sumaj higocunami tiyacurca. Caishuj canastapica, mana micui tucuipaj yallitaj ismushca higocunami tiyacurca.

JEREMÍAS 24:5

“Israelcunata Mandaj Diostajmi cashna nini: Cai Judá llajtamanta llujshichishpa, caldeocunapaj llajtaman cachashcacunataca, cai alli higocunata shina cushijlla ñahuihuanmi ricusha. Paicunapajca allita rurashami.

JEREMÍAS 37:10

Cancunahuan macanacucuj caldeo soldadocunataca, tucuicunata chugrichinguichijchari. Chashna chugrichishca huaquin soldadocunalla saquirishpapish, paicunapaj carpa huasicunamanta llujshimushpa cai pueblotaca ninata japichishpa tucui rupachingallami ninmi” nircami.

JEREMÍAS 37:17

Jatun mandaj Sedequiasmi, Jeremiasta chai ucumanta llujshichichun cacharca. Chaimanta llujshichishpa paipaj huasiman pushaj cachashpami, Jeremiastaca: –¿Mandaj Diosca imata huillanchu?– nishpa paillata tapujpimi, Jeremiasca: –Ari, huillanataca charinimi, Babilonia llajtata jatun mandajpaj maquipimi churagrin– nirca.

JEREMÍAS 43:1

Paicunata Mandaj Diosmi, Jeremiastaca tucui chai shimicunataca paicunaman huillachun mingarca. Chaimantami Jeremiasca chai shimicunataca tucui paicunaman callarishpa huillarca. Chaita tucui huillajpica,

JEREMÍAS 44:1

Judá runacuna Egipto llajtaman rishpaca Migdol shuti, Tafnes shuti, Menfis shuti pueblocunapipish, Patros llajtapipishmi causacurcacuna. Tucui paicunaman Dios imallata huillachun nishcatami Jeremiasca paicunaman cashna huillarca: