JEREMÍAS 24:6 - Dios Rimashca Shimicunami

⁶ Paicunapaj allita rurangapajmi, paicunapaj jahuapi ñuca ñahuita churasha. Cutintaj cai llajtaman tigrachimushpami, cutin shayachisha. Chashna shayachishcataca, cutinca manataj chingachishachu. Ñuca shayachishca yurataca, manataj cutinca sapimanta aisashachu.

JEREMÍAS 24:6 Iomraidhean Croise

GÉNESIS 44:21

Chaimi cambajta ruraj ñucanchijtaca: Ñuca paita ricungapaj pushamugrichij nircangui.

2 CRÓNICAS 16:9

Mandaj Diosca tucui shunguhuan paita cazujcunapaj allita rurashpa, tucuita rurai tucuj cashcata ricuchingapajmi, tucui cai pachata ricuracun. Canca yuyai illaj shinami Siria llajtata jatun mandajhuan alli canata ari ninacushcangui. Chashna rurashcamantaca cunanmantapachaca, ashtahuanmi canhuan macanacungapaj shamungacuna” nircami.

NEHEMÍAS 5:19

Cai llajtapi causajcunapajca allitami rurarcani. Ñuca Dioslla ñucapaj allita ruranatapish ama cungaripangui.

SALMOS 34:15

Mandaj Diospaj ñahuica cashcata rurajcunataca chaparacunmi. Paicuna caparishcata uyangapajpish uyaracunmi.

SALMOS 44:2

Llajtacunataca quiquinpaj maquihuanmi carcushpa cachashcangui. Gentecunataca llaquichishpami llujshichishpa cachashcangui. Chashna rurashpaca ñucanchij yayacunatami tarpuj shina cai llajtapi churashcangui.

ISAÍAS 14:1

Mandaj Diosca Jacobpaj huahua huahuacunataca llaquingami. Israelcunataca cutinllatajmi agllanga. Paicunapaj allpallapitajmi samachinga. Caru llajtamanta cajcunapish paicunahuanmi shuj yuyailla tucungacuna. Jacobpaj familiami tucungacuna.

ISAÍAS 60:21

Tucui canpi causajcunami tucui paicunami cashcata rurajcuna canga. Paicunaca huiñaipajmi paicuna japina cashca allpataca japingacuna. Paicunataca ñuca cutin mushujta tarpushcacunami canga. Ñuca jatun cashcata ricuchingapaj, ñuca maquihuan rurashca chagrami.

JEREMÍAS 1:10

Riqui, cunantajmi cantaca llajtacunata jatun mandajcunatapish, llajtacunapi causajcunatapish sapimanta llujshichichun, urmachishpa chingachichun, cutin shayachichunpish, llajtacunata cutin tigrachichunpish cantaca churani” nircami.

JEREMÍAS 12:15

Paicunataca llujshichishpa cachashca q'uipami, ñucallataj llaquishpa cutin quiquin llajtaman tigrachimusha. Chashna tigrachimushpami, quiquin allpacunata cutin cusha.

JEREMÍAS 16:15

Ashtahuanpish cancunapaj ñaupa yayacunaman cushca llajtaman ñuca tigrachimujpica, tucui imapajpish cancunaca cashnami ninguichij: Janaj llajtamanpish, tucui shujtaj llajtacunamanpish shitashcamanta israelcunata cutin tigrachimuj, causaj Mandaj Dios ricucunmi ninguichijmi” ninmi.

JEREMÍAS 21:10

Ñucaca llaquichingapajmi tigrashpa ricurcani, mana ima allita cungapaj ricucunichu. Babilonia llajtata jatun mandajpaj maquipimi churani. Paimi ninata japichishpa tucuchinga ninmi Mandaj Diosca ningui.

JEREMÍAS 23:3

Tucui llajtacunaman ñuca shitashca ovejacunapaj huahuacunataca ñucallatajmi cutin tandachisha. Chashna tandachishpaca, ñucallatajmi paicuna shayanaman tigrachimusha. Caipimi achcata mirarishpa jundaringacuna.

JEREMÍAS 29:10

Mandaj Diosca cashnapishmi nin: Babilonia llajtapi cancuna prezu causacushca ña canchis chunga huata pajtajpimi, cancunapaj allita rurasha. Ñuca cancunapaj allita rurashami nishca shinatajmi, cancunataca cai llajtaman tigrachimusha.

JEREMÍAS 31:28

Ñucaca paicunataca sapimanta aisashpa shitanata, tucui urmachinata, jatun llaquita ruranata, tucui ima tiyajta chingachinata huanachinata yuyarishpaca, rurangacama chai yuyaimi carcani. Q'uipataca, chai shinallataj chai yuyaimi cutin tigra shayachimushpa tarpusha.

JEREMÍAS 31:4

Israelcunalla, cancunaca ñuca cutin llajtata rurashpa shayachijpimi, llajta tucunguichij. Cancunapajca sumajta allichirishpa, panderocunapi huajtashpa cushicuihuan tushuna punlla cutin tiyangamari.

JEREMÍAS 32:37

Shina cajpipish ñucaca yallitaj p'iñarishpa, manataj ashtahuan charisha nishpa llujshichishpa cachashcacunataca, tucui cai pachamantami cutin tandachimusha. Chashna tandachimushpa, cutin caipi causachun churashatajmi.

JEREMÍAS 32:41

Ñucaca paicunapaj allita rurashpami cushicusha. Cai llajtapica tarpuj shinami churasha. Cutinca mana shitangapaj ñuca tucui shunguhuan, tucui almahuanmi caipi charisha” ninmi.

JEREMÍAS 33:7

Judá llajtamanta prezu apashcacunatapish, Israel llajtamanta prezu apashcacunatapish tigrachimushami. Chaimantaca callaripi cashca shinallatatajmi allichishpa churasha.

JEREMÍAS 33:9

Ñucapajca jatunta cushicunami cangacuna. Tucui cai pacha llajtacunaca, paicunamantami ñucataca jatun nishpa, sumaj nishpa alabangacuna. Israelcunapaj ñuca imalla allita rurashcata tucuicuna uyashpami manchangacuna, chujchungacuna. Paicuna mancharina allicunata rurashpami, sumaj causaita cusha. Chaita ricushpami, ñucata manchangacuna” ninmi.

JEREMÍAS 39:12

“Jeremiastaca, can japishpa cuidangui, imata mañajpipish chaita ruranguilla” nishcami carca.

JEREMÍAS 42:10

Cancuna cai llajtallapitaj casijlla saquirijpica, llajta cachun cutin shayachishami. Cutinca ña mana urmachishachu. Alli tarpushpa, cutinca ña mana aisashpa shitashachu. Cunan cancunata cashna llaquichishcataca, ñucallataj nanarishpa llaquirinimi ninmi.

EZEQUIEL 36:24

Cancunataca shujtaj llajtacunamanta tandachishpami, quiquin llajtallamantaj pushamusha.

AMÓS 9:14

Ñuca agllashca israelcunataca, prezu causacunmanta cacharichishpami tigrachimusha. Paicuna tigramushpami, urmachishca pueblocunata allichishpa chaipi causangacuna. Paicunaca uvata tarpushpa, vinotapish ubyangacunami. Huertacunata rurashpami, chaipi p'ucushcacunata micungacuna.

DEUTERONOMIO 11:12

Chai llajtaca Mandaj Dios cancunapaj Taita Dios cuidacun llajtami. Huata callarimantapacha huata tucuricama Mandaj Dios cancunapaj Taita Dios chaparacun llajtami.

1 Pedro 3:12

Jatun Diosca cashcata rurajcunataca ricuracunmi. Paipaj rinrinpish, paicuna mañashcacunataca uyaracunmi. Ashtahuanpish Jatun Diosca mana allita rurajcunatami p'iñan” ninmi.