JEREMÍAS 24:5 - Dios Rimashca Shimicunami

⁵ “Israelcunata Mandaj Diostajmi cashna nini: Cai Judá llajtamanta llujshichishpa, caldeocunapaj llajtaman cachashcacunataca, cai alli higocunata shina cushijlla ñahuihuanmi ricusha. Paicunapajca allita rurashami.

JEREMÍAS 24:5 Iomraidhean Croise

SALMOS 119:67

Manaraj cumurichishca cashpaca maipish cachunmi causarcani. Ashtahuanpish cunanca quiquinpaj mandashcatamari pajtachicuni.

SALMOS 119:71

Ñucata cumurichishcaca allimari cashca. Quiquin chaitataj pajtachichun nishcata yachachunmari chashna rurarcangui.

JEREMÍAS 24:4

Shina nijpimi, Mandaj Diosca ñucataca cashna nirca:

JEREMÍAS 29:11

Ñuca cancunapaj imallata ruranataca ñucamari yachani. Cancunapajca llaquitaca mana cachashachu, ashtahuanpish sumaj causaitami cugrini. Cancuna shuyacushcatatajmi cusha.

JEREMÍAS 29:20

Jerusalenmanta Babiloniaman ñuca prezu cachashcacunaca, tucuicunallataj ñuca cancunata Mandaj Dios rimashcata uyaichigari ninmi.

JEREMÍAS 29:4

Tucuita Mandaj, israelcunapaj Diosca cashnami nin: Jerusalenmanta Babilonia llajtaman ñuca prezu cachashcacunataca, tucuicunatami cashna nini:

EZEQUIEL 11:17

Cashnapish huillangui: Mandaj Jatun Diosca cashnami nin: Cancunataca shujtaj runacunapaj chaupipi shujtaj llajtacunapi tsiraparishpa causacunmanta tandachishpami, Israel llajtataca cusha.

EZEQUIEL 11:20

Chashna rurajpimi, ñuca mandashca shina causangacuna. Ñuca huillachishcacunatapish cazushpami pajtachingacuna. Paicunaca ñuca agllashcacunami canga, ñucapish paicunapaj Diosmi casha.

LEVÍTICO 26:44

Paicunata p'iñajcunapaj llajtapi paicuna chashna llaquita apacujpica shuj cutintajca mana shitashachu. Tucui chingaringacamatajca mana millanachicushallachu. Paicunahuan ari ninacushcataca manataj yanganchishachu. Ñucaca Mandaj paicunapaj Taita Diosmi cani.

NAHUM 1:7

Mandaj Diosca alli cashpami, llaqui punllacunapi cajpipish huaquichin. Paipi shunguta churajcunataca rijsinmi.

ZACARÍAS 13:9

Chai saquirijcunataca, ninapimi rupachisha. Ima shinami cullquitaj cashcata, curitaj cashcata ricungapaj ninapi rupachincuna, chashnallatajmi ñucapish paicunataca rurasha. Chashna rurajpimi, paicunaca ñuca shutipi mañangacuna. Paicuna mañashcataca uyashami. Chaimantaca: Ñuca agllashcacunami canguichij nishami. Shina nijpimi paicunapish: Mandaj Diosca ñucanchij Diosmi ningacuna” ninmi.

Mateo 25:12

Ashtahuanpish novioca: “Cancunataca manataj rijsinichu, pipishchari canguichij” nircami. Chashnatajmi canga.

Juan 10:27

Ñuca ovejacunaca ñuca rimaitaca rijsinmi. Ñucapish paicunataca rijsinimi. Paicunaca ñucata catinllacunami.

Romanos 8:28

Diosta c'uyajcunapajca tucui ima llaquicunaca, paicunapaj allipajllataj shamuj cashcatami yachanchij. Chaicunaca, Dios imapaj cayashca shina cajcunapajllami.

1 Corintios 8:3

Ashtahuanpish Diosta maijan c'uyajca, Dios rijsishcami.

Gálatas 4:9

Ashtahuanpish cunanca ña Diosta rijsijcuna, Dios rijsishcacuna cashca jahuaca ¿ima shinataj irquicunapaj, imatapish mana rurai tucuj huajchacunapaj esclavo tucungapaj cutin tigrashun ninguichij?

DEUTERONOMIO 8:16

cancunapaj ñaupa yayacuna mana rijsishca maná shuti micunata carashpa pushamuj Taita Diosta ñataj cungaringuichijman. Paimi cancunataca llaquichishpa, cancuna ima shina cashcata ricushpa q'uipa punllacunapi allicunata cungapaj pushamurca.

2 Timoteo 2:19

Ashtahuanpish Taita Dios sinchita callarichishpa sellashcacunaca mana cuyuchipaj sinchimari: “Mandaj Jesusca paipaj cajcunataca rijsinmi”. Chashnallataj, “Maijanpish Cristopaj shutita huillajcunaca tucui millaimanta anchurichun” ninmi.

Apocalipsis 3:19

Ñucaca, ñuca c'uyashcacunatami tucuicunata sinchita rimani, llaquichini. Chaimanta mana alli ruracushcamanta cutirishpa, ñucapajlla cana yuyailla cai.