JEREMÍAS 24:2 - Dios Rimashca Shimicunami

² Shuj canastapica, punta p'ucushca shina sumaj higocunami tiyacurca. Caishuj canastapica, mana micui tucuipaj yallitaj ismushca higocunami tiyacurca.

JEREMÍAS 24:2 Iomraidhean Croise

ISAÍAS 5:4

Ñuca uva chagrataca ¿imatataj ashtahuan rurana carcari? ¿Imata ruranatataj mana rurashcani? Ñucaca alli uva p'ucujtamari shuyacurcani. ¿Ima nishpataj sacha uvata p'ucurcari?

ISAÍAS 5:7

Tucuita Mandaj Diospaj uva chagraca, israelcunami. Chaica chashnatajmi. Judaca Mandaj Dios munashpa tarpushca sumaj uvacunami. Allita rurajcuna cachunmi munarca, ashtahuanpish mapa q'uihuacunami tucurca. Cashcata rurajcuna cachunmi munarca, ashtahuanpish caparishca huacaicunallami tiyan.

JEREMÍAS 29:17

Tucuita Mandaj Diosca cashnami nin: Ñucaca paicunapajca espadata, yaricaita, ungüitapishmi cugrini. Mana micui tucuipaj yallitaj ismushca higocunata shinami ruragrini.

OSEAS 9:10

Shitashca pambapi uvata japij shinami israelcunataca japircani. Callaripica cancunapaj ñaupa yayacunaca ñucapajca punta p'ucushca higo shina ricunanquimi carca. Chashna cashpapish Baal-peor diospajmanmi rircacuna. Pingaichishca cangapajmi ñucamantaca anchurircacuna. Chashna tucushpaca, paicunapaj c'uyashca diosta ñuca millanachishca shinallatajmi, paicunapish ñucapajca millanana tucurcacuna.

MIQUEAS 7:1

¡Aij ñucalla! Granocunata usya tucui tandashca q'uipa ch'alata mashcashpa purij runa shinamari cani. Shinallataj uvata tucui tandashca q'uipa ch'alagrishpa imata mana japij shinamari cani. Ñucaca punta p'ucushca granota micushami yuyarcanimari.

NAHUM 3:12

Muyundij pircacunaca, alli granushca higo yura shinami canga. Micusha nicujcuna higo yurata cuyuchijpi, higocuna paicunapaj shimipitaj urmaj shinami urmangacuna.

NÚMEROS 18:13

Chagrapi punta p'ucushca granocunamanta Mandaj Diosman cushcacunaca cambajmi canga. Chaicunataca cambaj huasipi cajcuna cashpapish ima mapa illajcunalla micuchun.

Mateo 5:13

Cancunaca, cai pachapaj cachimi canguichij. Cachica mishquiyachinata chingachishpaca, imapaj mana allichu. Canllaman shitajpi runacuna sarushca canapajllami.