JEREMÍAS 24:1 - Dios Rimashca Shimicunami

¹ Babilonia llajtata jatun mandaj Nabucodonosorca, ñami Joacimpaj churi, Judá llajtata jatun mandaj Coniastapish, Judá llajtata shujtaj mandajcunatapish, ima charinacunata rurajcunatapish, fierrota tacajcunatapish Jerusalenmantaca, Babilonia llajtaman prezu aparca. Chai q'uipami, Mandaj Diosca ñucamanca ishqui canasta higo paipaj huasi ñaupajpi tiyacujta ricuchirca.

JEREMÍAS 24:1 Iomraidhean Croise

2 REYES 24:10

Pai mandacui huatacunami, Babilonia llajtata jatun mandaj Nabucodonosorpajta rurajcunaca, Jerusalenpi causajcunahuan macanacungapaj huichiyashpa pueblo muyujta shayarircacuna.

2 CRÓNICAS 36:10

Babilonia llajtata jatun mandaj Nabucodonosorca, ña huata tucucujpica, Mandaj Diospaj huasipi tiyaj ashtahuan sumaj charinacunandijmi, Joaquintaca Babilonia llajtaman apachun apajcunata cacharca. Paita apashpaca, Joaquinpaj huauqui Sedequiastami Judá llajtatapish, Jerusalén pueblotapish jatun mandaj cachun churarcacuna.

ISAÍAS 13:1

Babiloniata llaquichinataca Amozpaj churi Isaiasman muscuipi shina ricuchishcami.

JEREMÍAS 13:19

Neguev pamba pueblocunamantapish, ama pi llujshichun muyundijtamari chapacuncuna. Tucui Judá llajtamantamari prezu apangacuna. Shujllatapish mana saquingacunachu.

JEREMÍAS 27:20

Chai charinacunataca, Babilonia llajtata jatun mandaj Nabucodonosorca, Joacimpaj churi, Judá llajtata jatun mandaj Coniastapish, cai Judá llajtapi, Jerusalenpi causaj mandajcunatapish, Babilonia llajtaman prezu apai punllaca, chai charinacunataca mana apashpa saquircami.

JEREMÍAS 28:4

Shinallataj cai Judá llajtamanta Babilonia llajtaman prezu apashcacunatapishmi tigrachimusha. Joacimpaj churi, cai Judá llajtata jatun mandaj Coniastami, tucui caishuj apashcacunandijta tigrachimusha. Ñucatajmi Babilonia llajtata jatun mandaj churashca yugotaca p'aquisha ninmi Mandaj Diosca– nircami.

JEREMÍAS 29:1

Babilonia llajtata jatun mandaj Nabucodonosorca, Jerusalenmantaca Judá llajtata jatun mandaj Jeconiastapish, paipaj mama jatun mandaj huarmitapish, mandana huasipi caj shujtajcunatapish, Judá llajtata mandajcunatapish, Jerusalén pueblota mandajcunatapish, ima charinacunata rurajcunatapishmi prezu aparca. Shinallataj cunaj yuyajcunatapish, curacunatapish, Dios ima nishcata huillajcunapish tucui shujtajcunatapishmi Jerusalenmanta Babiloniaman prezu aparca. Manaraj huañushca cunaj yuyajcunamanpish, chai tucui caishujcunamanpishmi Jeremiasca, Jerusalenmanta Babiloniaman shuj quillcata cacharca.

JEREMÍAS 37:1

Joacimpaj churi Coniaspaj randica, Josiaspaj churi Sedequiasmi Judá llajtataca mandacurca. Paitaca Babilonia llajtata jatun mandaj Nabucodonosormi, Judá llajtata jatun mandaj cachun churarca.

EZEQUIEL 17:4

Chai yura ñahuita p'itishpami, randijcunapaj c'atujcunapaj llajtaman aparca. Chaitaca c'atujcunapaj, randijcunapaj pueblopimi churarca.

EZEQUIEL 19:9

Shinallataj cadenacunahuan huatashpa jaulapi churashpami, Babilonia llajtata jatun mandajpajman aparcacuna. Israel llajtapi tiyaj urcucunapi pai huacarishca ama ashtahuan uyarichun nishpami, prezu churarcacuna.

AMÓS 3:7

Mandaj Jatun Diosca pai ima nishcata huillaj paita servijcunaman ima tucunata manaraj huillachishpaca, mana llaquichinllachu.

AMÓS 7:1

Mandaj Jatun Diosca cashnatami muscuipi shina ñucamanca ricuchirca: Jatun mandaj tucui cuzichashca q'uipami, q'uipa tarpushca granocuna ña huiñai callaricujpi, achca langosta c'urucunata Mandaj Diosca huiñachirca.

AMÓS 7:4

Mandaj Jatun Diosca cashnatapishmi ñucamanca ricuchirca: Mandaj Jatun Diosca jatunta llaquichingapajmi ninata cacharca. Chai ninami achca yacucunatapish rupachishpa chaquichirca. Shinallataj chagracunatapish rupachicujtami ricurcani.

AMÓS 7:7

Mandaj Jatun Diosca cashnatapishmi ñucamanca ricuchirca: Mandaj Jatun Diosca plomadahuan pircashca pata jahuapimi shayarirca. Paica pircaj runapaj plomadata maquipi aisashcami shayacurca.

ZACARÍAS 1:20

Chai q'uipaca Mandaj Diosca, chuscu carpinterocunatami ricuchirca.

ZACARÍAS 3:1

Mandaj Diosca ñucamanca, curacunata mandaj Josué curatami ricuchirca. Paica, Mandaj Diospaj angelpaj ñaupajpimi shayacurca. Josué curapaj alli maquimanca, Satanasmi juchachingapaj shayacurca.