JEREMÍAS 23:6 - Dios Rimashca Shimicunami

⁶ Pai mandacui punllacunapica Judá llajtapajpish, israelcunapajpish ima llaqui mana tiyangachu. Cushicushpami causangacuna. Paitaca: Ñucanchijta mitsaj Mandaj Dios nishpami cayangacuna” ninmi.

JEREMÍAS 23:6 Iomraidhean Croise

1 REYES 4:25

Salomón mandacui punllacunapica, judacunapish, israelcunapish Danmantaca, Beersebacamami tucuicuna uva chagracunayuj, olivos chagracunayuj imata mana manchashpa causarcacuna.

SALMOS 45:5

Quiquinpaj caspicunaca puntajllami. Chaihuanmi llajtacunataca urmachishpa quiquinpaj ucupi churangui. Jatun mandajta p'iñajcunapaj corazonpipish pasajtami yaicunga.

ÉXODO 9:26

Israelcuna causan Gosén llajtallapimi runduca mana urmarca.

ISAÍAS 2:4

Llajtacunataca Mandaj Diosmi mandanga. Achca llajtacunatami rimashpa cazuchinga. Paicunapaj espadacunaca yapuna rejami tucunga. Paicunapaj lanzacunaca hocesmi tucunga. Caishuj llajtapi causajcunahuan, chaishuj llajtapi causajcunahuan macanacuica ña mana tiyangachu. Macanacuipaj yachachinapish, ña mana tiyangachu.

ISAÍAS 32:1

Riqui, shuj mandajmi cashcata rurashpa mandagrin. Pai churashca mandajcunapish cashcata rurashpami mandanga.

ISAÍAS 32:18

Ñuca agllashcacunaca ima llaqui mana tiyan llajtapimi causangacuna. Pi mana cuyuchipaj llajtapi caj huasicunapimi causangacuna.

ISAÍAS 33:22

Mandaj Diosmi ñucanchij juezca. Paimari ñucanchijta mandanacunata rurajca. Mandaj Diosca ñucanchij Jatun Mandajmari. Paillatajmari ñucanchijtaca quishpichinga.

ISAÍAS 33:5

Jahua pachapi causaj Mandaj Diosca jatunyachishcami canga. Paimi Sionpi causajcunamanca ima mana pandata, cashcata ruraj canata jundachin.

ISAÍAS 35:9

Chaipica leonpish mana tiyangachu. Manchanana animalcunapish chai ñantaca mana huichiyangacunachu. Quishpichishcacunalla purichunmi chai ñanpica, chai animalcunaca mana tupanga.

ISAÍAS 42:6

“Mandaj Dios ñucami cantaca cashcata ruraj cachun cayarcani. Ñucallatajmi cantaca cuidasha, cambaj maquimantami pushasha. Cantami ñuca agllashcacunahuan ñuca ari ninacushcata rurachun churasha. Llajtacunapaj luz cachunmi churasha.

ISAÍAS 45:17

Ashtahuanpish israelcunaca Mandaj Diospimi huiñaipaj quishpiringacuna. Cancunaca nunca mana pingachishca canguichijchu. Nunca mana cumurichishca canguichijchu.

ISAÍAS 54:17

Canta tucuchingapaj ashtahuan ima macanacunacunata rurajpipish, cantaca chaicunaca imata mana rurai tucungachu. Canta llaquichingapaj tucui parlanacujcunatapish, canrajmi llaquipi churangui. Mandaj Diospajta rurajcuna japina cashcata japinaca, ñuca paicunata llaquimanta quishpichinami” ninmi Mandaj Diosca.

ISAÍAS 7:14

Chaimanta Jatun Diosllatajmi, cancunamanca shuj ricuchinata ricuchigrin: C'arita manaraj rijsij shuj huarmimi chichunga. Paica shuj c'ari huahuatami huachanga. Chai huahuataca Emanuel shutitami shutichinga.

ISAÍAS 9:6

Ñucanchijmanca churitamari cushca, chai huahuamari huacharishca. Paipaj maquipimari mandanataca churashca. Paica cashna shuticunami canga: “Mancharinata cunaj, tucuita rurai tucuj Dios, huiñaita causaj Yaya, sumaj causaita Mandaj” nishcami canga.

JEREMÍAS 29:11

Ñuca cancunapaj imallata ruranataca ñucamari yachani. Cancunapajca llaquitaca mana cachashachu, ashtahuanpish sumaj causaitami cugrini. Cancuna shuyacushcatatajmi cusha.

JEREMÍAS 30:10

Mandaj Diosca cashnapishmi nin: “Ñucata servij Jacobpaj huahuacunalla, ama manchaichijchu. Can israelcunaca ama mancharichijchu. Ñucamari cancunataca huahuacunandij prezu causacun chai caru llajtamanta llujshichisha. Jacobpaj huahuacuna, cancunaca cai llajtaman tigrashpami samaringuichij. Pi mana manchachishca, ima llaquitapish mana yuyarishpami causanguichij.

JEREMÍAS 31:23

Tucuita Mandaj, israelcunapaj Diostajmi cashna nin: “Prezu apashcacunataca ñuca tigrachimujpi, cai Judá llajta quiquin pueblocunapi cashpaca: Cashcata ruraj causana pueblolla, Diospajlla ch'icanchishca urculla, cantaca Mandaj Dios bendiciashca cachun ningacunami.

JEREMÍAS 32:37

Shina cajpipish ñucaca yallitaj p'iñarishpa, manataj ashtahuan charisha nishpa llujshichishpa cachashcacunataca, tucui cai pachamantami cutin tandachimusha. Chashna tandachimushpa, cutin caipi causachun churashatajmi.

JEREMÍAS 33:15

Chai punllacunapi, chai huatacunapica Davidpaj huahuacunapuramantami shuj mushuj yurata shina huiñachisha. Paica cashcata rurajmi canga. Paimi cai llajtapica, tucuicunapaj cashcata ricushpa alli mandanga.

JEREMÍAS 33:16

Chai punllacunapica, Judá llajtaca tucui llaquimanta quishpichishcami canga. Jerusalenpi causajcunapish ima manchai illajllami causangacuna. Paicunaca: Mandaj Diosmi ñucanchijpajca cashcata ruran ningacunami.

EZEQUIEL 21:27

Chashna cashcamanta cancunapajca, jahuanpi jahuanpimi tucuchij llaquicunata cachasha. Mandanata japinapaj shamuna tiyacuj shamungacamallami chashna llaquicunaca tiyanga. Tucuitami paipaj maquipi churasha.

EZEQUIEL 28:26

Israelcunaca paicunata p'iñashpa causaj muyundij llajtacunata ñuca chingachijpimi, imata mana manchashpa causangacuna. Chaipica huasicunatapish shayachingacunami, uvatapish tarpungacunami. Chaita ricushpami israelcunaca, ñucataca paicunata Mandaj Taita Dios cashcataca yachangacuna” nircami.

EZEQUIEL 38:14

Chaimanta huañujlla aichayuj runalla, mandaj Gogmanca cashna huillai: Mandaj Jatun Diosca cashnami nin: Chai punllacunapica ñuca agllashca israelcunaca imata mana manchashpa causana cashcataca, canca ¿manachu yachangui imamí?

EZEQUIEL 48:35

Chai pueblo muyundijta medijpica, 36 kilómetro, 700 metromi carca. Chai punllamantapachami chai puebloca: Mandaj Diosmi chaipi nishca shutihuan saquiringa nircami.

DANIEL 9:24

Chai chunga canchis semanacunataca cambaj llajtapurata, Diospajlla ch'icanchishca cambaj pueblota llaquichingapajmi chashna churashca. Dios mandashca shina mana ruracushcata chingachingapaj, juchata tucuchingapaj, millaita ruranata tucuitaj anchuchingapajmi chashna rurashca. Huiñaipaj cashcata ruraj canata rurangapaj, muscuipi shina ricushcatapish, profetacuna huillashcatapish sellashpa churangapaj, jucha illajcunata ashtahuan yalli Jucha illajta aceitehuan churangapajmi chashna rurashca.

DANIEL 9:7

Jatun Dios, quiquinca cashcatami rurashcangui. Ashtahuanpish ñucanchijca quiquinpaj ñaupajpica ima ñahui mana ricuripajmi tucushcanchij. Cunan punllaca judacuna cashpapish, Jerusalenpi causajcuna cashpapish tucui israelcunami urata, janajta maitapish cachashca c'uchullapi cashpa carupi cashpa causacunchij. Quiquinta mana cazushcamantami chashna causacunchij.

OSEAS 1:11

Judacunapish, israelcunapish tandanacungami. Shujlla mandajtami churanga. Tucui maipi cashcamantami tandanacunga. Jezreelpaj punllaca jatunmi canga.

OSEAS 1:7

Shina cashpapish judacunataca llaquishami. Mandaj paicunapaj Taita Dios ñucallatajmi quishpichisha. Paicunataca arcohuan, espadahuan, macanacuihuan, caballopi tiyarishca soldadocunahuanca mana quishpichishachu” nircami.

OSEAS 2:18

Chai punllacunapica, paicunapaj allipajmi purij animalcunahuanpish, huairata purij alasyuj animalcunahuanpish, culebracunahuanpish ari ninacushcata rurasha. Cai llajtamantaca arcotapish, espadatapish, macanacuicunatapish anchuchishami. Chashna rurajpica ima manchai illajllami dormingui.

ABDÍAS 1:17

Ashtahuanpish Sión urcupica, saquirishcacunami quishpiringacuna. Chai urcuca, Diospajlla ch'icanyachishcami canga. Jacobpaj huahua huahuacunaca, paicunapaj quiquin allpacunallatatajmi japingacuna.

ABDÍAS 1:21

Esaupaj urcupi causajcuna imalla rurashcata ricungapajmi, quishpichijcunaca Sión urcuman huichiyangacuna. Chai punlla mandanaca, Mandaj Diospajllami canga.

SOFONÍAS 3:13

Chai saquirishca israelcunaca pita mana llaquichingachu, mana llullangacunachu. Paicunapaj c'alluca pita mana umangachu. Paicunataca allimi michinga. Paicuna dormicujpipish, pi mana manchachingachu” ninmi.

ZACARÍAS 10:6

Judapaj huahua huahuacunamanca, ñucami fuerzata cusha. Josepaj huahua huahuacunatapish ñucami huaquichisha. Paicunapaj llajtamanmi tigrachimusha. Ñucaca paicunataca achcatami llaquisha. Chaimantami shuj cutinllapish mana p'iñashca shina cangacuna. Ñucaca paicunata Mandaj Dios cashpami, paicuna mañashcatapish uyasha.

ZACARÍAS 3:10

Chai punllapica cancunaca caishujta, chaishujta cayanacushpami uva yuracuna ucupi, higo yuracuna ucupi tiyaringuichij ninmi tucuita Mandaj Diosca” nishpami huillarca.

Romanos 3:22

Jesucristopi crijpimi, tucui paipi crijtaca Diosca justifican. Paipajca tucuicuna chai shinallatajmi.

1 Corintios 1:30

Diosmi cancunataca, Cristo Jesushuan shujllata rurarca. Cristotamantami Diosca yachaj cachun, justificashca cachun, jucha illajta rurashca cachun, randishpa quishpichishca cachun churarca.

2 Corintios 5:21

Cristotaca mana juchayuj cajpipish, Diosca ñucanchijmantami juchayujta rurarca. Cristomanta ñucanchijca, Dios munashca shina cashcata rurajcuna cachunmi chashnaca rurarca.

Filipenses 3:9

Paihuanmi shujlla casha nini. Mandashcapi nishca shinata rurashpa ñuca quiquin justificarinataca mana yuyanichu. Ashtahuanpish justificashca canataca, Cristopi crishpami japircani. Chaica Diosmantami shamun, crishpallami japina.