JEREMÍAS 23:5 - Dios Rimashca Shimicunami

⁵ Mandaj Diosca cashnapishmi nin: “Shamuj punllacunapica, Davidpaj huahuapuramantami cashcata ruraj mandajta churasha. Paimi cai llajtata Jatun Mandaj canga. Paica cushicushpami cai llajtapica alli mandanga, tucuicunapajmi cashcata ruranga.

JEREMÍAS 23:5 Iomraidhean Croise

2 SAMUEL 23:3

Israelcunapaj Taita Diosmari rimashca. Israelcunapaj pacatucuna Rumimi ñucaman cashna riman: Runacunapaj chaupipica, cashcata rurashpa mandajmi tiyanga. Taita Diosta manchashpami mandanga.

SALMOS 45:4

Quiquinpaj sumaj canaca mirarishcamari. Mana llulla shimipi, mana jatun tucushca canapi, cashcata ruranapi caballopi tiyarij shina tiyariyari. Quiquinpaj alli lado maquimi mancharinacunata rurashpa poderyuj cashcata ricuchinga.

SALMOS 80:15

Chai yuraca quiquinpaj alli maquihuan tarpushcamari. Quiquinpajlla cachunmari sapiyachircangui.

SALMOS 99:4

Jatun mandajpaj mandacuipica cashcata ruranahuan jundami. Quiquinca cashcata ruranatami chashnataj cachun churangui. Jacobpaj huahua huahuacunapurapimi, cashcata rurashpa mandanata, mandana shinataj mandanata churashcangui.

ISAÍAS 33:5

Jahua pachapi causaj Mandaj Diosca jatunyachishcami canga. Paimi Sionpi causajcunamanca ima mana pandata, cashcata ruraj canata jundachin.

ISAÍAS 4:2

Chai punllacunapica Mandaj Dios retoñachishca yuraca alli nishca canapaj, jatun nishca canapajmi canga. Chai llajtapi p'ucushca granocunaca saquirij israelcunata jatun nishca alli nishca canapajmi canga.

ISAÍAS 42:6

“Mandaj Dios ñucami cantaca cashcata ruraj cachun cayarcani. Ñucallatajmi cantaca cuidasha, cambaj maquimantami pushasha. Cantami ñuca agllashcacunahuan ñuca ari ninacushcata rurachun churasha. Llajtacunapaj luz cachunmi churasha.

ISAÍAS 45:24

Ñucataca cashnami ningacuna: Cashcata ruraj canapish, fuerzapish Mandaj Diospitajmi tiyan ningami. Mandaj Diospajman shamushpa nina sindirij shina p'iñarijcunaca tucuicunami pingachishca cangacuna.

ISAÍAS 52:13

Riqui ñucapajta rurajca tucuipi allimi ringa. Jatunyachishcami canga. Alli nishcami canga. Tucuicunapaj jahuaman churashcami canga.

ISAÍAS 53:10

Mandaj Diosmari ñucanchijmanta paillataj curishpa llaquita apachun munarca. Ñucanchij juchamanta paipaj causaita cushcamantaca paita catijcuna tiyajta ricungami, huiñai huiñaita causangapishmi. Mandaj Diosca pai imalla rurasha nishcataca paipaj maquipi churashpami ruranga.

ISAÍAS 53:2

Chaquishca allpapi yura sapimanta retoñaj shinami paipaj ñaupajpica huiñanga. Paica alli ñahui mana cangachu. Paica sumaj ricunanqui ñahuica mana canchu. Ñucanchij catingapaj munana ñahuillatapish mana charircachu.

ISAÍAS 9:5

Jatun macanacuiman soldadocuna churashpa t'alaj t'alaj nishpa purina zapatocunataca rupachishcami canga. Yahuarpi c'ahuirishca caj churanacunapish rupachishcami canga. Chaquishca q'uihua rupaj shinami rupanga.

ISAÍAS 9:6

Ñucanchijmanca churitamari cushca, chai huahuamari huacharishca. Paipaj maquipimari mandanataca churashca. Paica cashna shuticunami canga: “Mancharinata cunaj, tucuita rurai tucuj Dios, huiñaita causaj Yaya, sumaj causaita Mandaj” nishcami canga.

ISAÍAS 9:7

Pai mandanaca ashtahuanmi mirashpa catinga. Pai mandacujpica sumaj causaimi tiyanga. Chai mandanaca mana tucuringachu. David mandashpa tiyanapimi tiyaringa. Pai mandanatami mandanga. Ima pandata mana rurashpa, cashcata rurashpami mandanga. Imatapish alli cachun churashpami mandanga. Pi mana cuyuchipajmi canga. Pai mandai callari punllamanta huiñaitami chashna canga. Tucuita Mandaj Diosca chaita rurana munailla cashcamanta pajtachingatajmi.

JEREMÍAS 22:15

Cedro caspicunahuan sumaj huasicunata rurachishpaca mandacushallami ¿yuyanguichu imatagari? Cambaj yayapish alli micushpa, alli ubyashpami causarca. Shina cashpapish cashcata rurashpami alli mandarca. Chaimantami tucui imapish alli llujshirca. ¿Chaitaca manachu yuyaringui?

JEREMÍAS 22:3

Mandaj Diosca cashnami nin: Cashcata rurashpa, alli mandaichigari. Huajchacunataca llaquichicujcunapaj maquimanta mitsaichigari. Ama pita umaichijchu. Shujtaj llajtamanta shamushcacunatapish, yaya mana illaj huahuacunatapish, viudacunatapish ama imata quichuichijchu. Cai llajtapica, ama manapish ima millaita rurajcunata huañuchishpa yahuarta jichaichijchu.

JEREMÍAS 22:30

Mandaj Diosca cashnami nin: “Cai runa ima tucunata quillcaichij. Paica shuj churillatapish mana charishca shinami saquiringa. Tucui causaipi imata mana charishca shinami saquiringa. Paipaj churicunaca Davidpaj jatun tiyarinapica, pi mana tiyaringachu. Pi mana Judá llajtata mandangapaj tiyaringachu” ninmi.

JEREMÍAS 23:6

Pai mandacui punllacunapica Judá llajtapajpish, israelcunapajpish ima llaqui mana tiyangachu. Cushicushpami causangacuna. Paitaca: Ñucanchijta mitsaj Mandaj Dios nishpami cayangacuna” ninmi.

JEREMÍAS 29:11

Ñuca cancunapaj imallata ruranataca ñucamari yachani. Cancunapajca llaquitaca mana cachashachu, ashtahuanpish sumaj causaitami cugrini. Cancuna shuyacushcatatajmi cusha.

JEREMÍAS 30:3

Mandaj Diostajmi cashna nini: Ñuca agllashca israelcunapuramantapish, Judá aillupuramantapish prezu apashcacunata tigrachimuna punlla chayamungami. Paicunapaj ñaupa yayacunaman ñuca cushca cai llajtamanmi pushamusha. Caipimi sumajta causangacuna” nircami.

JEREMÍAS 30:9

Ashtahuanpish chai punllaca, ñuca paicunata Mandaj Diostapish, paicunata mandachun ñuca churashca jatun mandaj Davidtapishmi servingacuna” ninmi.

JEREMÍAS 31:27

Mandaj Diosca cashnami nin: “Shamuj punllacunapica Israel llajtapipish, Judá llajtapipish runacunata, animalcunata mirachishpa jundachishami.

EZEQUIEL 21:27

Chashna cashcamanta cancunapajca, jahuanpi jahuanpimi tucuchij llaquicunata cachasha. Mandanata japinapaj shamuna tiyacuj shamungacamallami chashna llaquicunaca tiyanga. Tucuitami paipaj maquipi churasha.

EZEQUIEL 34:16

Chingarishpa caita chaita puricujtapish mashcashpa japishpaca, corralmanmi tigrachimusha, chaqui p'aquitapish c'acushpa huatashami, irquitapish ayudashami. Ashtahuanpish huirayashca ovejacunatapish, c'ari c'ari ovejacunatapish chingachishami, cashcata rurashpami paicunataca michisha ninmi.

EZEQUIEL 34:29

Paicunapajca sumaj michina pambatami rurasha. Cai llajtapica ña mana ashtahuan yaricaihuan huañungacunachu, ña mana ashtahuan shujtaj llajtacunapi causajcuna pingachishca causangacunachu.

EZEQUIEL 45:8

Chai allpaca, israelcunata mandajpaj allpami canga. Chashna cajpimi, ñuca churashca mandajcunaca ñuca agllashcacunataca, ña mana ashtahuan llaquichishpa causangacuna. Ashtahuanpish israelcunamanca mashna aillucunapura cajpipish, chai tucui aillucunapaj pajtatami allpacunataca cungacuna.

DANIEL 9:24

Chai chunga canchis semanacunataca cambaj llajtapurata, Diospajlla ch'icanchishca cambaj pueblota llaquichingapajmi chashna churashca. Dios mandashca shina mana ruracushcata chingachingapaj, juchata tucuchingapaj, millaita ruranata tucuitaj anchuchingapajmi chashna rurashca. Huiñaipaj cashcata ruraj canata rurangapaj, muscuipi shina ricushcatapish, profetacuna huillashcatapish sellashpa churangapaj, jucha illajcunata ashtahuan yalli Jucha illajta aceitehuan churangapajmi chashna rurashca.

OSEAS 1:11

Judacunapish, israelcunapish tandanacungami. Shujlla mandajtami churanga. Tucui maipi cashcamantami tandanacunga. Jezreelpaj punllaca jatunmi canga.

OSEAS 3:5

Chai q'uipami israelcunaca Mandaj paicunapaj Taita Diosta, paicunata jatun mandaj Davidta mashcangacuna. Tucuri punllacunapica Mandaj Diostami manchangacuna. Pai cushcacunatami chasquingacuna.

AMÓS 9:11

Shamuj punllapica, Davidpaj shayachishca carpa huasitaca cutin shayachishami. Paicunapaj pata t'unishcatapish allichishpa shayachishami. Tucui imalla urmashcatapish shayachishami. Paicunataca ñaupa punllacunapi cashca shinallatajmi allichisha.

MIQUEAS 5:3

Ashtahuanpish shuj huarmi chichushpa huachangacamallami paicunallata saquinga. Shinallataj saquirij paipaj huauquicunaca ñaupa yaya Israelpaj churicunahuanmi tigrangacuna.

ZACARÍAS 3:8

Curacunata mandaj Josué, cunanca alli uyapangui. Canpish, cambaj ñaupajpi tiyacuj runacunapish yuyarina runacunami canguichij. Riqui, ñucata servijtaca, Retoñacuj yurata shinami apamuni.

ZACARÍAS 9:9

Siónpi causajcunalla, achcata cushicuichigari. Jerusalenpi causajcunalla, cushicushpa caparichigari. Cancunapajmanmi jatun mandajca shamunga. Paica cashcata rurajpish, quishpichijpishmi canga. Jatun mandajca, alli shungumi. Burropi tiyarishcami shamunga, aparij burropaj huahua, malta burropimi paica tiyarishpa shamunga.

Mateo 2:2

–Judiocunata mandangapaj huacharishca huahuaca ¿maipitaj canga? Pai huacharishcata ricuchij lucerotami inti llujshin ladopi ricurcanchij. Chaimi paita adorangapaj shamurcanchij– nishpa tapurcacuna.

Juan 1:45

Felipeca, Natanaelta mashcashpa paihuan tupashpaca: –Moisés quillcashpa mandashcapi, Profetacuna quillcashpa huillashcapi nishca runahuanmari tupashcanchij: Paica, Nazaret pueblomanta Josepaj churi Jesusmi cashca– nircami.

Juan 1:49

Chaimi Natanaelca: –¡Rabí, canca Taita Diospaj Churimi cangui! ¡Canca, israelcunata jatun Mandajmi cangui!– nijpimi,

1 Corintios 1:30

Diosmi cancunataca, Cristo Jesushuan shujllata rurarca. Cristotamantami Diosca yachaj cachun, justificashca cachun, jucha illajta rurashca cachun, randishpa quishpichishca cachun churarca.

Hebreos 8:8

Chaimanta paicunata rimashpami cashna nirca: “(Jatun Diosca cashnami nin) Shamuj punllapica Israelpaj, Judapaj ailluhuanca shuj mushuj ari nishcatami churasha.

Apocalipsis 19:11

Chai q'uipaca cielo pascashcatami ricurcani. Chaipica shuj yurajlla caballotami ricurcani. Chai caballopi tiyarishcaca imatapish cashcata ruraj, chaitataj pajtachij shutimi carca. Paica imatapish cashcatataj ricuchishpa macanacujmi.