JEREMÍAS 23:12 - Dios Rimashca Shimicunami

¹² Chaipica paicunapajca, jatun lluchca ñanta amsa tutapi puricushca shinami canga. Chashna lluchcapi cajpitaj, t'angashpa shitajpi shinami llaquipi urmangacuna.

JEREMÍAS 23:12 Iomraidhean Croise

JOB 18:18

Achijmantaca amsaman shitashcami canga. Cai pachamantaca anchuchishcami canga.

SALMOS 35:6

Paipaj ñanca amsa cachun. Lluchcaricuj cachun. Mandaj Diospaj ángel catishpa llaquichichun.

SALMOS 73:18

Paicunataca lluchcarinapimi churashcangui. Paicuna llaqui tucunallapitaj chingarichunmi shitashcangui.

SALMOS 82:5

Mana yachancunachu, mana entendincunachu. Yallitaj amsapimi purincuna. Tucui allpata aparij rumicunapish chujchuncunamari.

ÉXODO 32:34

Cunanca israelcunata ñuca maiman pushashpa richun nishcaman pushashpa rilla. Ñuca angelmi canta ñaupashpa ringa. Paicunata llaquichina punlla chayajpimi, paicunapaj juchamantaca llaquichisha– nircami.

PROVERBIOS 4:19

Diosta mana manchajcunapaj ñanca amsa tuta shinami, imapi tsagnaricushcatapish mana yachancunachu.

ISAÍAS 8:22

Allpata ricushpaca llaquicunata, yallitaj amsatami ricungacuna. Paicunaca chai yallitaj amsapimi shitashca cangacuna.

JEREMÍAS 11:23

Paicunapuramantaca shujllapish mana causaj saquiringachu. Ñucatajmi chai Anatot pueblopi causajcunapajca, jatun llaqui huatata apamugrini” nircami.

JEREMÍAS 13:16

Cancunata Mandaj Diosca punllata amsayachigrinca, jatun urcucunahuanmari tsagmarigrinchij. Achijman llujshichichunmi cancunaca shuyacurcanguichij. Chaita ruranapaj randica, huañuna jatun amsa llaquipimari churanga. Amaraj chashna rurajpi, paitaca jatunyachichigari.

JEREMÍAS 48:44

Manchaihuan miticunaman callpashpapish, jutcupimi urmanguichij. Jutcumanta llujshishpapish tsagnarishpa japi tucunguichijllami. Ñucatajmi Moab llajta runacunapajca jatun llaqui huatata apamugrini. Chaimantami chashna tucunguichij” ninmi Mandaj Diosca.

JEREMÍAS 50:27

Paipaj tucui soldadocunatapish huagracunata huañuchinaman apaj shina, tucuicunata huañuchichij. ¡Aij chai runacunalla! Paicunata jatunta llaquichina punllamari chayamushca” ninmi.

JEREMÍAS 8:12

Millaicunata rurashcamantaca ¿pingarincunachu imatagari? Mana yangamanta nicunichu, paicunaca manataj pingarincunachu. Ashallatapish mana pingarincunachu. Pingarina ima cashcatapish mana yachancunachu. Chaimanta ñuca llaquichi punllapica, caishujcuna shinallatajmi urmangacuna” ninmi Mandaj Diosca.

LAMENTACIONES 2:20

Mandaj Dioslla, ricuyari. Pita cashna llaquichishcataca yuyariyari. Huarmicunaca paicuna huachashpa, c'uyaihuan huiñachicushca huahuacunatamari micucuncuna. ¿Maitataj chashna llaqui tucuchun saquinguiyari? Curacunatapish, can ima nishcata huillajtapish can Jatun Diospaj huasi ucupi huañuchishca cachunca ¿maitataj saquinguiyari?

MIQUEAS 7:4

Paicunapura alli nishca runaca casha shinamari. Allita ruraj runapish, zarza casha yuracuna shinamari. Chapajcuna huillashca shinallatajmari llaquichina punllaca pajtamucun. Cunanca cambajca, caita chaita musparinami canga.

Juan 12:35

Chaimi Jesusca: –Luzca ashacamallami cancunahuanca canga. Cancuna mana yuyashcapi amsa ama japichun, luz caipi cajpiraj luzhuan shujlla tucushpa purichij. Amsapi purijca, maiman ricushcata mana yachanchu.

DEUTERONOMIO 32:35

Chai tucuimantaca ñucami paicunatapish llaquichisha. Paicuna rurashca shinallatajmi cusha. Paicunapaj llaqui punllaca ñallami chayamugrin. Paicunaman cunataca allichishcatami charicuni.

1 Juan 2:11

Maijanpish paipaj huauquita p'iñajca, amsapirajmi, amsallapitajmi puricun. Chai amsa paipaj ñahuita mana ricujta rurajpimi, maiman ricushcatapish mana yachan.

Judas 1:13

Paicunapaj rurashcacunaca mama cucha t'imburishpa puscuricuj shinami. Luzerocuna quiquin ñanta chingachishca shinami. Chashnacunapajca tucuita yalli huiñaipaj amsami ch'icanchishca shuyacun.