JEREMÍAS 23:10 - Dios Rimashca Shimicunami

¹⁰ Cai llajtaca huainayajcunahuan jundamari. Millaita ruranallatami yachancuna, mandanapipish shujtajcunata llaquichishpallami tiyacuncuna. Chaimanta Dios llaqui tucuchun nijpimi, allpapish shitashca pamba shina chaquishca, michina pambacunapish tucui chaquishcami.

JEREMÍAS 23:10 Iomraidhean Croise

ESDRAS 10:18

Mana Israel caj huarmicunata paicunapaj huarmicuna cachun japij curacunapaj churicunaca caicunami: Josadacpaj huahua huahuacunapuramanta Jesúa paipaj huauquicunapish: Maasías, Eliezer, Jarib, Gedalias shuticunami carca.

SALMOS 107:34

Alli granota p'ucuj allpacunatapish mana p'ucuj cachi allpata ruranllami. Chaipi causajcuna millaicuna cajpimi chashna ruran.

ISAÍAS 24:6

Chaimantami llaqui tucushca canman nishcaca tucui cai pachata tucuchirca. Chaipi causajcunatapish tucuicunatami jatunta llaquichirca. Chaimi cai pachapi causajcunaca tucui tucuchishca carca. Cai pachapi causajcunaca ashacunallami tucurca.

ISAÍAS 5:18

Millaita ruranataca mana alli anguhuan, juchahuan apamujcunalla, huagracunaman carrota aisachij shina millaita ruranata apamujcunalla. ¡Aij imachari tucungacuna!

JEREMÍAS 12:11

Shujllapish mana yuyaita japishpa causajpimi, tucui llajtata llaquichircani. Jatunta llaquichichun saquijpimi, ñuca shitashcacunaca llaquinayajta huacancuna.

JEREMÍAS 14:2

“Judá runacunaca, tucuicunami llaquirishpa huacacuncuna. Pueblo pungucunatapish, pi mana llujshishpa yaicushpa ricurinchu. Jerusalenpi causajcunaca llaquirishpa pambapi tiyarishpami, caparirishpa huacancuna.

JEREMÍAS 6:13

Cunanca ashtahuan uchillacunamanta callarishpa, ashtahuan jatuncunacama tucuicunami jahuanpi jahuanpi charijyanallata yuyancuna. Ñucamanta huillajcunamanta callarishpa, curacunacama tucuicuna umajcunami.

JEREMÍAS 7:9

Chaimantami shuhuashpa, huañuchishpa, huainayashpa, llullangapaj ñuca shutita rimashpa, Baalmanpish inciensota cushpa rupachinguichij. Cancuna mana rijsishca, shujtajcunapaj dioscunatapishmi catinguichij.

JEREMÍAS 9:10

Urcucunapimi caparishpa huacasha. Chaquishca pambacunapipishmi huacagrisha. Cunanca chai michina pambacunataca, maijan purishpallapish mana ricurinca, huagracuna huacashcapish mana uyarinchu. Sacha animalcunapish, huairata purij pajarocunapishmari mancharishpa maitatajshi rishcacuna.

JEREMÍAS 9:12

¿Imamantataj cai llajtapi tucui ima tiyashcacunaca chingachishca cangari? ¿Imamantataj shitashca pamba shina saquirinri? Cunanca maijan purishpallapish, mana ricurinca. ¿Pitaj imamanta cashna tucushcata yachaipaj alli yuyaiyuj canguichigari? Caishujcunaman huillachun Mandaj Diosca ¿maijanman imata huillarcachu imatagari?

JEREMÍAS 9:2

Mana cashpaca shitashca pambapi ñanta purijcuna llandurina shinallatapish ñuca causanapaj maijan cujpica, ñuca llajtapi causajcunata saquishpa chaimanchari riman. Chaipitajca paicunamanta ch'icanyaimanmi. Paicunaca tucuicuna huainayajcuna, mana cazujcunamari.

OSEAS 7:4

Tucui paicunami huainayajcuna. Rupajyachishca horno shinami. Tandata ruraj harinata chapushpa chai chapu p'unguilliringacama samarij shinallami pararincuna.

JOEL 1:10

Chagracunaca llaquinayajmari. Tarpuna allpaca, chushaj yana allpallamari. Trigopish tucurishcamari, llullu vinopish chaquirishcamari, aceitepish chingarishcamari.

LEVÍTICO 5:1

“Maijanpish imata ricushca cajpi, uyashca cajpi tapujpi mana huillashpaca juchallisha nishpataj juchallishcami tucunga.

SOFONÍAS 3:4

Paicunapaj huillajcunapish, llullashpalla huillajcunami. Paicunapaj curacunapish, Diospaj huasita mapayachijcunami, mandashcacunatapish mana cazujcunami.

MALAQUÍAS 3:5

Tucuita Mandaj Diostajmi cashna nini: Ñucami cancuna imalla rurashcacunata ricuj shamusha. Chai punllapimi yumbucunatapish, huainayajcunatapish, llullashpa huillajcunatapish, trabajajcunaman cullquita mana tucui pagajcunatapish, viudacunata, yaya mama illajcunata p'iñajcunatapish, caru llajta runacunata llaquichijcunatapish, ñucata mana manchajcunatapish llaquichisha.

1 Timoteo 1:10

huainayajcunapajmi, c'aripura millaita rurajcunapajmi, gentecunata shuhuajcunapajmi, llullashpa llaquichijcunapajmi, alli yachanata jarcajcunapajpishmi cushca cashca.

Hebreos 13:4

Cazaranaca tucuicuna alli nishca cachun. Paicuna chayarinacunapish chuya cachun. Ashtahuanpish apanacushpa causajcunata, huainayajcunataca Diosmi paicuna ima shina cashcataca ricuchinga.

Santiago 4:4

¡Cai pachahuan huainayajcuna! ¿Manachu cai pachahuan apanacunaca, Diosta p'iñachij cashcataca yachanguichij? Maijanpish cai pachapaj amigo tucushpaca, Diosta p'iñajmi tucun.