JEREMÍAS 22:6 - Dios Rimashca Shimicunami

⁶ Mandaj Diosca Judá llajtata jatun mandajpaj huasitaca cashnami nin: “Canca ñucapajca Galaad urcu shinami cangui. Líbano jatun urcu punta shinapishmi cangui. Shina cajpipish shitashcatami saquigrini, shuj runallapish illaj pueblotami saquigrini.

JEREMÍAS 22:6 Iomraidhean Croise

GÉNESIS 37:25

Chai q'uipaca micungapajmi tiyarircacuna. Paicuna huichilla ricushpaca, tauca ismaelitacuna shamucujtami ricurcacuna. Chaicunaca Galaadmantami mishquijllata ashnaj balsamota, mirrata camellocunaman apachishpa Egiptoman ricurcacuna.

SALMOS 107:34

Alli granota p'ucuj allpacunatapish mana p'ucuj cachi allpata ruranllami. Chaipi causajcuna millaicuna cajpimi chashna ruran.

CANTARES 4:1

Ñuca c'uyashcalla, canca sumajmari cangui, canca sumajmari cangui. Cambaj ñahui luluncunapish ajcha ucucunapica, paloma ñahui shinamari tiyacun. Cambaj ajchaca, Galaad llajtapi tiyaj urcu quinricunapi canlla chivocuna siricuj shinami ricurin.

CANTARES 5:15

Paipaj changacunaca, curi basillacuna jahuapi mármol rumi pilarcunata shayachishca shinamari. Paica Líbano urcu shina jatunmi, chai urcupi tiyaj cedro yuracuna shina tucuicunata yalli sumajmi.

ISAÍAS 27:10

Muyundijta sinchi pircayuj puebloca chingachishcami saquiringa. Achcacuna causacushca puebloca, shitashca pambami saquiringa. Chaipica huagracunatami michinga. Chaipica animalcunapaj corralmi canga. Yura ramacunatapish huagracunami micungacuna.

ISAÍAS 37:24

Cambajta rurajcunata cachashpami, Jatun Diostaca cashna c'amichircangui: Ñuca achca carrocunahuanca jatun urcucunamanmi huichiyasha. Mana huichiyaipaj Líbano urcumanpish huichiyashami. Chaipi caj jatun cedro yuracunatapish p'itishami. Ashtahuan alli cipres yuracunatapish p'itishami. Ashtahuan jahuaman caj lomacunamanmi chayasha. Tucui laya q'uihuacuna tiyan yuracuna junda pambacunamanmi chayasha niringuimi.

ISAÍAS 6:11

Chaimi ñucaca: “Jatun Dios ¿maicamataj chashna cangari?” nircani. Shina nijpi paica: “Pueblocunapish urmachishca cangacama. Chaipi causajcunapish mana tiyangacama. Huasicunapipish pi mana causaj tiyangacama, allpapish shitashca pamba saquiringacamami chashna canga.

JEREMÍAS 21:11

Judá llajtata jatun mandajtaca, paipaj familiandijta cashna ningui: Mandaj Dios rimashcata uyaichij:

JEREMÍAS 21:14

Ñucamari cancuna millaita rurashcamanta llaquichina shinataj llaquichigrini. Ñucamari paipaj jatun sachacunataca tucui rupachichisha. Tucui muyundijpi ima tiyajcunatapishmi rupachichisha ninmi Mandaj Diosca ningui” nircami.

JEREMÍAS 22:24

Mandaj Diosca cashnapishmi nin: “Ñuca, causaj Diostajmi cashna nini: Joacimpaj churi, Judá llajtata jatun mandaj Conías, cantaca ñuca alli maqui dedopi sortijas shina tiyacujpipish, chaimantapish llujshichishpa shitaimantajmi.

JEREMÍAS 26:18

“Ezequías shuti jatun mandaj cai Judá llajtata mandacui huatacunapica, Moreset pueblomanta Miqueas shuti huillajmi, tucui cai llajtapi causajcunaman cashna nishpa huillashca: Tucuita Mandaj Diosca cashnami nin: Cai Sión urcuca, tarpuna allpacuna shina yapushcami canga. Cai Jerusalén pueblopish, rumi montonllami saquiringa. Ñuca huasi shayacun lomapipish, sachallami jundanga ninmi nishpami huillashca.

JEREMÍAS 4:20

Jahuanpi jahuanpi jatun llaquicuna shamunatamari huillancuna. Tucui llajtamari ima illaj llaquinayaj saquiricun. Ñucanchij carpa huasicunataca, shamushcahuan linsocunata lliquishpami urmachicuncuna.

JEREMÍAS 4:7

Leonmari sachamanta llujshimucun. Llajtacunata tucuchijmari caiman shamungapaj ñanpi yaicushca. Cancunapaj llajtata tucuchingapajmari pai tiyanamanta llujshimushca. Cancunapaj tucui pueblocunamari shuj runallapish illaj, shitashca saquiringa” ninmi.

JEREMÍAS 50:12

Chaimantami cancunapaj mama llajtapish jatun pinganayaj tucushpa saquiringa. Cancuna huacharishca llajtaca tucui llajtacunamanta yalli yangami saquiringa. Imapish illaj, shitashca, chaquishca pamballami canga.

JEREMÍAS 7:34

Chashna rurashpami, Judá llajtamantapish, Jerusalén pueblo callecunamantapish asishpa cushicuihuan cantanataca chingachisha. Shinallataj cusayuj, huarmiyuj tucushca punlla cantanatapishmi chingachisha. Tucui llajtatami shitashcata saquisha” ninmi.

JEREMÍAS 8:22

Galaad llajtapica ¿bálsamo aceite tiyanchu imashi? ¿Manachu maijan jambij tiyanga imashi? ¿Imamantataj ñuca llajtapi causajcunaca, ima jambihuan manataj alliyanchu imamí?

JEREMÍAS 9:11

Jerusalén pueblotaca rumi montonllatami saquisha. Judá llajtapi caj tucui caishuj pueblocunatapish chacal nishca animalcuna causanallatami rurasha. Shuj runallapish mana chaipi causangapaj saquiringachu.

MIQUEAS 3:12

Cancuna chashna rurashcamantaca, Sión urcuca tarpuna allpata shina yapushcami canga. Jerusalén puebloca, rumi montonllami tucunga. Diospaj huasi tiyana urcupish q'uihua jundashca sachallami saquiringa.

ZACARÍAS 11:1

Líbano urculla, cedro yuracunata ninahuan rupachishpa tucuchingapaj cambaj pungucunata pascayari.

NÚMEROS 32:1

Rubenpaj, Gadpaj aillucunaca yallitaj achca animalcunatami charirca. Paicunaca Jazer, Galaad shuti llajtacunapica animalcunata charinapaj alli cashcatami ricurca.

DEUTERONOMIO 3:25

Cunanca ñucataca Jordán caishuj ladoman caj ashtahuan alli llajtatapish, chaipi caj alli urcutapish, Líbano llajtatapish ricungapaj ch'imbachihuai nishpami mañarcani.