JEREMÍAS 22:10 - Dios Rimashca Shimicunami

¹⁰ Huañushca mandajmantaca ama huacaichijchu, ama llaquirichijllapishchu. Ashtahuanpish shujtaj llajtaman prezu rijmanta caparirishpa huacaichij. Paica ña mana tigramungachu. Pai huacharishca cai llajtataca, ña manataj cutinca ricungachu.

JEREMÍAS 22:10 Iomraidhean Croise

2 REYES 22:20

Chaimanta cai llajtaman ñuca apamushca tucui llaquicunataca cambaj ñahuicunaca mana ricungachu. Cantaca cambaj ñaupa yayacunahuan tandachingapajca ñuca munashca punllapimi pushasha. Cantaca sumajtami pambangacuna ninmi– nircami. Chashna nishcataca paicunaca tucuitami jatun mandajmanca huillagrircacuna.

2 REYES 23:29

Chai punllacunallatajmi Egipto llajtata jatun mandaj Necao faraonca Asiria llajtata jatun mandajhuan tupangapaj Éufrates jatun yacu c'uchuman huichiyarca. Chaimi jatun mandaj Josiaspish paihuan macanacungapaj llujshirca. Chaipimi Egipto llajtata jatun mandajca, paita ricushcahuan Meguido pueblopi huañuchirca.

2 CRÓNICAS 36:4

Egipto llajtata jatun mandajca Judá llajtata, Jerusalenta jatun mandaj cachunca Joacazpaj huauqui Eliaquimtami churarca. Paitaca Eliaquim cajpipish, Joacim shutitami shutichirca. Paipaj huauqui Joacaztaca, Necaomi Egipto llajtaman prezu aparca.

ECLESIASTÉS 4:2

Chaita ricushpami, ña huañushcacunaraj causacujcunata yalli allipi cashcata yuyarcani.

ISAÍAS 57:1

“Cashcata ruraj runa huañujpica, pipaj ima mana cashca shina saquirinllami. Dios yuyailla cajcunataca, cashcata ruraj cashcamanta llaquita ama ricuchun apashca cashcataca pi mana yuyanchu.

JEREMÍAS 16:7

Huañushcacunapaj familiapuracunatapish pi mana imallatapish carashpa cushichigringachu. Yaya, mana cashpaca mama huañujpipish, pi mana ima ubyanallahuanpish cushichigringachu.

JEREMÍAS 22:11

Mandaj Diosca, Josías huañujpi Judá llajtata paipaj q'uipa mandacujpi prezu apashca paipaj churi Salum shuti jatun mandajmantaca cashnami nin: “Salumca caimanca ña mana tigrangachu.

JEREMÍAS 22:18

Chaimantami Josiaspaj churi, Judá llajtata jatun mandaj Joacimtaca Mandaj Diosca cashna nin: “Pai huañujpica pi mana: ¡Aij ñucanchij huauquilla, aij ñucanchij panilla! nishpa huacangacunachu. ¡Aij ñucanchij mandajlla, jatun mandajmari carca! nishpallapish mana llaquiringacunachu.

JEREMÍAS 22:27

Cancunapaj llajtamanca tucui munaihuan tigranaihuan huañucushpapish, manataj tigranguichijchu” ninmi.

JEREMÍAS 25:27

Mandaj Diosca ñucataca cashnami mandarca: “Tucui paicunataca cashna ningui: Tucuita Mandaj, israelcunapaj Diosca cashnami nin: Caita ubyashpa machaichij, shungu tigrashpa pambaman urmaichij. Ñucaca cancunata huañuchichunca, espadahuanmi cachagrini. Cutinca ña mana jataringuichijchu ninmi” ningui.

JEREMÍAS 28:4

Shinallataj cai Judá llajtamanta Babilonia llajtaman prezu apashcacunatapishmi tigrachimusha. Joacimpaj churi, cai Judá llajtata jatun mandaj Coniastami, tucui caishuj apashcacunandijta tigrachimusha. Ñucatajmi Babilonia llajtata jatun mandaj churashca yugotaca p'aquisha ninmi Mandaj Diosca– nircami.

JEREMÍAS 42:18

Tucuita Mandaj, israelcunapaj Diosca cashnapishmi nin: Cancuna Egipto llajtaman rijpica, Jerusalenpi causajcunata ñuca yallitaj p'iñarishpa jatunta llaquichishca shinallatajmi, cancunatapish yallitaj llaquichisha. Chaipimi cancunaca tucuicuna millanachina, mancharina, shujtajcunatapish paicuna shina tucushca alli canman nina, chanzata rurashpa asina tucunguichij. Cai llajtataca, manataj cutin ricunguichijchu ninmi.

JEREMÍAS 44:14

Cai ashacunalla saquirishpa, Egipto llajtaman shamushca Judá runacunamantaca, pi mana causaj saquiringachu. Judá llajtamanca tigrashpa causagrina munaihuan huañucushpapish, ña mana tigrangacunachu. Maijancuna miticushpa llujshishpallami, Judá llajtamanca tigrangacuna ninmi” nircami.

LAMENTACIONES 4:9

Allpapi p'ucuj ima grano illashcamantami, yaricaihuan allimanta chaquishpa huañurcacuna. Espadapi huañujcunarajmi, mana paicuna shina llaquita aparcacuna.

EZEQUIEL 24:16

“Huañujlla aichayuj runalla, cambaj c'uyashca huarmitaca, ñapish cungaillapimi huañuchisha. Paimantaca ama yupashpa yupashpa huacanguichu, ama huiquita shutuchinguichu.

Lucas 23:28

Chai huarmicunata Jesús tigrarishpa ricushpaca cashnami nirca: –Jerusalenpaj ushushicunalla, ñucamantaca ama huacaichijchu. Cancunallamantataj, cancunapaj huahuacunamantapish huacaichij.