JEREMÍAS 21:9 - Dios Rimashca Shimicunami

⁹ Cai pueblopi saquirijcunaca espadapi cashpa, yaricaihuan cashpa, ungüihuan cashpapish huañungacunatajmi. Ashtahuanpish caimanta llujshishpa, cancunata muyujta chapacuj caldeo soldadocunapajman rishpaca causangacunami. Quiquin chaquihuan llujshishpa, paicunapaj maquipi yaicugrijcunaca huañunallamantapish quishpiringuichijmi.

JEREMÍAS 21:9 Iomraidhean Croise

JEREMÍAS 14:12

Paicuna mana micushpa ñucata mañajpipish, manataj uyashachu. Animalcunata huañuchishpa tucui rupachijpipish, imata cujpipish manataj chasquishachu. Ashtahuanpish espadahuan, yaricaihuan, jatun ungüihuanmi tucuchisha” nircami.

JEREMÍAS 21:7

Chai q'uipaca, Judá llajtata jatun mandaj Sedequiastapish ungüipi, espadapi, yaricaipi mana huañushpa, cai pueblopi causacujraj paita servijcunatapish, Babilonia llajtata jatun mandaj Nabucodonosorpaj maquipimi churasha. Paicunata p'iñashpa huañuchingapaj shamushca chai mandajpaj maquipi churajpica, espadahuanmi huañuchichinga. Paica pita mana llaquingachu, pimanta mana nanaringachu. Japishcahuan huañuchingallami ninmi nigrichij ningui.

JEREMÍAS 24:10

Paicunapaj ñaupa yayacunamanpish, paicunamanpish cushca cai llajtapica shujllatapish mana saquishachu. Jatun macanacuita, yaricaita, ungüita cachashpami tucui chingachisha” ninmi.

JEREMÍAS 27:11

Ashtahuanpish Babilonia llajtata jatun mandaj yugota churachun cungata ricuchishpa, paita servijcuna tucujpica, quiquin llajtallapitaj causachun saquishallami. Quiquin allpacunallapitaj chagrata rurashpa causangacunallami ninmi Mandaj Diosca nichun cachangui” nircami.

JEREMÍAS 27:12

Judá llajtata jatun mandaj Sedequiastapish, paicunata nishca shinallataj cashnami nircani: “Babilonia llajtata jatun mandaj paipaj yugota churachun cancunapaj cungata ricuchishpa paitapish, paipaj llajta runacunatapish servijcuna tucuichijlla. Chashna rurashpaca, causanguichijllami.

JEREMÍAS 27:13

Mandaj Diosca, chai Babilonia llajtata jatun mandajta mana servisha nij llajtataca espadahuan, yaricaihuan, ungüihuanmi huañunga ninmi. ¿Maitataj yangamantaca canpish, cambaj runacunapish chashna huañuna tucunguichigari?

JEREMÍAS 38:2

“Mandaj Diosca cashnami nin: Cai pueblomanta mana llujshijcunaca jatun macanacuipipish, yaricaihuanpish, ungüihuanpish huañungatajmi. Ashtahuanpish caimanta llujshishpa, quiquin chaquihuan caldeocunapaj maquipi yaicugrijcunaca, huañunallamantapish quishpiringacunami.

JEREMÍAS 38:3

Cai puebloca Babilonia llajtata jatun mandajpaj soldadocunapaj maquipi churashca cangatajmi. Paicunami macanacushpa mishanga ninmi Mandaj Diosca” nircami.

JEREMÍAS 39:18

Shinallataj: Canca manataj espadahuan huañuchishca canguichu, ashtahuanpish ñucatajmi quishpichisha. Ñucapi cambaj shunguta churashcamantaca, chai macanacuipi huañunamanta quishpiringuimi ninmi Mandaj Diosca nigri” nircami.

JEREMÍAS 45:5

¿Chashna ruracujta ricushca jahuachu, canllata alli charichun munangui? Chaitaca ama mashcaichu. Ñucaca tucuicunapajmi llaquita apamuni. Shina cajpipish cantaca maiman rijpipish, huañuchichun mana saquishachu ninmi Mandaj Diosca ningui” nircami.

EZEQUIEL 5:12

Cancunapuramanta maijancuna saquirishpaca ungüihuanpish, yaricaihuanpishmi caillapitaj huañungacuna. Caishujcunaca cai muyundijllapitajmi espadapi huañungacuna. Chaishujcunataca caita chaitami cachasha. Paicunataca espadahuanmi catishpa risha.