JEREMÍAS 21:6 - Dios Rimashca Shimicunami

⁶ Tucui cai pueblopi causajcunatami jatunta llaquichigrini. Runacunapish, animalcunapish jatun ungüihuanmi huañungacuna.

JEREMÍAS 21:6 Iomraidhean Croise

GÉNESIS 6:7

Chaimi Mandaj Diosca: “Cai pachapi causachun rurashpa churashcacunataca gentecunatapish, animalcunatapish, llucaj animalcunatapish, huairata purij alasyuj animalcunatapish tucuita chingachisha. Paicunataca mana ruranatami rurashcani” nishpa yallitaj llaquirirca.

ISAÍAS 6:11

Chaimi ñucaca: “Jatun Dios ¿maicamataj chashna cangari?” nircani. Shina nijpi paica: “Pueblocunapish urmachishca cangacama. Chaipi causajcunapish mana tiyangacama. Huasicunapipish pi mana causaj tiyangacama, allpapish shitashca pamba saquiringacamami chashna canga.

JEREMÍAS 14:12

Paicuna mana micushpa ñucata mañajpipish, manataj uyashachu. Animalcunata huañuchishpa tucui rupachijpipish, imata cujpipish manataj chasquishachu. Ashtahuanpish espadahuan, yaricaihuan, jatun ungüihuanmi tucuchisha” nircami.

JEREMÍAS 16:4

Mancharina ungüicunahuanmi huañungacuna. Paicunamantaca pi mana huacangachu, mana pambangacunallapishchu. Majada shinallami allpa jahuapi shitashca siringacuna. Shinallataj espadahuanpish, yaricaihuanpishmi huañungacuna. Paicunapaj aichacunaca huairata purij pajarocunapaj, sacha animalcunapaj micunami canga” nircami.

JEREMÍAS 20:4

Pai Mandaj Diostajmi cashna nin: Cantaca canllatajpish, canhuan alli apanacujcunapish mancharinatami ruragrini. Canhuan apanacujcunatapish, cambaj ñahui ricucuitami p'iñajcunaca espadahuan huañuchingacuna. Tucui Judá runacunatapish, Babilonia llajtata jatun mandajpaj maquipimi churagrini. Paimi Babilonia llajtaman prezu apashpa espadahuan huañuchinga.

JEREMÍAS 32:24

Cunanca caldeocunaca mishashpa japingapajmari, cai pueblo tucui muyundijta caspicunahuan arietecunata rurancuna. Jatun macanacuipi huañushpa tucurishcamantapish, yaricaimantapish cai puebloca chai caldeocunapaj maquipi urmagrinca. Mandaj Dioslla, can huillashca ña pajtacujtaca canllataj ricunguimi.

JEREMÍAS 33:12

Tucuita Mandaj Diosca cashnapishmi nin: “Runacunapish, animalcunapish illaj, shitashca saquirij cai pueblo c'uchupipish, tucui pueblocuna c'uchupipish, llajtapipish achca animalcunata michishpa purijcunami, chugllacunata rurashpa cuidangacuna.

JEREMÍAS 34:17

Cancuna chashna rurashcamantami, Mandaj Diosca cashna nin: “Cancunaca ñucata mana cazushpami, cancunapaj familiacunataca servichicushcamanta mana cacharishpa cachanguichij. Chaimantami ñucapish espadahuan huañuchijcunatapish, jatun yaricaitapish, ungüitapish cancunata llaquichichun cachagrini. Chai jatun llaquihuanmi cancunataca, tucui cai pacha llajtacunapaj chaupipi jatunta pingachigrini. Ñuca, Mandaj Diostajmi chashna nini.

JEREMÍAS 36:29

Ña tucui quillcashpaca, Judá llajtata jatun mandaj Joacimtaca cashna nigringui: Mandaj Diosca cashnami nin: Punta quillcashca cara pillushcataca canmi rupachircangui. Imamantataj cai pillushca carapica, Babilonia llajtata jatun mandajca shamungatajmi. Paimi cai llajtapi ima tiyashcataca tucui chingachinga. Runacunatapish, animalcunatapish mana saquishpami chingachinga nishpa quillcarcanguiyari nishpami rupachircangui ninmi.

JEREMÍAS 42:22

Chaimanta cancuna causagrinata munashca llajtapica espadapipish, yaricaihuanpish, jatun ungüihuanpish huañunguichijtajmi. Chaitaca cunantajmi cancunaman huillani” nircami.

JEREMÍAS 7:20

Chashna cashcamantaca, Mandaj Diosca cashnapishmi nin: “Cunantajca jatunta p'iñarishpami, cai llajtapica jatun llaquita talligrini. Runacunapaj jahuapi, animalcunapaj jahuapi, yuracuna jahuapi, grano chagracuna jahuapimi mana huañuj lunyacuj ninata shina shitagrini” ninmi.

EZEQUIEL 12:16

Paicunapuramantaca ashacunallatami, espadahuan, yaricaihuan, ungüihuan huañunamantaca quishpichisha. Paicunami mai llajtaman chayashpapish: Ñucanchijca yallitaj millaitami rurashcanchij nishpa, tucuita huillangacuna. Chaimantami ñucataca, Mandaj Diostaj cashcatapish yachangacuna” nircami.

EZEQUIEL 14:13

“Huañujlla aichayuj runa, cai llajtapi causajcuna ñucata shitashpa yallitaj millaita rurashpa mana cazujcunataca, ñucallatajmi llaquichisha. Micunatapish quichushpami, paicunamanca yaricaita cachasha. Runacunatapish, animalcunatapish cai llajtamantaca chingachishami.

EZEQUIEL 14:17

Mana cashpaca espadata cai llajtaman apamushpaca: Espada, cai llajtapi causaj runacunatapish, animalcunatapish huañuchi nishpa huañuchichicujpica,

EZEQUIEL 14:19

Mana cashpaca chai llajtapi causajcunaman jatun ungüita cachashpa, runacunatapish, animalcunatapish ñuca jatunta p'iñarishpa huañuchicujpica,

EZEQUIEL 14:21

Chaimantami Mandaj Jatun Diosca cashna nin: “Jerusalenta llaquichingapajca, chuscu jatun llaquicunatami cachasha. Chai pueblopi causaj runacunata, animalcunata huañuchingapaj espadatapish, yaricaitapish, p'iña animalcunatapish, jatun ungüicunatapishmi cachasha.

EZEQUIEL 33:27

Paicunamanca cashnapish ningui: Mandaj Jatun Diosca cashnami nin: Ñucaca causacunimi, chai llaquinayaj llajtapi causacujcunataca espadahuanmi huañuchichisha, urcucunapi causacujcunataca p'iña animalcunamanmi carasha, jatun patacunayuj pueblocunapi, jatun jutcucunapi causajcunataca jatun ungüihuanmi huañuchisha.

EZEQUIEL 33:29

Chai tucui laya millananacunata rurashcamanta, chai llajtata llaquinayaj shitashcata saquijta ricushpami, ñucataca Mandaj Diostaj cashcataca yachangacuna ninmi ningui.

EZEQUIEL 7:15

Canllamantaca espadami shamunga, ucupica ungüipish, yaricaipishmi tiyanga. Urcupi cajcunataca espadahuanmi huañuchinga, pueblo ucupi cajcunataca yaricaipish, ungüipishmi tucuchinga.

OSEAS 4:3

Chaimantami cai llajtaca achca jatun llaquilla canga. Cai llajtapi causajcunaca tucuicunami fuerza illajlla tucungacuna. Sacha animalcuna, huairata purij alasyuj animalcunaca huañungami. Mama cuchapi causaj chalhuacunacamami huañunga.

MIQUEAS 3:12

Cancuna chashna rurashcamantaca, Sión urcuca tarpuna allpata shina yapushcami canga. Jerusalén puebloca, rumi montonllami tucunga. Diospaj huasi tiyana urcupish q'uihua jundashca sachallami saquiringa.

SOFONÍAS 1:3

Runacunatapish, animalcunatapish, huairata purij alasyuj animalcunatapish, mama cuchapi causaj chalhuacunatapish, Diosta mana manchaj runacunatapishmi chingachisha. Cai pachapi causaj runacunataca, tucuicunatami chingachisha” ninmi Mandaj Diosca.

Lucas 21:24

Maijancunataca espadahuanmi huañuchingacuna, shujtajcunataca tucui llajtacunamanmi prezu apangacuna. Jerusalenca mana israelcuna sarushcami canga. Paicuna sarushca cana punlla pajtangacamami, mana israelcuna mandanga.